Super Foods : క్యాన్సర్ తో పోరాడే…సూపర్ ఫుడ్స్ ఇవే?

బ్రోకలీ, కాలీఫ్లవర్, కాలే వంటి క్రూసిఫెరస్ కూరగాయలలో విటమిన్ సి, విటమిన్ కె ,మాంగనీస్ వంటి పోషకాలు ఉంటాయి. వీటిల్లో సైతం సల్ఫోరాఫేన్ ఉంటుంది, ఇది క్యాన్సర్ నిరోధక లక్షణాలతో కూడిన మొక్కల సమ్మేళనంగా చెప్పవచ్చు.

Super Foods : ప్రపంచవ్యాప్తంగా క్యాన్సర్ తో బాధపడుతున్నవారి సంఖ్య అంతకంతకు పెరుగుతుంది. రోజువారి మరణాల్లో క్యాన్సర్ మరణాలు కూడా అధికంగానే ఉంటున్నాయి. అయితే కొన్ని రకాల ఆహారాలను రోజువారి మెనూలో చేర్చుకోవటం ద్వారా క్యాన్సర్ బారి నుండి తప్పించుకోవటంతోపాటు, క్యాన్సర్ తో పోరాడే శక్తిని అవి మనకు అందిస్తాయి. క్యాన్సర్ నుండి కాపాడుకునేందుకు కొన్ని రకాల సూపర్ ఫుడ్స్ ను నిపుణులు రికమండ్ చేస్తున్నారు. వాటిని రోజు వారి ఆహారంలో చేర్చుకోవటం ద్వారా క్యాన్సర్ తో పాటు మధుమేహం , గుండె సంబంధిత వ్యాధులు కూడా దరిచేరకుండా చూసుకోవచ్చుని అంటున్నారు. తప్పకుండా తీసుకోవలసిన ఆహార పదార్థాలు ఏమిటో చూద్ధాం….

ఆపిల్ ; రోజుకు ఒక యాపిల్ తింటే డాక్టర్ తో పని ఉండదన్న మాటలు మనం తరచు వింటుంటాం…అయితే ఇది నిజం యాపిల్స్‌లో పాలీఫెనాల్స్ ఉన్నాయి, ఇవి క్యాన్సర్ నిరోధక లక్షణాలను కలిగి ఉంటాయి. పాలీఫెనాల్స్ అనేది మొక్క ఆధారిత సమ్మేళనాలు, ఇవి మంట, హృదయ సంబంధ వ్యాధులు, ఇన్ఫెక్షన్‌లను నివారిస్తాయి. కొన్ని పరిశోధనలు పాలీఫెనాల్స్ క్యాన్సర్ నిరోధక, కణితులతో పోరాడే లక్షణాలను కలిగి ఉన్నట్లు పరిశోధనల్లో తేలింది. ఉదాహరణకు, పాలీఫెనాల్ ఫ్లోరెటిన్ గ్లూకోజ్ ట్రాన్స్‌పోర్టర్ 2 (GLUT2) అనే ప్రోటీన్‌ను క్యాన్సర్ ను నిరోధిస్తుంది, కొన్ని రకాల క్యాన్సర్‌లలో అధునాతన దశ కణాల పెరుగుదలలో పాత్ర పోషిస్తుంది. జర్నల్ ఆఫ్ ఫుడ్ అండ్ డ్రగ్ అనాలిసిస్‌లో 2018 చేసిన అధ్యయనంలో ఆపిల్ ఫ్లోరెటిన్ రొమ్ము క్యాన్సర్ కణాల పెరుగుదలను గణనీయంగా నిరోధిస్తుందని తేలింది. అయితే సాధారణ కణాలను ప్రభావితం చేయదు.

బెర్రీలు ; బెర్రీస్‌లో విటమిన్లు, మినరల్స్, డైటరీ ఫైబర్స్ పుష్కలంగా ఉంటాయి. యాంటీఆక్సిడెంట్ లక్షణాలు ఆరోగ్యానికి ఎంతో మేలు చేస్తాయని శాస్త్రవేత్తలు పరిశోధనలో నిర్ధారించారు. బ్లాక్‌బెర్రీస్‌లో ఉండే ఆంథోసైనిన్ అనే సమ్మేళనం పెద్దప్రేగు క్యాన్సర్‌కు సంబంధించిన బయోమార్కర్‌లను తగ్గిస్తుందని ఒక అధ్యయనంలో నిరూపితమైంది. బ్లూబెర్రీస్ తినటంవల్ల ఎలుకలలో రొమ్ము క్యాన్సర్ కణితుల పెరుగుదలను నిరోధించగలవని మరొక అధ్యయనంలో తేలింది.

