Balakrishna : ఆగని 'అఖండ' అరాచకం.. 175 రోజులు.. ఆ థియేటర్లో ఇంకా నడుస్తున్న అఖండ.. | Akhanda 175 days running in chilakaluripeta ramakrishna theater

Balakrishna : ఆగని ‘అఖండ’ అరాచకం.. 175 రోజులు.. ఆ థియేటర్లో ఇంకా నడుస్తున్న అఖండ..

బాలయ్య బాబు, బోయపాటి మాస్ కాంబినేషన్ లో అఖండ మూడో సినిమాగా వచ్చి భారీ విజయం సాధించి హ్యాట్రిక్ హిట్ కొట్టిన సంగతి తెలిసిందే. ఈ సినిమా సృష్టించిన విజయ విధ్వంసం.......

Balakrishna : ఆగని ‘అఖండ’ అరాచకం.. 175 రోజులు.. ఆ థియేటర్లో ఇంకా నడుస్తున్న అఖండ..

 

Akhanda :  బాలయ్య బాబు, బోయపాటి మాస్ కాంబినేషన్ లో అఖండ మూడో సినిమాగా వచ్చి భారీ విజయం సాధించి హ్యాట్రిక్ హిట్ కొట్టిన సంగతి తెలిసిందే. ఈ సినిమా సృష్టించిన విజయ విధ్వంసం అంతా ఇంతా కాదు. కరోనా సెకండ్ లాక్ డౌన్ తర్వాత ఎన్నో అనుమానాల మధ్య రిలీజ్ అయి భారీ విజయం సాధించింది. బాలయ్య బాబు మాస్ సీక్వెన్స్, తమన్ అదిరిపోయే BGM, బోయపాటి టేకింగ్, హిందూ ధర్మాలు, హిందూ దేవాలయాలపై జరుగుతున్న దాడుల గురించి చెప్పిన విధానం.. ఇవన్నికలిపి ఈ సినిమాని విజయ తీరాలకి చేర్చాయి.

మన దేశంలోనే కాక ఓవర్సీస్ లో కూడా అఖండ సినిమా దుమ్ము దులిపేసింది. బాలయ్య కెరీర్ లోనే మొట్టమొదటి 100 కోట్ల సినిమాగా రికార్డు సృష్టించింది అఖండ. ఈ రోజుల్లో ఒక సినిమా వారం ఆడటమే గగనం. అలాంటిది ఈ సినిమా ఇప్పటికే 50 రోజుల వేడుక, 100 రోజుల వేడుకని సెలబ్రేట్ చేసుకుంది అంటే ఎలాంటి విజయం సాధించిందో అర్ధమవుతుంది. ఈ సినిమాపై బాలయ్య అభిమానులు చాలా సంతోషంగా ఉన్నారు. తాజాగా ఈ సినిమా మరో రికార్డు సృష్టించింది. 50, 100 కాదు ఈ సారి ఏకంగా 175 రోజులు సింగిల్ థియేటర్లో కంటిన్యూగా ఆడి సరికొత్త రికార్డ్ సృష్టించింది.

Khushi : సమంత, విజయ్ దేవరకొండకి గాయాలు?.. ఆందోళనలో అభిమానులు..

చిలకలూరిపేట రామకృష్ణ థియేటర్లో ఈ సినిమా 175 రోజులు ఇటీవలే పూర్తి చేసుకుంది. ఇంకా ఈ సినిమాకి ఆదరణ తగ్గలేదని, జనాలు వస్తున్నారని, త్వరలోనే 200 రోజులు పూర్తి చేసుకుంటుందని థియేటర్ ఓనర్ తెలిపారు. దీంతో అఖండ రిలీజ్ అయి ఇన్ని రోజులు అయినా మరిన్ని రికార్డులు సృష్టిస్తుంది అని బాలయ్య అభిమానులు సంబరపడుతున్నారు. ఈ సినిమా 175 రోజులు ఆడిన సందర్భంగా బాలకృష్ణ మే 29న థియేటర్ కి వెళ్లి అక్కడి సెలబ్రేషన్స్ లో పాల్గొననున్నారు.

×