Breastfeeding : చండిబిడ్డలకు తల్లిపాలు ఎంతకాలం ఇస్తే ఆరోగ్యానికి మంచిదంటే?

ఆరు నెలల పాటు తల్లిపాలు తాగే పిల్లలకు చెవి ఇన్‌ఫెక్షన్లు, శ్వాసకోశ అనారోగ్యం మరియు విరేచనాలు తక్కువగా ఉంటాయి. తల్లి పాలు కూడా సులభంగా జీర్ణమవుతాయి. వాస్తవానికి ఒక సంవత్సరం పాటు తల్లిపాలు అందజేయడం మహిళలందరికీ సాధ్యం కాకపోవచ్చు. అందుకే నిపుణులు శిశువులను వారి తల్లులకు దగ్గరగా ఉంచాలని, పుట్టిన మొదటి గంట నుండి వెంటనే తల్లిపాలను ప్రారంభించాలని సిఫార్సు చేస్తున్నారు.

Breastfeeding : శిశువులకు తమ తల్లులు పాలు ఇవ్వడం వల్ల అనేక ప్రయోజనాలు ఉన్నాయి. తల్లి పాలివ్వడం తల్లి, బిడ్డ ఇద్దరికీ ప్రయోజనకరంగా ఉంటుందని నిపుణులు చెబుతున్నారు. ఇది వారి మధ్య బంధాన్ని ఏర్పరచడంలో సహాయపడుతుంది. నవజాత శిశువును అలెర్జీలు ఇతర వ్యాధుల నుండి తల్లిపాలు కాపాడతాయి. తల్లి పాలు బిడ్డకు పోషకాహారాన్ని అందిస్తాయి. విటమిన్లు, ప్రోటీన్లు, కొవ్వులు ఈ పాలల్లో పుష్కలంగా ఉంటాయి. శిశువు పెరుగుదలకు సహాయపడతాయి. వైరస్‌లు, బ్యాక్టీరియాలకు వ్యతిరేకంగా రోగనిరోధక శక్తిని పెంచటానికి చిన్నపిల్లలకు తోడ్పడతాయి.

ప్రపంచ ఆరోగ్య సంస్థ (WHO),అమెరికన్ అకాడమీ ఆఫ్ పీడియాట్రిక్స్ (AAP) రెండూ ప్రపంచవ్యాప్తంగా ఉన్న తల్లులు జీవితంలో మొదటి ఆరు నెలల పాటు శిశువులకు ప్రత్యేకంగా తల్లిపాలు ఇవ్వాలని సూచిస్తున్నాయి. తరువాత పరిపూర్ణకరమైన ఆహారాన్ని బిడ్డలకు అందించవచ్చని చెబుతున్నాయి. శిశువు జీవితంలో మొదటి అర్ధ సంవత్సరం వరకు తల్లి పాలు తప్ప మరే ఇతర ఆహారం, పానీయాలు ఉండవు. కనీసం మొదటి సంవత్సరం పాటు తల్లిపాలను కొనసాగించాలని కూడా వారు సిఫార్సు చేస్తున్నారు, ఆరు నెలల నుండి అదనపు ఆహారాలు ఇవ్వటం మంచిదని చెబుతున్నారు.

ఆరు నెలల పాటు తల్లిపాలు తాగే పిల్లలకు చెవి ఇన్‌ఫెక్షన్లు, శ్వాసకోశ అనారోగ్యం మరియు విరేచనాలు తక్కువగా ఉంటాయి. తల్లి పాలు కూడా సులభంగా జీర్ణమవుతాయి. వాస్తవానికి ఒక సంవత్సరం పాటు తల్లిపాలు అందజేయడం మహిళలందరికీ సాధ్యం కాకపోవచ్చు. అందుకే నిపుణులు శిశువులను వారి తల్లులకు దగ్గరగా ఉంచాలని, పుట్టిన మొదటి గంట నుండి వెంటనే తల్లిపాలను ప్రారంభించాలని సిఫార్సు చేస్తున్నారు. ఇలా చేయటం వల్ల తల్లికి పాలు పడేందుకు ప్రేరణ కలుగుతుంది.

తీవ్ర రక్తహీనత, కాన్పు సమయంలో అతిగా రక్తస్రావం, అధిక రక్తపోటు, ఏదైనా మానసిక అనారోగ్యం లాంటివి ఉంటే పాలు రాకపోవచ్చు. సరైన చికిత్స ద్వారా పరిష్కారం దొరుకుతుంది. తల్లిపాలులేని పక్షంలో చంటి బిడ్డల కోసం రూపొందించిన మంచి బ్రాండ్ ఫార్ములా మిల్క్ ఎంచుకోవచ్చు. అయితే శిశువులకు రోగనిరోధక శక్తినివ్వడంలో ఇవి తల్లిపాలకు డబ్బాపాలు సాటిరావు.