Vijay Hazare Trophy : దంచికొట్టిన ధావన్‌.. ఫస్ట్ టైం ఫైనల్లోకి హిమాచల్‌

దేశీవాళీ వన్డే క్రికెట్ టోర్నమెంట్ విజయ్ హజారే ట్రోఫీలో హిమాచల్ ప్రదేశ్ జట్టు ఫైనల్లోకి దూసుకెళ్లింది. హిమాచల్‌కు కెప్టెన్ రిషి ఆల్ రౌండ్ షోతో అదరగొట్టేశాడు.

Vijay Hazare Trophy : దంచికొట్టిన ధావన్‌.. ఫస్ట్ టైం ఫైనల్లోకి హిమాచల్‌

Vijay Hazare Trophy Rishi Dhawan Leads Himachal Pradesh To Final (1)

Vijay Hazare Trophy : దేశీవాళీ వన్డే క్రికెట్ టోర్నమెంట్ విజయ్ హజారే ట్రోఫీ (Vijay Hazare Trophy)లో హిమాచల్ ప్రదేశ్ జట్టు ఫైనల్లోకి దూసుకెళ్లింది. హిమాచల్ ప్రదేశ్ జట్టుకు సారథ్యం వహించిన కెప్టెన్ రిషి ధావన్ ఆల్ రౌండ్ షోతో అదరగొట్టేశాడు. ధావన్ (9 ఫోర్లు, 1 సిక్స్)తో 84 పరుగులతో రాణించాడు.

సర్వీసెస్ తో జరిగిన సెమీఫైనల్లో హిమాచల్ జట్టు 77 పరుగుల ఆధిక్యాన్ని సాధించింది. హిమాచల్ నిర్ణీత 50 ఓవర్లలో 6 వికెట్ల నష్టానికి 281 పరుగులు చేసింది. ఓపెనర్ ప్రశాంత్ చోప్రా 109 బంతుల్లో 78 పరుగులు సాధించగా.. మరో ఆటగాడు ఆకాశ్ వశిష్ట్ 4 ఫోర్లు, 2 సిక్సులతో రాణించి 29 బంతుల్లో 45 పరుగులతో నాటౌట్ గా నిలిచాడు. సర్వీసెస్ 46.1 ఓవర్లలో 204 పరుగులకే ఆలౌటైంది.

మరో సెమీస్ మ్యాచ్‌లో తమిళనాడు జట్టు సౌరాష్ట్ర జట్టుపై 2 వికెట్ల తేడాతో గెలిచింది. సౌరాష్ట్ర నిర్దేశించిన 311 పరుగుల లక్ష్యాన్ని తమిళనాడు 8 వికెట్లు కోల్పోయి ఛేదించింది. విజయ్ హజారే ట్రోపీలో హిమాచల్ ప్రదేశ్ జట్టు తొలిసారి ఫైనల్లోకి దూసుకెళ్లగా.. ఐదుసార్లు చాంపియన్‌గా నిలిచిన తమిళనాడు జట్లు ఏడోసారి ఫైనల్లోకి తీసుకెళ్లింది. ఫైనల్ టోర్నీలో హిమాచల్ ప్రదేశ్ జట్టు, తమిళనాడు జట్టు తలపడనున్నాయి.

Read Also : Apple Days Sale : ఆపిల్ ఇయర్ ఎండ్ సేల్.. ఐఫోన్లపై భారీ డిస్కౌంట్లు.. క్యాష్ బ్యాక్ ఆఫర్లు..