WARTS : పులిపిర్లు ఎందుకొస్తాయ్! నివారణ ఎలాగంటే? |Why the Warts! What is the cure?

WARTS : పులిపిర్లు ఎందుకొస్తాయ్! నివారణ ఎలాగంటే?

చల్లని నీటితో తరుచుగా ముఖం, గొంతు, మెడభాగాలను శుభ్రం చేసుకోవటం వల్ల పులిపిర్ల భాగాల్లో ఎక్కువ మట్టి పేరుకోకుండా ఉంటుంది. రోజ్ వాటర్, ఫ్లవర్ జూస్ లలో 6 చుక్కలు హైడ్రోజన్ పెరాక్సైడ్ వేసి , దూదితో ముంచి శుభ్రం చేస్తూ ఉండాలి.

WARTS : పులిపిర్లు ఎందుకొస్తాయ్! నివారణ ఎలాగంటే?

WARTS : మన శరీరంలో అతి ముఖ్యమైన బాగం చర్మం. అనేక జీవకణాల సముదాయంగా ఉండే మానవశరీరంపై ఉండే చర్మం శుభ్రత విషయంలో జాగ్రత్త చర్యలు పాటించటం అవసరం. చర్మం శుభ్రంగా ఉండటం వల్ల వివిధ రకాల రోగ కారక బ్యాక్టీరియా నుండి రక్షణ పొందటానికి అవకాశం ఉంటుంది. చర్మ శుభ్రత పాటించని వారిలో పులిపుర్ల ఏర్పడటానికి ప్రధాన కారణంగా నిపుణులు చెబుతున్నారు. మొహం, మెడ, గొంతు భాగాలు సరిగా రుద్దక పోవటం వల్ల మురికి పొరలుగా అట్టులుకట్టి, నల్లగా మారి మందంగా, వికృతంగా కనిపిస్తుంది. ఆ ప్రదేశంలో పులిపిర్లు ఏర్పడతాయి.

కొన్ని చోట్ల పులిపుర్లు ఒకే ప్రాంతంలో ఎక్కువగా ఏర్పడుతుంటాయి. ఇవి చూసేవాళ్లకు అసహ్యంగా అనిపిస్తాయి. అదే సమయంలో రోగనిరోధక శక్తి తక్కువగా ఉన్న వారిలో సైతం పులిపిర్ల సమస్య అధికంగా ఉంటుంది. పులిపిర్లు రాగానే చాలా మంది అనేక నాటు పద్దతులను ఉపయోగించి ఎలాగైనా వాటిని తొలగించుకునే ప్రయత్నం చేస్తుంటారు. సన్నని వెంట్రుకలను పులిపిర్లకు చుట్టటం, బ్లేడుతో కోయటం, గిల్లటం వంటివి చేస్తుంటారు. దీని వల్ల ఆ ప్రాంతంలో పుండు పడి ఇబ్బందికరంగా మారుతుంది. అంతేకాకుండా పరిసర ప్రాంతాలకు అవి విస్తరించేందుకు అవకాశం ఏర్పడుతుంది.

పులిపిర్లకు తీసుకోవలసిన జాగ్రత్తలు ;

చల్లని నీటితో తరుచుగా ముఖం, గొంతు, మెడభాగాలను శుభ్రం చేసుకోవటం వల్ల పులిపిర్ల భాగాల్లో ఎక్కువ మట్టి పేరుకోకుండా ఉంటుంది. రోజ్ వాటర్, ఫ్లవర్ జూస్ లలో 6 చుక్కలు హైడ్రోజన్ పెరాక్సైడ్ వేసి , దూదితో ముంచి శుభ్రం చేస్తూ ఉండాలి. నెలకొకసారి హెర్బల్ బ్లీచ్ చేయించుకోవడం మంచిది. దీని వల్ల పేరుకున్న మట్టి తొలగిపోతుంది. మేకప్ వేసుకుంటే రాత్రి సమయంలో నిద్రకు ముందు ముఖాన్ని శుభ్రపరుచుకోవాలి. నాసిరకం క్రీములను వాడకుండా ఉండటం మంచిది.

ముఖం, మెడ చుట్టూ పరిసరాలకు సూర్యకిరణాలు తగిలా చూసుకోవాలి. 10 రోజుల కొకసారి పుల్లని మజ్జిగ తేటను మరిగించి ముఖానికి ఆవిరి పెట్టుకోవటం మంచిది. ఎర్రని, నల్లని బొడిపెల వంటి వాటికి మామిడి టెంకలోని జీడిని నల్లగా కాల్చి ఆమసిలో లేత మామిడి ఆకు పసరు కలిపి వరుసగా పదిరోజులు పూస్తే పులిపిర్లు పూర్తిగా నయమైపోతాయి. హెర్బల్ విధానంలో కూడా మచ్చలు పడకుండా పులిపిర్లను తొలగించుకోవచ్చు. సమస్య తీవ్రంగా ఉండే చర్మవ్యాధి నిపుణుల ద్వారా తగిన చికిత్స పొందటం మంచిది.

×