Nayan-vignesh : మా పెళ్లి తిరుపతిలోనే అనుకున్నాం.. కానీ.. పెళ్లిపై మొదటి సారి విగ్నేష్ శివన్ ప్రకటన..

తాజాగా వీరి వివాహంపై విఘ్నేష్ శివన్ స్పందిస్తూ మీడియాతో మాట్లాడారు. విగ్నేష్ శివన్ మాట్లాడుతూ.. ''నా ప్రేయసి​ నయనతారను జూన్​ 9 గురువారం మహాబలిపురంలో.........

Nayan-vignesh :  స్టార్ హీరోయిన్ నయనతార, తమిళ దర్శకుడు విగ్నేష్ శివన్ గత కొన్నేళ్లుగా ప్రేమలో ఉన్న సంగతి తెలిసిందే. వీరిద్దరూ కలిసి అన్ని రకాల సెలబ్రేషన్స్ చేసుకుంటూ అన్ని చోట్లకి చెట్టాపట్టాలేసుకొని తిరిగేస్తున్నారు. గుళ్ళు గోపురాల చుట్టూ కూడా ఇప్పటికే తిరిగేశారు. గతంలోనే ఎంగేజ్మెంట్ చేసుకున్న వీళ్ళు గత కొంతకాలంగా ఇద్దరూ కలిసి ఒకేచోట నివసిస్తున్నట్టు కూడా తెలుస్తుంది. ఎక్కడికి వెళ్లినా ఇద్దరూ కలిసే వెళ్తున్నారు. ఇక వీరి పెళ్లిపై చాలా వార్తలు వచ్చినా ఇటీవల జూన్ 9న వీరి వివాహం జరగనుందని క్లారిటీ వచ్చింది.

అయితే వీరు మాత్రం దానిపై నోరు విప్పలేదు. ఇటీవల నయన్-విగ్నేష్ కలిసి అధికారికంగా తమిళనాడు సీఎం స్టాలిన్ వద్దకు వెళ్లి తమ పెళ్ళికి ఆహ్వానించారు. దీంతో వీరి పెళ్లి మీద అందరికి క్లారిటీ వచ్చింది. మహాబలిపురం ఓ ప్రైవేట్ హోటల్ లో జూన్ 9న వీరి వివాహం జరగనుంది. ప్రస్తుతం ఇద్దరూ పెళ్లి పనుల్లో బిజీగా ఉన్నారు. అయితే ఇప్పటికి కూడా వీరిద్దరూ తమ పెళ్లి గురించి మాట్లాడలేదు.

Prabhas : మరో ప్రాజెక్టుకి లైన్ క్లియర్ చేసిన ప్రభాస్.. ఈ లైనప్ ఏంటి బాబు..

తాజాగా వీరి వివాహంపై విఘ్నేష్ శివన్ స్పందిస్తూ మీడియాతో మాట్లాడారు. విగ్నేష్ శివన్ మాట్లాడుతూ.. ”నా ప్రేయసి​ నయనతారను జూన్​ 9 గురువారం మహాబలిపురంలో పెళ్లి చేసుకోబోతున్నాను. మా ఇద్దరి కుటుంబాలతో పాటు సన్నిహితులు, స్నేహితులు మాత్రమే మా వివాహానికి హాజరు కానున్నారు. ముందుగా మేము తిరుపతిలో పెళ్లి చేసుకోవాలనుకున్నాము కానీ అక్కడికి సెలబ్రిటీలు రావడం, ప్రయాణపరంగా కూడా కష్టం కాబట్టి అక్కడ ఎవరికీ ఇబ్బంది కలుగకూడదు అని మా పెళ్లి వేదికను మహాబలిపురానికి మార్చాం. జూన్ 9న ఉదయం పెళ్లి జరుగుతుంది. వాటికి సంబంధించిన ఫొటోలను మధ్యాహ్నం సోషల్ మీడియా ద్వారా షేర్​ చేస్తాం. జూన్​ 11న నేను, నయన్ మీ అందరినీ ప్రత్యేకంగా కలుస్తాం. ఇప్పుడు వృత్తిపరంగానే కాక వ్యక్తిగతంగా కూడా మీ అందరి ఆశీర్వాదాలు ఉండాలని కోరుకుంటున్నాను” అని తెలిపాడు.