UK Bats : యూకే గబ్బిలాల్లో కొత్త కరోనావైరస్.. ఇది మనుషుల్లో వ్యాపిస్తుందా?

ప్రపంచమంతా కరోనావైరస్ మహమ్మారి విజృంభిస్తోంది. ఒకవైపు కరోనా వేరియంట్లతో అల్లాడిపోతున్న ప్రపంచ దేశాలకు మరో షాకింగ్ న్యూస్.. యూకే గబ్బిలాల నుంచి కొత్త కరోనావైరస్ ఉద్భవించినట్టు పరిశోధకులు కనుగొన్నారు.

10TV Telugu News

New coronavirus found in UK bats : ప్రపంచమంతా కరోనావైరస్ మహమ్మారి విజృంభిస్తోంది. ఒకవైపు కరోనా వేరియంట్లతో అల్లాడిపోతున్న ప్రపంచ దేశాలకు మరో షాకింగ్ న్యూస్.. యూకే గబ్బిలాల నుంచి కొత్త కరోనావైరస్ ఉద్భవించినట్టు పరిశోధకులు కనుగొన్నారు. యూనివర్శిటీ ఆఫ్ ఈస్ట్ ఆంగ్లియా, పబ్లిక్ హెల్త్ ఇంగ్లాండ్ నిర్వహించిన అధ్యయనంలో ఈ విషయం బయటపడింది. కరోనా పుట్టుకకు ఇప్పటివరకూ మూలం ఎక్కడనేది స్పష్టంగా తెలియదు. కానీ, కొవిడ్ -19కి కారణమయ్యే వైరస్‌ మాదిరిగానే ఈ కొత్త కరోనావైరస్ ఉంటుందని పరిశోధకులు చెబుతున్నారు. అయితే ఇప్పటివరకు మానవులకు వ్యాపిస్తుందనడానికి ఎలాంటి ఆధారాలు లేవు.

ఈ కొత్త కరోనావైరస్‌కు RhGB01 అని పేరు పెట్టారు రీసెర్చర్లు. యూకేలో మొదట ఈ కరోనావైరస్ కనుగొన్నారు. అధ్యయనం ప్రకారం.. ఈ కొత్త కరోనావైరస్ వాహకాలుగా కొన్నేళ్లుగా హామర్ హెడ్ గబ్బిలాల (hammerhead bats) తిరుగుతూ ఉండొచ్చు. కానీ ఈ ప్రాంతంలో గబ్బిలాలపై రీసెర్చ్ ఎప్పుడూ జరగలేదు. ఇటీవలే ఈ కొత్త కరోనాను గుర్తించారు పరిశోధకులు.

గబ్బిలాల్లోని ఈ రకం కొత్త కరోనావైరస్.. ఇప్పటికీవరకు మనుషుల్లో వ్యాపించలేదు. వైరస్ కాలక్రమేణా ముట్యుట్ అవుతుంటుంది. తద్వారా భవిష్యత్తులో ప్రజలకు సోకే అవకాశం లేకపోలేదని పరిశోధకులు హెచ్చరిస్తున్నారు. ఎవరైనా ఒక వ్యక్తి కొత్త వైరస్ సోకిన గబ్బిలాలతో లేదా కోవిడ్-19తో డ్రాప్ లెట్స్ తో సంబంధం కలిగి ఉంటే.. మ్యుటేషన్ అయ్యే అవకాశం ఉంది. వైరస్ సోకిన గబ్బిలాలతో సంబంధం ఉన్నట్లయితే.. వెంటనే అవసరమైన నివారణ చర్యలు చేపట్టడం చాలా మంచిదని సూచిస్తున్నారు. ఈ కొత్త కరోనా వైరస్‌ను మోసుకెళ్లే.. ఈ రకం గబ్బిలాలు సాధారణంగా దక్షిణ అమెరికాలో కనిపించవు.

పరిశోధనల ప్రకారం.. ఆసియా, యూరప్, ఆఫ్రికా ఓషియానియాలోని దేశాలలో ఎక్కువగా కనిపిస్తుంటాయి. ప్రస్తుత కరోనావైరస్‌కు కారణమైన SARS-CoV-2 అనేది.. 2003లో SARS వ్యాప్తికి కారణమైన SARS-CoVతో దగ్గరి సంబంధం ఉందని పలు నివేదికల్లో తేలింది. సబ్జెనస్ సర్వెకోవైరస్‌ల (sarvecoviruses) గ్రూపులో ఈ రకం కొత్త వైరస్ కనుగొన్నారు. అధ్యయనంలో భాగంగా పరిశోధకులు 53 గబ్బిలాలపై జరిపారు. గబ్బలాల మలాన్ని సేకరించి పరీక్షలు జరిపారు. అనంతరం ఫలితాల్లో కొత్త కరోనావైరస్ ఉందని పరిశోధకులు తేల్చేశారు.

10TV Telugu News