‘Mega-city’ under the ant hill : చీమలు కట్టిన ‘మెగా-సిటీ’ .. ఔరా అంటారు
చీమల్ని చూస్తే ఐకమత్యంగా ఉండటం ఎలానో తెలుస్తుంది. అలాగే కష్టపడటం కూడా.. అవి గుంపులు గుంపులుగా కలిసి అద్భుతమైన నిర్మాణాలు కట్టేస్తాయి. రీసెంట్‌గా శాస్త్రవేత్తలు చీమల కొండ కింద మెగా-సిటీని కనిపెట్టారు.
- Published By: 10TV Digital Team ,Published On : June 2, 2023 / 04:20 PM IST
'Mega-city' under the ant hill
Viral News : చీమలు గొప్ప బిల్డర్లు అని మీకు తెలుసా? పాడుబడిన ఓ చీమల కొండపైకి టన్నులకొద్దీ సిమెంట్ పంప్ చేసిన తరువాత శాస్త్రవేత్తల బృందం ఆశ్చర్యపోయింది. కొండ కింద మెగా-సిటీని కనిపెట్టారు. ఇప్పుడు దీనికి సంబంధించిన వీడియో వైరల్ అవుతోంది.
చీమలు జట్లు జట్లుగా ఉంటాయి. వాటి బరువుకున్నా పదిరెట్లు బరువును మోసేస్తాయి. వీటిలో చాలా చీమలు శ్రామికులుగా ఉంటాయి. మట్టితో అందమైన నిర్మాణాలు కట్టేస్తాయి. అలా చీమలు కట్టుకున్న ఓ పాడుబడిన చీమల కొండపైకి టన్నులకొద్దీ సిమెంట్‌ను పంప్ చేశారు శాస్త్రవేత్తలు. పదిరోజుల తరువాత చూస్తే వారు ఆశ్చర్యపోయే విషయాలు బయటపడ్డాయి. చీమలపై కొందరు శాస్త్రవేత్తలు డాక్యుమెంటరీ తీస్తున్నారు. దానికి సంబంధించిన ఓ పోస్ట్ ను Massimo అనే ట్విట్టర్ యూజర్ షేర్ చేశారు. ‘3 రోజుల వ్యవధిలో శాస్త్రవేత్తలు 10 టన్నుల సిమెంట్‌ను పాడుబడిన చీమల కొండలోకి పంప్ చేశారు. వారాలా తరువాత తవ్వి చూస్తే విచిత్రమైన.. ఆకర్షణీయమైన నిర్మాణం బయటపడింది’ అనే శీర్షికతో ఈ పోస్ట్‌ను పెట్టారు.
పాడుబడిన చీమలకొండపై శాస్త్రవేత్తలు సిమెంట్ పోస్తున్నట్లుగా వీడియో మొదలౌతుంది. మూడురోజుల పాటు ఆ రంధ్రంలో పది టన్నుల సిమెంట్ పోశామని వీడియోలో చెప్తారు. తరువాత తవ్వడం ప్రారంభించారు. అంతే నమ్మశక్యం కాని భూగర్భ నిర్మాణాన్ని చూశారు. ప్రధాన గదులను కలుపుతూ భూగర్భ రహదారులు, ప్రధాన మార్గాలు, రోడ్లు’ వీడియోలో కనిపిస్తాయి. ఈ వీడియోని చూసిన నెటిజన్లు ‘చీమలను చూసి చాలా నేర్చుకోవాలని.. సమిష్టి కృషితో అవి చేసిన నిర్మాణాలు అద్భుతమని చాలామంది ట్వీట్ చేశారు.
Over the course of 3 days scientists pumped 10 tons of cement into an abandoned ant hill. After weeks of digging, the colony’s intricate & impressive structure is revealed. This one
[full video, from “Ants! Natures Secret Power”: https://t.co/ol5WJZU6A8]pic.twitter.com/G71KrCYafP
— Massimo (@Rainmaker1973) May 31, 2023
