Calcium : కాల్షియం కోసం పాలకు ప్రత్యామ్నాయంగా….

ఆరోగ్యానికి చాలా మేలు చేస్తాయి. అందువల్ల వైద్యులు కూడా వీటిని తినమని సిఫార్సు చేస్తారు. వీటిలో చాలా పోషకమైన విటమిన్లు కలిగి ఉంటాయి,

Calcium : సంపూర్ణ ఆహారమని పేరున్నా కొందరు పాలు, పాల పదార్థాలను తీసుకోవడానికి ఇష్టపడరు. దానికి ప్రధాన కారణం పాలల్లో ఉండే ల్యాక్టోజ్‌. ఒక గ్లాసు పాలు తాగితే శరీరానికి 300 మిల్లీగ్రాముల క్యాల్షియం అందుతుంది. పాలు కొందరిలో జీర్ణక్రియ సమస్యలను తెచ్చిపెడుతుంది. అలాంటి వారు క్యాల్షియం కోసం ప్రత్యామ్నాయ పదార్థాలు తీసుకోవడం వల్ల ఫలితం ఉంటుంది. పాలు కాకుండా క్యాల్షియం లభ్యమయ్యే కొన్ని ఆహార పదార్థాల గురించి తెలుసుకునే ప్రయత్నం చేద్దాం…

నువ్వులు : సాధారణంగా నువ్వుల్లో నల్లనివి, తెల్లనివి అనే రెండు రకాలు ఉంటాయి. అయితే ఈ రెండింటిలోనూ క్యాల్షియం సమృద్ధిగా లభ్యమవుతుంది. రెండు టేబుల్‌ స్పూన్ల నువ్వులు సుమారు 30 గ్రాములు తీసుకుంటే 300 మిల్లీగ్రాముల క్యాల్షియం శరీరానికి అందుతుంది. అంటే ఒక గ్లాసు పాలతో సమానం. క్యాల్షియంతో పాటు వీటిలో ఫైబర్‌, కాపర్‌, మెగ్నీషియం, ఒమేగా-3 ఫ్యాటీ ఆమ్లాలు, ప్రొటీన్లు…వంటి పోషకాలు పుష్కలంగా ఉంటాయి. ఇవి మధుమేహం, ఆర్థ్రైటిస్ సమస్యల నుంచి రక్షణ కలిగిస్తాయి. చర్మ ఆరోగ్యాన్ని పెంపొందించడంలోనూ నువ్వులు కీలక పాత్ర పోషిస్తాయి.

గసగసాలు : ఒక టేబుల్ స్పూన్ సుమారు 20 గ్రాములు గసగసాలు తీసుకుంటే ఒక గ్లాసు పాలు తాగినట్లే. అంటే 300 మిల్లీ గ్రాముల క్యాల్షియం శరీరానికి అందినట్లే. వీటిలో క్యాల్షియంతో పాటు మాంగనీస్‌, ప్రొటీన్లు, కాపర్‌, ఫైబర్‌ పుష్కలంగా ఉంటాయి. ఇవి ఎముకలను ఆరోగ్యంగా ఉంచడంలో దోహదపడతాయి.

చియా గింజలు : క్యాల్షియం సమృద్ధిగా లభ్యమయ్యే పదార్థాల్లో చియా కూడా ఒకటి. వీటిని ఓట్స్‌తో కలిపి తినచ్చు లేదా ప్రత్యేకంగా వేయించుకునైనా తినచ్చు. 45 గ్రాముల చియా గింజల్లో 300 మిల్లీగ్రాముల క్యాల్షియం ఉంటుంది. ఈ గింజల్లోని ఒమేగా-3 ఫ్యాటీ ఆమ్లాలు, ప్రొటీన్లు, ఫైబర్‌ …తదితర పోషకాలు కూడా శరీరానికి ఎంతో మేలు చేస్తాయి. ముఖ్యంగా బరువు తగ్గాలనుకునేవారికి ఇది మంచి ఆహారం.

రాగులు : 100 గ్రాముల రాగుల్లో 300 మిల్లీగ్రాముల క్యాల్షియం ఉంటుంది. దీంతో పాటు పొటాషియం కూడా పుష్కలంగా ఉంటుంది. ఇది శరీరంలోని జీవక్రియల రేటును మెరుగుపరుస్తుంది. గుండె, కిడ్నీలు సక్రమంగా, సమర్థంగా పనిచేసేలా చూస్తుంది. అదేవిధంగా బరువు తగ్గడంలోనూ తోడ్పడుతుంది.

బీన్స్ ; బీన్స్ వంటి పప్పు ధాన్యాలలో క్యాల్షియం పుష్కలంగా ఉంటుంది. అలాగే వీటిలో కాలుష్యంతో పాటు ప్రోటీన్, ఐరన్, జింక్, పొటాషియం, ఫోలేట్, మెగ్నీషియం మరియు ఫైబర్ యొక్క అద్భుతమైన వనరులు లభిస్తాయి. క్యాబేజీ సోయాబీన్స్ క్యారెట్ వంటి కూరగాయలలో కాల్షియం పుష్కలంగా ఉంటుంది. విభిన్న పద్ధతులను అనుసరించడం ద్వారా మీరు వాటిని మీ ఆహారంలో కనీసం వారానికి ఒక్కసారైనా తింటే కాల్షియం లభిస్తుంది.

డ్రై ఫ్రూట్స్ ; ఆరోగ్యానికి చాలా మేలు చేస్తాయి. అందువల్ల వైద్యులు కూడా వీటిని తినమని సిఫార్సు చేస్తారు. వీటిలో చాలా పోషకమైన విటమిన్లు కలిగి ఉంటాయి. అలాగే వీటిలో క్యాల్షియం కూడా అధిక మొత్తంలో కలిగి ఉంటుంది. ఆరెంజ్ మరియు కమలలో పోషకమైన మూలకాలతో నిండి ఉంటాయి ఇందులో విటమిన్-సి అలాగే కాల్షియం ఉంటుంది. 200 గ్రాములు ఒలిచిన నారింజ, కమలలో 72.2 మి.గ్రా కాల్షియం ఉంటుంది.

వాటితోపాటు మెంతి కూర, మునగాకు, క్యాబేజీ తదితర ఆకుపచ్చని కూరగాయలను డైట్‌లో చేర్చుకోవడం వల్ల పుష్కలంగా క్యాల్షియం ప్రయోజనాలను పొందవచ్చు. అదేవిధంగా కిడ్నీ బీన్స్ లేదా రాజ్‌మా, సోయా బీన్స్‌, బాదం పప్పు, బ్రకలీ, చిలగడదుంప, బెండకాయ, పొద్దుతిరుగుడు గింజలు, నారింజ పండ్లు కూడా క్యాల్షియంతో నిండినవే.