మధుమేహులు ఉల్లిపాయను రోజువారి ఆహారంలో భాగం చేస్తే కొలెస్ట్రాల్ తగ్గి గుండె సమస్యలు దరిచేరవు!
మధుమేహం ఉన్నవారు తమ కొలెస్ట్రాల్ను అదుపులో ఉంచుకోవడం చాలా ముఖ్యం. అలాంటి వారు వ్యక్తులు హృదయ సంబంధ వ్యాధులు మరియు స్ట్రోక్కు ఎక్కువ ప్రమాదం కలిగి ఉంటారు. ఉల్లిపాయ రసం, ఉల్లిపాయలు మధుమేహుల్లో కొలెస్ట్రాల్ స్ధాయిలను తగ్గించటంలో బాగా ఉపకరిస్తాయని అధ్యనాలు చెబుతున్నాయి.
కొలెస్ట్రాల్ను నియంత్రణలో ఉంచాలంటే నిత్యం ఆరోగ్యకరమైన జీవన విధానాన్ని పాటించడంతోపాటు ఆరోగ్యవంతమైన ఆహారం తీసుకోవాలి. రక్తనాళాల్లో కొలెస్ట్రాల్ పేరుకుపోతే నాళాలు ఇరుకుగా మారుతాయి. దీంతో రక్త సరఫరాకు ఆటంకం ఏర్పడుతుంది. ఫలితంగా గుండె అనారోగ్యం బారిన పడుతుంది. హార్ట్ ఎటాక్లు వచ్చేందుకు అవకాశం ఉంటుంది. కొలెస్ట్రాల్ను తగ్గించే పలు ఆహారాలలో ఉల్లిపాయ కూడా ఒకటి. దీనిని నిత్యం మనం వంటల్లో ఉపయోగిస్తుంటాం. అయితే రోజువారిగా దీనిని తీసుకోవటం వల్ల ఆరోగ్యానికి ఎన్నో ప్రయోజనాలు అందుతాయని నిపుణులు చెబుతున్నారు.
ఉల్లిపాయలు రుచిలో కాస్త ఘాటుగా అనిపిస్తాయి. వీటిలో ఫ్లేవనాయిడ్స్ అని పిలువబడే పాలీఫెనోలిక్ సమ్మేళనాలు అధికంగా ఉంటాయి. శోథ నిరోధక సామర్ధ్యాలు, యాంటీఆక్సిడెంట్లు, క్యాన్సర్ నిరోధక సామర్ధ్యం, యాంటీప్రొలిఫెరేటివ్ సామర్ధ్యం, కణాల పెరుగుదలను ఆపగల సామర్థ్యం, కొలెస్ట్రాల్ స్థాయిలను మెరుగుపరచడంలో ఉల్లిపాయలు సహాయపడతాయని అనేక అధ్యయనాలు సూచిస్తున్నాయి.
ఒక అధ్యయనంలో, ఉల్లిపాయలలోని ఫ్లేవనాయిడ్లు తక్కువ-సాంద్రత కలిగిన లిపోప్రొటీన్ (ఎల్ డీఎల్)చెడు కొలెస్ట్రాల్ను ఊబకాయం కలిగిన వ్యక్తులలో హృదయ సంబంధ వ్యాధుల ప్రమాదాన్ని తగ్గించాయి. ఉల్లిపాయల్లో కనిపించే నిర్దిష్ట ఫ్లేవనాయిడ్ క్వెర్సెటిన్ అనే యాంటీఆక్సిడెంట్ దీనికి కారణమని పరిశోధకులు గుర్తించారు. మరో అధ్యయనంలో ఎలుకలలోని కొలెస్ట్రాల్పై ఉల్లిపాయ సారం ప్రభావాన్ని చూసింది. కొలెస్ట్రాల్ స్థాయిలలో గణనీయమైన తగ్గుదలని పరిశోధకులు గుర్తించారు.
మధుమేహం ఉన్నవారు తమ కొలెస్ట్రాల్ను అదుపులో ఉంచుకోవడం చాలా ముఖ్యం. అలాంటి వారు వ్యక్తులు హృదయ సంబంధ వ్యాధులు మరియు స్ట్రోక్కు ఎక్కువ ప్రమాదం కలిగి ఉంటారు. ఉల్లిపాయ రసం, ఉల్లిపాయలు మధుమేహుల్లో కొలెస్ట్రాల్ స్ధాయిలను తగ్గించటంలో బాగా ఉపకరిస్తాయని అధ్యనాలు చెబుతున్నాయి. పచ్చి ఉల్లిపాయలను నిత్యం తినడం వల్ల శరీరంలో కొలెస్ట్రాల్ తగ్గుతుందని సైంటిస్టులు చెబుతున్నారు. పచ్చి ఉల్లిపాయలను మనం సలాడ్లు, శాండ్ విచ్లు, ఇతర ఆహారాల్లో తినవచ్చు. రోజువారి ఆహారంలో ఉల్లిపాయను చేర్చుకోవటం ద్వారా ఆరోగ్యానికి అన్ని విధాలుగా మేలు కలుగుతుంది.