Cough : దగ్గును సులభంగా తగ్గించుకునే ఆయుర్వేద చిట్కాలు! |Ayurvedic tips to reduce cough easily!

Cough : దగ్గును సులభంగా తగ్గించుకునే ఆయుర్వేద చిట్కాలు!

పిప్పళ్లు, అల్లం, తుంగమస్తలు, పసుపు, కరక్కాయ సమభాగాలుగా తీసుకుని చూర్ణంగా చేయాలి. దానికి తేనె లేదంటే పంచదార కలిపి పేస్టుగా చేసుకుని తీసుకోవాలి. ఇలా చేస్తే దగ్గు తగ్గుతుంది.

Cough : దగ్గును సులభంగా తగ్గించుకునే ఆయుర్వేద చిట్కాలు!

Cough : గొంతులో కఫదోషం కారణంగా వచ్చే దగ్గును ఆయుర్వేదంలో కాసరోగం అంటారు. అదే ఇంగ్లీషులు కాఫ్ అని పిలుస్తారు. వాత, పిత్త, శ్లేష్మ దోషాల వల్ల దగ్గు వస్తుందని ఆయుర్వేదం చెబుతుంది. దగ్గు సమస్య వచ్చిన తరువాత దానికి చికిత్స అందించకుండా వదిలేస్తే అది చివరకు ఊపరితిత్తుల క్షయ వ్యాధిగా మారుతుంది. ప్రధానంగా దగ్గులో మూడు రకాలు ఉన్నాయి. కఫంతో పాటు వచ్చే దగ్గు, కఫం లేకుండా వచ్చే దగ్గు, కఫం, రక్తంతోపాటు వచ్చే దగ్గు. కొన్ని సందర్భాల్లో కంఠ భాగంలో కలిగే గాయాల వల్ల సైతం రక్తంతో కలిసి, కఫం వస్తుంది. దీన్ని తీవ్రమైనదిగా గుర్తించాలి. దగ్గు సమస్యను తగ్గించుకునేందుక ఆయుర్వేద సూచిస్తున్న కొన్ని చిట్కాల గురించి తెలుసుకునే ప్రయత్నం చేద్దాం…

1. ఖర్జూరం , మిరియాలు, విడంగాలు, పిప్పళ్లు, తేనె సమభాగాలుగా కలిపి తీసుకోవటం వల్ల మంచి ఫలితం ఉంటుంది.

2. టీ స్పూన్ అతి మధుర చూర్ణాన్ని టీస్పూన్ తేనె లేదంటే పంచదారతో కలిపి తింటే కఫం పడిపోయి దగ్గుతగ్గుతుంది.

3. అరగ్రాము మిరియాల చూర్ణం, నెయ్యి, చక్కెర , తేనె కలిపి తింటే దగ్గు నుండి ఉపశమనం లభిస్తుంది.

4. పిప్పళ్లు, అల్లం, తుంగమస్తలు, పసుపు, కరక్కాయ సమభాగాలుగా తీసుకుని చూర్ణంగా చేయాలి. దానికి తేనె లేదంటే పంచదార కలిపి పేస్టుగా చేసుకుని తీసుకోవాలి. ఇలా చేస్తే దగ్గు తగ్గుతుంది.

5. 25 గ్రాముల చెరుకు రసంలో 25 గ్రాముల నెయ్యి కలిపి , నెయి మిగిలే వరకు బాగా వేడి చేయాలి. ఆ నెయ్యిని తాగితే క్షయతో వచ్చిన దగ్గు తగ్గుతుంది.

6. తామరగింజల చూర్ణానికి తేనె కలిపి తీసుకుంటే పైత్య దోషం వల్ల వచ్చిన దగ్గు పోతుంది.

7. తమలపాకుల రసాన్ని వెడిచేసి చల్లారిన తరువాత దానికి తేనె కలిపి తాగితే గడ్డ కట్టిన కఫం కరిగి దగ్గు తగ్గిపోతుంది.

8. టేబుల్ స్పూన్ తులసి ఆకుల రసానికి తగినంత తేనె కలపి తీసుకుంటే దగ్గు తగ్గిపోతుంది.

9. మిరియాల చూర్ణం, నెయ్యి , చక్కెర కలిపి టీ స్పూన్ చొప్పున తింటే దగ్గు సమస్య నుండి ఉపశమనం లభిస్తుంది.

10. రెండు చిటికెల లవంగాల చూర్ణం, తేనె, పటిక బెల్లం చూర్ణంలో కలిపి తీసుకుంటే మంచి ఫలితం ఉంటుంది.

గమనిక; ఈ సమాచారాన్ని అందుబాటులో ఉన్న వివిధ మార్గాల నుండి సేకరించటం జరిగింది. ఈ సమాచారం కేవలం అవగాహన కోసం మాత్రమే. ఆరోగ్యపరమైన సమస్యల ఉంటే వైద్యుడిని కలిసి వారు సూచించిన విధంగా తగిన చికిత్స పొందటం మంచిది.

×