Fish Oil : చేప నూనెతో మెదడుకు, గుండెకు కలిగే ప్రయోజనాలు తెలుసా?

Fish Oil : చేపలు అత్యంత పోషక విలువలు కలిగిన ఆహారంగా చెప్పవచ్చు. ఒమేగా 3 కొవ్వులు అధికంగా చేపల్లో లభిస్తాయి. చేపల్లో ఒమేగా 3 కొవ్వులతోపాటుగా, విటమిన్ ఎ, విటమిన్ డి లు కూడా ఉంటాయి. చేపల నుండి తీసే నూనెతో అనేక ఆరోగ్య ప్రయోజనాలు ఉన్నాయి. సాల్లొన్, డాల్ఫిన్, గుండుమీను వంటి చేప రకాల నుండి తీసే చేపనూనెలో ఓమేగా అమ్లాలు అధికమోతాదులో ఉంటాయి. అనేక ఔషదాల తయారీలో ఈ నూనెను ఉపయోగిస్తారు. సప్లిమెంట్లను తయారు చేస్తారు.

చేపనూనె శరీర ఆరోగ్యాన్ని కాపాడటంలో ఉపయోగపడుతుంది. ముఖ్యంగా మెదడు ఆరోగ్యాన్ని పెంచటానికి ఎంతగానో తోడ్పడుతుంది. చేప నూనెలో ఉండే ఈపీఏ, డిహెచ్ ఎ అనే రెండు ఒమేగా 3 కొ్వ్వు అమ్లాలు మెదడు పనితీరును మెరుగుపర్చటంలో అద్భుతమైన ప్రభావాన్ని చూపిస్తాయి. ఆందోళన, నిరాశ వంటి లక్షణాలు తగ్గించటంలో సహాయకారిగా పనిచేస్తాయి. చిన్నారుల్లో అటెంషన్ డెపిసిట్ హైపరాక్టివిటీ డిజార్డర్ వంటి సమస్యలను తగ్గించటంలో చేప నూనెలోని డీహెచ్ ఎ సప్లిమెంట్ తోడ్పడుతుందని అనేక అధ్యయనాల్లో తేలింది.

ఇటీవలి కాలంలో గుండె పోటు మరణాలు అధికమౌతున్నాయి. గుండె జబ్బులు దరి చేరకుండా , గుండె ఆరోగ్యాన్ని కాపాడుకునేందుకు చేపల నూనె ఉపకరిస్తుందని అధ్యయనాలు చెబుతున్నాయి. చేపనూనెలో ఉండే ఆరోగ్యకరమైన కొవ్వు గుండెకు ఎంతో మేలు చేస్తుంది. తద్వారా గుండె ఆరోగ్యంగా ఉండేలా చూసుకోవచ్చు. అధిక రక్తపోటును తగ్గించటంతోపాటు, మానసిక ఒత్తిడి నుండి గుండెను కాపాడుతుంది. వాపు నిరోధకంగా, గాయాలను తగ్గించటానికి చేపనూనె సహాయపడుతుందని పరిశోధకలు చెబుతున్నారు. గుండె సంబంధిత వ్యాధులు తగ్గించుకోవాలనుకుంటే వారానికి రెండుసార్లు చేపలు తీసుకోవటం మంచిదని నిపుణులు సిఫార్సు చేస్తున్నారు.