బ్రోకలీ, క్యాలిఫ్లవర్: బ్రోకలీ, కాలీఫ్లవర్, కాలే వంటి క్రూసిఫెరస్ కూరగాయలలో విటమిన్ సి, విటమిన్ కె ,మాంగనీస్ వంటి పోషకాలు ఉంటాయి. వీటిల్లో సైతం సల్ఫోరాఫేన్ ఉంటుంది, ఇది క్యాన్సర్ నిరోధక లక్షణాలతో కూడిన మొక్కల సమ్మేళనంగా చెప్పవచ్చు. సల్ఫోరాఫేన్ క్యాన్సర్ కణాల పెరుగుదలను గణనీయంగా నిరోధిస్తుంది. పెద్దప్రేగు క్యాన్సర్ కణాలలో కణాల మరణాన్ని ప్రేరేపిస్తుందని ఒక అధ్యయనం ద్వారా నిరూపితమైంది. సోయాబీన్స్‌లోని సమ్మేళనంమైన జెనిస్టీన్‌తో కలిపి సల్ఫోరాఫేన్ రొమ్ము క్యాన్సర్ కణితి అభివృద్ధిని, పరిమాణాన్ని గణనీయంగా నిరోధిస్తుందిని మరొక అధ్యయనం లో నిరూపితమైంది. సల్ఫోరాఫేన్ హిస్టోన్ డీసిటైలేస్‌ను కూడా నిరోధిస్తుంది, ఇది క్యాన్సర్ అభివృద్ధికి తోడ్పడే ఒకరకమైన ఎంజైమ్. వీటిల్లో ఫైటో కెమికల్స్ అధికంగా ఉండడం వల్ల ఊపిరితిత్తులు, ప్రోస్టేట్, రొమ్ము, మూత్రాశయం, పెద్దప్రేగు, నోరు, కాలేయం, మెడ , తల, అన్నవాహిక క్యాన్సర్ల నుంచి రక్షణ గా పనిచేస్తుంది.

క్యారెట్ ; క్యారెట్‌లో విటమిన్ కె, విటమిన్ ఎ ,యాంటీఆక్సిడెంట్‌లతో సహా అనేక ముఖ్యమైన పోషకాలు ఉన్నాయి. క్యారెట్‌లో అధిక మొత్తంలో బీటా కెరోటిన్ కూడా ఉంటుంది, క్యారెట్ కు ఆరంగురావటానికి అదే కారణం. రోగనిరోధక వ్యవస్థకు మద్దతు నిల్వటంలో బీటా-కెరోటిన్ కీలక పాత్ర పోషిస్తుంది. కొన్ని రకాల క్యాన్సర్‌లను నిరోధించేందుకు తోడ్పడుతుందని ఇటీవలి అధ్యయనాల్లో తేలింది. ఎనిమిది అధ్యయనాల ఫలితాలను విశ్లేషించగా క్యారట్ లో ఉండే బీటా-కెరోటిన్ రొమ్ము ప్రోస్టేట్ క్యాన్సర్ ప్రమాదాన్ని తగ్గించడానికి సహాయకారిగా పనిచేస్తుందని తేలింది. క్యారెట్ అధిక వినియోగం కడుపు క్యాన్సర్‌ ప్రమాదాన్ని తగ్గిస్తుంది.

చేపలు ; సాల్మన్, మాకేరెల్ ,ఆంకోవీస్‌తో సహా కొన్ని రకాల కొవ్వు చేపలలో విటమిన్ B,పొటాషియం , ఒమేగా-3 కొవ్వు ఆమ్లాలు వంటి పోషకాలు పుష్కలంగా ఉన్నాయి. మంచినీటి చేపలు ఎక్కువగా తిన్నవారిలో, మంచినీటి చేపలు తక్కువగా తిన్నవారి కంటే 53 శాతం కొలొరెక్టల్ క్యాన్సర్ వచ్చే ప్రమాదం తక్కువగా ఉందని ఒక అధ్యయనం తేలింది. చేపల నూనెను తీసుకోవడం వల్ల ప్రోస్టేట్ క్యాన్సర్ వచ్చే ప్రమాదం గణనీయంగా తగ్గుతుందని మరొక అధ్యయనంలో కనుగొన్నారు. 68,109 మంది వ్యక్తులపై నిర్వహించిన ఒక అధ్యయనంలో వారానికి కనీసం నాలుగు సార్లు చేప నూనె సప్లిమెంట్లను వినియోగించే వ్యక్తులు 63 శాతం పెద్దప్రేగు కాన్సర్‌ వ్యాధినపడే అవకాశాలు తక్కువగా ఉన్నట్లు నిరూపితమైంది.

వాల్నట్: అమెరికన్ ఇన్స్టిట్యూట్ ఫర్ క్యాన్సర్ రీసెర్చ్ ప్రకారం, అన్నిరకాల గింజలు క్యాన్సర్ నిరోధక లక్షణాలను కలిగిఉంటాయి. అయితే శాస్త్రవేత్తలు ఇతర రకాల గింజల కంటే వాల్‌నట్‌లపై ప్రత్యేకమైన శ్రద్ధతో అధ్యయనాలు జరిపారు. వారి పరిశోధనల్లో ఒక ఆసక్తి కరమైన విషయం బయటపడింది. వాల్‌నట్స్‌లో పెడున్‌కులాజిన్ అనే పదార్ధం ఉంటుంది. ఇది శరీరం యురోలిథిన్‌లుగా జీవక్రియ చేస్తుంది. యురోలిథిన్‌లు ఈస్ట్రోజెన్ గ్రాహకాలతో బంధించే సమ్మేళనాలు. ఇవి రొమ్ము క్యాన్సర్‌ను నివారించడంలో పాత్ర పోషిస్తాయి. క్యాన్సర్ తో పోరాడుతున్న వారు వాల్ నట్స్ ను తినడం వల్ల క్యాన్సర్ కణాలను నాశనం చేస్తాయని పరిశోధనలో తేలింది. వీటిలో ఉండే పాలీఫెనాల్స్, ఫైటో స్టేరాల్స్, మెలటోనిన్ టానిన్స్ వంటివి క్యాన్సర్ ను తగ్గించగలవు.