Akhanda 50 Days Jathara : బాలయ్య బాక్సాఫీస్ ‘మాస్ జాతర’.. ‘అఖండ’ గర్జనకు 50 రోజులు..
బాలయ్య-బోయపాటిల ‘అఖండ’ గర్జనకు నేటితో 50 రోజులు..
- Published By: 10TV Digital Team ,Published On : January 20, 2022 / 01:55 PM IST
Akhanda 50 Days Jathara
Akhanda 50 Days Jathara: ఈ రోజుల్లో ఓ సినిమా రిలీజ్ అయ్యి సూపర్ డూపర్ హిట్ టాక్ తెచ్చుకున్నా సరే.. రెండు, మూడు మహా అయితే నాలుగు వారాలపాటు థియేటర్లలో ఉంటే అబ్బో అనుకునే పరిస్థితి.. అలాంటిది అంచనాలకు మించి ఓ సినిమా విజయవంతంగా 50 రోజుల థియేట్రికల్ రన్ కంప్లీట్ చేసుకోవడం అంటే మాటలు కాదు.
Akhanda : 200 కోట్ల క్లబ్‌‌లో ‘అఖండ’!
కానీ, నటసింహ నందమూరి బాలకృష్ణ-ఊరమాస్ డైరెక్టర్ బోయపాటి శ్రీనుల కాంబినేషన్‌లో వచ్చిన హ్యాట్రిక్ మూవీ ‘అఖండ’ మాత్రం బాక్సాఫీస్ బరిలో అసలు సిసలు మాస్ జాతర అంటే ఏంటో చూపించింది. డిసెంబర్ 2న భారీ అంచనాల మధ్య ప్రపంచవ్యాప్తంగా విడుదలైన బ్లాక్ బస్టర్ ‘అఖండ’ జనవరి 20తో 50 డేస్ కంప్లీట్ చేసుకుంది.
Akhanda Amma Song : ఎమోషనల్‌గా ఆకట్టుకుంటున్న ‘అఖండ’ ‘అమ్మ’ సాంగ్..
దాదాపు అన్ని మెయిన్ ఏరియాల్లోనూ 50 రోజుల పోస్టర్ పడింది. 103 సెంటర్లలో (షిఫ్టింగ్‌తో కలిపి) ‘అఖండ’ అర్థ శతదినోత్సవం జరుపుకుంటోంది. హైదరాబాద్ ఆర్టీసీ క్రాస్‌రోడ్స్ సుదర్శన్ థియేటర్‌తో పాటు యూఎస్, యూకె, సిడ్నీ, ఆస్ట్రేలియా వంటి దేశాల్లోనూ 50 డేస్ సెలబ్రేషన్స్ భారీ ఎత్తున ప్లాన్ చేశారు బాలయ్య ఫ్యాన్స్.
Akhanda 50 days Jathara : 50వ రోజు సెకండ్ షోకి బాలయ్య.. నందమూరి హీరోల హంగామా..
‘అఖండ’ బాలయ్య కెరీర్‌లో మైలురాయిలా నిలిచిపోయే సినిమా.. ఎందుకంటే హయ్యస్ట్ కలెక్షన్స్, సోషల్ మీడియా రికార్డ్స్, సెకండ్ వేవ్ తర్వాత ప్రేక్షకులను భారీ స్థాయిలో థియేటర్లకు రప్పించిన సినిమా, బాలయ్య కెరీర్‌లో హయ్యస్ట్ కలెక్షన్స్ రాబట్టిన సినిమాగా ‘అఖండ’ హిస్టరీ క్రియేట్ చేసింది. ఈ సినిమాతో తెలుగు సినిమా ఇండస్ట్రీకి సరికొత్త ఆశ కల్పించాడు బాలయ్య బాబు.
Akhanda : మల్టీప్లెక్స్‌లో మాస్ జాతర.. ఏఎమ్‌బి సినిమాస్‌లో ‘అఖండ’ అరాచకం..
ఇప్పటివరకు ప్రపంచవ్యాప్తంగా రూ. 152 కోట్ల గ్రాస్, రూ.93 కోట్ల షేర్ వసూలు చేసి, ట్రేడ్ వర్గాలవారిని ఆశ్చర్యపరిచింది. ఓవర్సీస్‌లోనూ అత్యధిక కలెక్షన్లు రాబట్టింది ‘అఖండ’.. #Akhanda50DaysJathara #GodOfMassesNBK #JaiBalayya #NandamuriBalakrishna #BoyapatiSreenu హ్యాష్ ట్యాగ్స్ సోషల్ మీడియాలో ట్రెండ్ అవుతోంది.
