Coconut Water : రాత్రి నిద్రకు ముందు కొబ్బరి నీరు తాగితే!
కిడ్నీ సంబంధిత సమస్యలు ఉన్నవారు కూడా కొబ్బరి నీళ్లు తాగడం మంచిది. కొబ్బరి నీళ్లలోని పోషక విలువలు రాత్రంతా బాగా గ్రహించబడతాయి. కిడ్నీ వ్యాధిగ్రస్తులు రాత్రి సమయంలో తీసుకుంటే శరీరానికి,ఆరోగ్యానికి మేలు కలుగుతుంది. అధిక రక్తపోటు ఉన్న రోగులకు కొబ్బరి నీరు ప్రయోజనకరంగా ఉంటుంది.
- Published By: 10TV Digital Team ,Published On : August 3, 2022 / 03:27 PM IST
Coconut Water : కొబ్బరి నీళ్లు ఆరోగ్యానికి మేలు చేస్తాయి. శరీరాన్ని హైడ్రేట్ గా ఉంచడం ద్వారా ఆరోగ్యానికి తోడ్పడతాయి. కొబ్బరి నీటిలో హైడ్రేటింగ్, యాంటీ ఫంగల్ ,యాంటీ బాక్టీరియల్ లక్షణాలు కలిగి ఉంటాయి. రక్తపోటు నుండి గుండె సమస్యల వరకు కొబ్బరి నీరు కూడా ప్రభావవంతంగా తోడ్పడతాయి. అయితే రాత్రి పడుకునే ముందు కొబ్బరి నీరు తాగటం వల్ల ఆరోగ్యానికి అనేక ప్రయోజనాలు కలుగుతాయని నిపుణులు చెబుతున్నారు. కొబ్బరి నీళ్లలో ఎలక్ట్రోలైట్స్ ,పొటాషియం ఉంటాయి. ఇది గుండె సంరక్షణలో సహాయపడుతుందని రుజువు చేస్తుంది. ఇందులో ఉండే విటమిన్లు, మినరల్స్ గుండెను ఆరోగ్యంగా ఉంచుతాయి. గుండె ఆరోగ్యంగా ఉండాలంటే ప్రతిరోజూ రాత్రి పడుకునే ముందు కొబ్బరి నీళ్లు తాగటం వల్ల మంచి ఫలితం ఉంటుంది.
కిడ్నీ సంబంధిత సమస్యలు ఉన్నవారు కూడా కొబ్బరి నీళ్లు తాగడం మంచిది. కొబ్బరి నీళ్లలోని పోషక విలువలు రాత్రంతా బాగా గ్రహించబడతాయి. కిడ్నీ వ్యాధిగ్రస్తులు రాత్రి సమయంలో తీసుకుంటే శరీరానికి,ఆరోగ్యానికి మేలు కలుగుతుంది. అధిక రక్తపోటు ఉన్న రోగులకు కొబ్బరి నీరు ప్రయోజనకరంగా ఉంటుంది. రక్తపోటును సహజంగా తగ్గించుకోవాలనుకుంటే రాత్రిపూట కొబ్బరి నీరు తాగటం వల్ల ప్రయోజనం ఉంటుంది. అయితే రక్తపోటును తగ్గించడానికి మందులు వాడుతుంటే మాత్రం కొబ్బరి నీటిని తీసుకోకూడదు. నిద్రకు ముందు కొబ్బరినీళ్లు తాగితే శరీరం డీహైడ్రేషన్‌కు గురికాదు. అదనంగా, ఈ నీరు మన శరీర ఆరోగ్యానికి ప్రభావవంతంగా పనిచేస్తాయి. యూరినరీ ట్రాక్ట్ ఇన్ఫెక్షన్ల నుండి రక్షిస్తాయి. యూరినరీ ట్రాక్ట్ ఇన్ఫెక్షన్లను నివారించడానికి కొబ్బరి నీటిని తాగటం మంచిది.
రాత్రి నిద్ర పోయేటప్పుడు కొబ్బరి నీరు తీసుకోవడం వల్ల తల నొప్పి, కడుపు నొప్పి మొదలైన సమస్యలని తొలగిస్తుంది. బరువు పెరిగుతుంటే కొబ్బరి నీరు తీసుకుంటే రాత్రి నిద్రపోయే ముందు తీసుకుంటే బరువు అదుపులో ఉంచుకోవచ్చు. రాత్రి నిద్రపోవడానికి అరగంట ముందు కొబ్బరి నీరు తీసుకోవటం వల్ల చర్మం కాంతి వంతంగా మారుతుంది. నిద్రలేమి సమస్యలతో బాధపడుతున్న వారు నిద్రకు ముందు కొబ్బరి నీరు తాగటం వల్ల ప్రశాంతంగా నిద్రపడుతుంది.
