Biting Your Nails : గోళ్లు కొరికే అలవాటుందా..అయితే ప్రమాదంలో పడుతున్నట్లే!

Biting Your Nails : గోళ్లు కొరికే అలవాటు చాలా మందిలో ఉంటుంది. చిన్నవయస్సులో మొద‌లైన ఈ అల‌వాటు కొంద‌రిని పెద్ద‌య్యాక కూడా కొనసాగిస్తూనే ఉంటారు.. ఆందోళ‌న‌గా ఉన్న‌ప్పుడు.. ఏదైనా ఆలోచిస్తున్న‌ప్పుడు వాళ్ల‌కు తెలియ‌కుండానే గోళ్ల‌ను కొరికేస్తుంటారు. అయితే అది ఏమాత్రం మంచిది కాదని నిపుణులు చెబుతున్నారు. త‌ర‌చూ గోళ్లు కొర‌క‌డం ద్వారా ప‌లు ర‌కాల అనారోగ్య స‌మ‌స్య‌లు తలెత్తే అవ‌కాశం ఉంద‌ని హెచ్చ‌రిస్తున్నారు. సామాన్యంగా అందరూ ఒత్తిడిలో ఉన్నప్పుడు గోళ్లను ఎక్కువగా కొరుకుతుంటారు. మానసిక ఆందోళనకు గురవుతూ ఉండేవాళ్లే ఎక్కువగా గోళ్లు కొరుకుతుంటారు. ఇలా చేయటం వల్ల గోళ్లకు, దంతాలకు నష్టం వాటిల్లుతుంది.

క్యాల్షియం లోపం కారణంగానూ గోళ్లు కొరకడం అలవాటవుతుంది. ఈసమయంలో కాల్షియం అధికంగా ఉండే పాల ఉత్పత్తులను ఎక్కువగా తీసుకోవాలి. పని మీద ధ్యాస పెట్టాలి. గోళ్లు కొరకాలని అనిపించినప్పుడు ఆలోచనలను దారి మళ్లించటం మేలు. గోళ్లు కొరికే అలవాటును మానుకోవాలని బలంగా నిర్ణయించుకోండి. ఒత్తిడి తగ్గించుకునేందుకు యోగా, ధాన్యం వంటి వాటిని ప్రయత్నించండి. ఇలా చేయటం వల్ల గోళ్లు కొరికే అలవాటు నుండి సులభంగా బయటపడవచ్చు.

గోళ్లను నోట్లో పెట్టుకుని కొడకటం వల్ల చేతులు పరిశుభ్రంగా కడుక్కోకపోతే రోగాల బారిన పడే అవకాశాలు పెరుగుతాయి. ఈ అలవాటును మానుకోవటం మంచిది. , గోళ్లను కొరికే అలవాటు మానుకోవాలంటే ముందుగా చేయాల్సింది వాటిని కత్తిరించుకోవడం. గోళ్లు పొట్టిగా ఉండటం వల్ల కొరకడానికి వీలు కాదు. ఫలితంగా ఈ అలవాటు నుంచి బయటపడొచ్చు. వీలైనంత వరకు చేతి వేళ్లకు గోళ్లు లేకుండా ఎప్పటికప్పుడు ట్రిమ్ చేసుకోవటం మంచిది. చిన్నపిల్లలకు చెప్పడం కాస్త ఇబ్బందే. కాబట్టి, వారి విషయంలో గోళ్లను పూర్తిగా కత్తిరించేయడం, గోళ్లుకొరకకుండా వేప, కాకర రసం వంటివి వేళ్లకు రాయటం వంటివి చేయాలి.