Cancer : బాల్యంలో క్యాన్సర్….అపోహలు

చాలా మంది చిన్నారుల్లో కణితులు ఏర్పడినప్పటికీ, అన్ని కణితులు ప్రాణాంతకమైనవి కావని గమనించాలి. కొన్ని కణితులు మాత్రమే ప్రమాదకర, ప్రాణాంతకమైనవిగా వైద్యులు నిర్ధారిస్తున్నారు.

Cancer : అతి భయంకరమైన వ్యాధుల్లో క్యాన్సర్ ఒకటి. అయితే చిన్నవయస్సులో ఉండే పిల్లలు కాన్సర్ వ్యాధి బారిన పడితే కన్నతల్లి దండ్రుల ఒక్కసారిగా షాక్ గురవుతారు. ఒక వయస్సు పైబడిన వారిలో సాధారణంగా క్యాన్సర్ గుర్తించబడుతుంది. శరీరంలో కణ విభజన ఒక క్రమపద్దతిలో జరుగుతుంది. అయితే కొన్ని అనుకోని పరిస్ధితుల్లో కణాల పెరుగుదలలో నియంత్రణ కోల్పోవటం కారణంగా కణాలు విభజన అస్తవ్యస్తంగా మారుతుంది. ఆ సందర్భంలో కణ సమూహాలు ఒకే చోట చేరుతాయి. దానినే కణితిగా పిలుస్తారు.

కణితులు ఏర్పడటం వల్ల వాటికి సమీపంలో ఉండే ముఖ్యమైన అవయవాల పనితీరును అడ్డుకుంటాయి. సాధారణ కణజాలం కోసం ఉద్దేశించిన శక్తిని ఉపయోగించుకుంటాయి, తద్వారా శరీరం యొక్క సమతుల్యతను దెబ్బతీస్తుంది. ఈ కణాలు రక్త ధమనుల ద్వారా వ్యాపించినప్పుడు, శరీరంలోని ఇతర భాగాలలో కొత్త కణితులను ఉత్పత్తి చేస్తాయి, ఇది చాలా ప్రాణాంతకంగా మారవచ్చు. పిల్లలు క్యాన్సర్‌ వచ్చే అవకాశాలు చాలా తక్కువగా ఉంటాయి. ఎందుకంటే వారిలో కణాలు అభివృద్ధి చెందుతూనే ఉంటాయి. ఒక వేళ డిఎన్ ఎ కి హాని కలిగితే వాటిని సరిచేయడానికి శరీరంలో ప్రత్యేక వ్యవస్ధ ఉంటుంది. అయినప్పటికీ పిల్లలలో కూడా క్యాన్సర్ ఇటీవలి కాలంలో వెలుగు చూస్తుంది.

పిల్లల్లో క్యాన్సర్ అపోహల తొలగింపు ;

క్యాన్సర్ అంటువ్యాధి అనేది అంటువ్యాధి కాదు. ఒక వ్యక్తి నుండి మరొకరికి పాకే అవకాశం లేదు. కీమోథెరపీ , రేడియేషన్ థెరపీని ద్వారా పిల్లలు రోగనిరోధక వ్యవస్థ బలహీనపడుతుంది. వివిధ రకాల ఇన్ఫెక్షియస్ డిజార్డర్‌లకు కారణమయ్యే బ్యాక్టీరియా, వైరస్‌ల వంటి సూక్ష్మజీవులు శరీరంలో చేరటానికి ఎక్కువ అవకాశం ఉంది. పిల్లల్లో వచ్చే క్యాన్సర్లు వారి తల్లిదండ్రుల నుంచి సంక్రమిస్తాయన్న అపోహాలు చాలా మందిలో నెలకొని ఉన్నాయి. అయితే అన్ని రకాల క్యాన్సర్లు కణాలలో జన్యుపరమైన పొరపాట్ల వల్ల సంభవిస్తున్నప్పటికీ, దీనికి తల్లిదండ్రులే కారణం ఏమాత్రం కాదు. ప్రస్తుత అధ్యయనాల ప్రకారం, పీడియాట్రిక్ క్యాన్సర్‌లలో కేవలం 2% మాత్రమే వారసత్వంగా సంక్రమిస్తున్నాయి. పిల్లలలో వచ్చే క్యాన్సర్‌లలో ఎక్కువ భాగం యాదృచ్ఛిక ఉత్పరివర్తనాల వల్ల వస్తున్నాయి.

