అయాన్ స్కూల్ ఫంక్షన్.. అల్లు ఫ్యామిలీ హంగామా మామూలుగా లేదుగా!
అయాన్ ప్రీ స్కూల్ గ్రాడ్యుయేషన్ కార్యక్రమంలో అల్లు ఫ్యామిలీ సందడి..
- Published By: sekhar ,Published On : March 21, 2020 / 02:44 PM IST
అయాన్ ప్రీ స్కూల్ గ్రాడ్యుయేషన్ కార్యక్రమంలో అల్లు ఫ్యామిలీ సందడి..
లిటిల్ స్టైలిష్ స్టార్ అల్లు అయాన్ స్కూల్ ఫంక్షన్‌లో అల్లు ఫ్యామిలీ అంతా పాల్గొని సందడి చేశారు. బన్నీ తనయుడు అయాన్ ఇటీవలే తన ప్రీ స్కూల్ పూర్తి చేసుకున్నాడు. ప్రీ స్కూల్ గ్రాడ్యుయేషన్ వేడుకలను ఎప్పటికీ గుర్తు పెట్టుకుంటానని, అయాన్ చదువుతున్న బోధి వ్యాలీ స్కూల్ టీచర్లను ప్రశంసిస్తూ.. ఈ స్కూల్‌ని ఎంచుకున్నందుకు తల్లిదండ్రులుగా తాము సంతోషిస్తున్నామని ఇటీవల బన్నీ ట్వీట్ చేసిన సంగతి తెలిసిందే.
తాజాగా ప్రీ స్కూల్ గ్రాడ్యుయేషన్ కార్యక్రమానికి అల్లు అరవింద్, నిర్మల, బన్నీ, స్నేహా రెడ్డి, అర్హ, అయాన్ అటెండ్ అయ్యారు. ఈ ప్రోగ్రామ్‌లో అర్హ, అయాన్ మిగతా చిన్నారులతో కలిసి హుషారుగా డ్యాన్స్ చేశారు. తన పిల్లలు ముద్దు ముద్దుగా స్టెప్పులేస్తుంటే బన్నీ మొబైల్‌లో షూట్ చేశాడు. ప్రోగ్రామ్ చివర్లో బన్నీ చిన్నారులకు గ్రాడ్యేయేషన్ మెడల్స్, పత్రాలు అందించాడు. అర్హ, అయాన్‌ల డ్యాన్స్ వీడియో ప్రసుతం సోషల్ మీడియాలో వైరల్ అవుతోంది.
కరోనా వైరస్ కారణంగా కుటుంబ సభ్యులతో సమయం గడుపుతూ.. సుకుమార్ దర్శకత్వంలో, మైత్రీ మూవీ మేకర్స్ నిర్మిస్తున్న సినిమా కోసం ప్రిపేర్ అవుతున్నాడు స్టైలిష్ స్టార్. ‘ఆర్య’, ‘ఆర్య 2’ తర్వాత బన్నీ, సుక్కుల కలయికలో రూపొందుతున్న ఈ సినిమాపై భారీ అంచనాలున్నాయి.
