Avoid These Foods : మగవారు ఈ ఆహారాలను తినకుండా ఉండటమే మంచిది! ఎందుకంటే ?

సోయా ఉత్పత్తులలో ఫైటోఈస్ట్రోజెన్లు ఉంటాయి. ఈఫైటోఈస్ట్రోజెన్లు ప్రాథమికంగా మొక్కల నుండి వచ్చే ఈస్ట్రోజెన్ లాంటి సమ్మేళనాలు. ఫైటోఈస్ట్రోజెన్‌లను ఎక్కువగా తీసుకోవడం వల్ల శరీరం యొక్క హార్మోన్ల సమతుల్యత దెబ్బతింటుందని కొందరు శాస్త్రవేత్తలు ఆందోళన చెందుతున్నారు.

Avoid These Foods : మగవారు ఈ ఆహారాలను తినకుండా ఉండటమే మంచిది! ఎందుకంటే ?

Avoid These Foods : పురుషులు, మహిళలు ఆరోగ్యకరమైన జీవనశైలిని కొనసాగించేందుకు రోజువారీగా తీసుకునే ఆహారం కీలక పాత్ర పోషిస్తుంది. అయితే ముఖ్యంగా కొన్ని రకాల ఆహారాలను పురుషులు తినకుండా ఉండటమే ఆరోగ్యానికి మేలని నిపుణులు సూచిస్తున్నారు. ఇదే విషయం పలు అధ్యయనాలు ద్వారా తేల్చారు. పురుషులు తీనకుండా ఉండాల్సిన కొన్ని ఆహారాల గురించి తెలుసుకునే ప్రయత్నం చేద్దాం…

పురుషులు తినకూడని ఆహారాలు ;

సోయా ఉత్పత్తులు : సోయా ఉత్పత్తులలో ఫైటోఈస్ట్రోజెన్లు ఉంటాయి. ఈఫైటోఈస్ట్రోజెన్లు ప్రాథమికంగా మొక్కల నుండి వచ్చే ఈస్ట్రోజెన్ లాంటి సమ్మేళనాలు. ఫైటోఈస్ట్రోజెన్‌లను ఎక్కువగా తీసుకోవడం వల్ల శరీరం యొక్క హార్మోన్ల సమతుల్యత దెబ్బతింటుందని కొందరు శాస్త్రవేత్తలు ఆందోళన చెందుతున్నారు. బోస్టన్‌లోని 99 మంది పురుషుల సంతానోత్పత్తి క్లినిక్‌లలో చేసిన ఒక అధ్యయనం ప్రకారం, సోయా అధికంగా తీసుకోవడం వల్ల స్పెర్మ్ కౌంట్ తగ్గుతున్నట్లు తేలింది. అలాగే సొసైటీ ఫర్ ఎండోక్రినాలజీలో ప్రచురించబడిన ఒక అధ్యయనం సోయా యొక్క అధిక వినియోగం టెస్టోస్టెరాన్ స్థాయిలపై ప్రతికూల ప్రభావాలను చూపుతుందని సూచిస్తుంది.

ట్రాన్స్ ఫ్యాట్స్ : ట్రాన్స్ ఫ్యాట్స్ పురుషులు, మహిళలు ఇద్దరికీ అనారోగ్యకరమైనవిగా పరిగణించబడతాయి. ట్రాన్స్ క్రొవ్వులు సాధారణంగా అనేక వేయించిన, ఫాస్ట్ ఫుడ్స్, ముఖ్యంగా ప్యాక్ చేయబడిన, ప్రాసెస్ చేయబడిన ఆహారాలలో కనిపిస్తాయి. గుండె జబ్బుల ప్రమాదాన్ని పెంచే ట్రాన్స్ ఫ్యాట్స్ గురించి పరిశోధకులు ప్రాథమికంగా ఆందోళన చెందుతున్నారు. 2011 స్పానిష్ అధ్యయనం ప్రకారం, ట్రాన్స్ క్రొవ్వుల తీసుకోవడం స్పెర్మ్ కౌంట్ తగ్గడంతో ముడిపడి ఉందని తేల్చారు.

ప్రాసెస్ చేసిన మాంసాలు ; ప్రాసెస్ చేసిన మాంసాలు అన్ని రకాల అనారోగ్యాలకు మూలం. ప్రాసెస్ చేసిన మాంసాలలో హాట్ డాగ్‌లు, బేకన్, సలామీ మొదలైనవి ఉన్నాయి. అనేక అధ్యయనాలు మాంసం తీసుకోవడం వల్ల స్పెర్మ్ కౌంట్‌ తగ్గుతున్నట్లు తేలింది. అయితే దీనిపై ఇంకా లోతైన అధ్యయనాలు జరగాల్సిన అవసరం ఉంది.. అయినప్పటికీ, అదే అధ్యయనాలు చికెన్ తినడం వల్ల స్పెర్మ్ ఆరోగ్యాన్ని తగ్గించడం మధ్య ఎలాంటి సంబంధాన్ని కనుగొనలేదు. అధిక కొవ్వు పాల ఉత్పత్తులు తగ్గిన స్పెర్మ్ చలనశీలత మరియు అసాధారణ స్పెర్మ్ ఆకారంతో ముడిపడి ఉంటాయి. వాస్తవానికి, వీటిలో కొన్ని ఆవులకు ఇచ్చే సెక్స్ స్టెరాయిడ్ల వల్ల ఇలా జరిగే అవకాశం ఉంటుంది.

గమనిక ; అందుబాటులో ఉన్న వివిధ మార్గాల ద్వారా ఈ సమచారం సేకరించటమైనది. కేవలం అవగామన కోసం మాత్రమే. వివిధ ఆరోగ్య సమస్యలు ఉన్నవారు వైద్యుల సూచనలు, సలహాలు పాటించటం మంచిది.