Man Gifts Sand for newly married couple in Anakapalli

ఇసుకే బహుమతి: కొత్త జంటకు పెళ్లి కానుకగా!

Share on facebook
Share on twitter
Share on telegram
Share on whatsapp

ఆంధ్రప్రదేశ్ రాష్ట్రంలో ప్రస్తుతం ఇసుక కొరత ఉన్న సంగతి తెలిసిందే. ఇప్పటికే భవన నిర్మాణ కార్మికులు కూడా ఈ ఇసుక కొరత కారణంగా పనులు లేక ఆత్మహత్యలు చేసుకుంటున్నారు. ఈ క్రమంలో ఇసుక దొరకటమే గగనం అయిపోయింది. ఈ క్రమంలోనే లేటెస్ట్‌గా ఓ జంట పెళ్లి జరగగా ఆ పెళ్లికి వచ్చిన వ్యక్తి ఇచ్చిన గిఫ్ట్ గురించి ఇప్పుడు చర్చనీయాంశం అయ్యింది.

వివరాల్లోకి వెళ్తే.. అనకాపల్లి మండలం కొత్తతలారివానిపాలెంలో అప్పుడే పెళ్లి అయిన వధూవరులకు ఓ యువకుడు డబ్బాడు ఇసుకను బహుమానంగా ఇచ్చి అందరినీ ఆశ్చర్యపరిచాడు. అనకాపల్లి మండలం కొత్తతలారివానిపాలెం గ్రామంలో మామిడి పూర్ణచంద్రరావు, భారతిలకు పెళ్లి జరిగింది. ఈ కార్యక్రమానికి హాజరైన తెలుగు యువత గ్రామ అధ్యక్షుడు తలారి కాశీ నాయుడు నూతన వధూవరులకు ఇసుకతో నింపిన ఓ డబ్బాను బహూకరించాడు.

మార్కెట్‌లో కొనుగోలు చేయడానికి ఇసుక తప్ప  బంగారం, వెండి మిగిలిన వస్తువులు అన్నీ అందుబాటులో ఉన్నట్లు చెప్పిన ఆయన ఇసుకను బహుకరిస్తున్నట్లు చెప్పారు.

ఆంధ్రప్రదేశ్ రాష్ట్రంలో ప్రస్తుతం ఇసుక కొరత ఎంతో తీవ్రంగా ఉందని, ఈ విషయాన్ని తెలియజేసేందుకే ఇసుకను బహుమతిగా ఇచ్చినట్టు వెల్లడించారు కాశీ నాయుడు. వివాహ సమయంలో వధూవరుల బంధువులు, స్నేహితులు పెళ్లి కానుకగా నగదు, గృహోపకరణ సామగ్రి ఇస్తుంటే కాశీ నాయుడు మాత్రం ఇసుక ఇచ్చారు. 

Related Posts

Trending

Latest News