చిన్నవయస్సువారిలో వచ్చే క్యాన్సర్‌లను నయం చేసేందుకు ఎక్కవ అవకాశాలు ఉన్నాయి. దశాబ్దాల నాటి శాస్త్రీయ పరిశోధన, అభివృద్ధితో, వైద్యులు కీమోథెరపీ శస్త్రచికిత్స, రేడియోథెరపీ, టార్గెటెడ్ థెరపీ, ఇమ్యునోథెరపీ వంటి నిర్దిష్ట చికిత్సా పద్ధతులను క్యాన్సర్ చికిత్సకు అనుసరిస్తున్నారు. ఈ చికిత్సా పద్ధతులు క్యాన్సర్ బారిన పడినవారుకోలుకోవటంలో ఊతంఇస్తున్నాయి. పెద్ద వయస్సు వారిలో వచ్చే క్యాన్సర్‌తో పోల్చినప్పుడు బాల్య దశలో క్యాన్సర్‌లు సగటున 80% -90% నివారణ రేటును కలిగి ఉంటాయి.

క్యాన్సర్ నుండి కోలుకుని బ్రతికి బయటపడినవారికి ఎలాంటి అదనపు చికిత్స అవసరం లేదు. ప్రాణాలతో బయటపడినవారు తప్పనిసరిగా మరింత జాగ్రత్తలు పాటించాల్సిన అవసరం ఉంటుంది. క్యాన్సర్ చికిత్స కారణంగా తలెత్తే దీర్ఘకాలిక ఆరోగ్య సమస్యలను ఎదుర్కొనేందుకు నిరంతరం పర్యవేక్షణలో వైద్యసహాయం పొండటం అవసరం.

చాలా మంది చిన్నారుల్లో కణితులు ఏర్పడినప్పటికీ, అన్ని కణితులు ప్రాణాంతకమైనవి కావని గమనించాలి. కొన్ని కణితులు మాత్రమే ప్రమాదకర, ప్రాణాంతకమైనవిగా వైద్యులు నిర్ధారిస్తున్నారు. ప్రాణాంతక కణితులు శరీరంలోని ఇతర భాగాలకు వ్యాప్తి చెందుతాయి. సకాలంలో గుర్తించినట్లయితే సాధారణ శస్త్రచికిత్స కనీస చికిత్సతో వాటి నుండి బయటపడవచ్చు.

అలాగే క్యాన్సర్ వచ్చిందన్న విషయాన్నివైద్యులు ధృవీకరించిన తరువాత పిల్లలకు ఈ విషయం చెప్పటం ద్వారా వారిలో ధైర్యాన్ని నింపాలి. ప్రస్తుతం అందుబాటులో ఉన్న వైద్యచికిత్సల ద్వారా దానిని సులభంగా నయం చేసుకోవచ్చని వ్యాధితో పోరాడేందుకు వారిని సన్నద్ధులను చేయటం చాలా అవసరం. ఇది ఖచ్ఛితంగా క్యాన్సర్ ను వారు జయించేందుకు తోడ్పడుతుంది.

క్యాన్సర్‌తో బాధపడుతున్న పిల్లలు ఎప్పటికీ సాధారణ జీవితాలను గడిపేలా తల్లిదండ్రులు ప్రోత్సహించాలి. వారిలో తాము భయంకరమైన వ్యాధితో పోరాడుతున్నామన్న భావన కలగకుండా ఆరోగ్యకరంగా వారి జీవనశైలి కొనసాగించేలా, లక్ష్యాలవైపు ముందడుగు వేసేలా ప్రోత్సహించాలి. చిన్నవయస్సులో క్యాన్సర్ బారిన పడటం వల్ల వారిలో రోగనిరోధక శక్తి దీర్ఘకాలంలో తక్కువగానే ఉంటుంది. వ్యాధి నయం అయ్యాక తిరిగి రోగనిరోధక శక్తి సాధారణ స్ధికి చేరుతుంది. కీమోధెరపీ వల్ల పిల్లలో జుట్టు రాలడం వంటి సమస్యలు తలెత్తుతాయి. ఇదిలా వుంటే బాల్యంలో క్యాన్సర్ నుండి కోలుకున్నవారిలో సంతానోత్పత్తి సమస్యలు ఎదుర్కోవాల్సి వస్తుంది. పిల్లల సంతానోత్పత్తిపై ప్రభావం చూపకుండా తగిన జాగ్రత్తలు తీసుకోవడం వల్ల సాధారణ పునరుత్పత్తి కలిగివుండవచ్చు.