కరోనా వైరస్ ముందు జాగ్రత్త చర్యలపై సుమ వీడియో..

కరోనా ఎఫెక్ట్ - పాపులర్ యాంకర్ సుమ కరోనా వైరస్‌ ముందు జాగ్రత్త చర్యలపై ఓ వీడియో పోస్ట్ చేశారు..

  • Published By: sekhar ,Published On : March 17, 2020 / 11:17 AM IST
కరోనా వైరస్ ముందు జాగ్రత్త చర్యలపై సుమ వీడియో..

కరోనా ఎఫెక్ట్ – పాపులర్ యాంకర్ సుమ కరోనా వైరస్‌ ముందు జాగ్రత్త చర్యలపై ఓ వీడియో పోస్ట్ చేశారు..

గతకొద్ది రోజులుగా ప్రపంచాన్ని వణికిస్తూ ప్రజలను భయభ్రాంతులకు గురిచేస్తున్న కరోనా వైరస్ (కోవిడ్ -19) గురించి పలువురు సెలబ్రిటీలు సోషల్ మీడియా ద్వారా తీసుకోవల్సిన జాగ్రత్తల గురించి తెలియచేస్తున్నారు. తాజాగా పాపులర్ యాంకర్ సుమ తన ట్విట్టర్‌‌లో ఓ వీడియో పోస్ట్ చేశారు. 

ప్రతి ఒక్కరు 20 నుంచి 30 సెకన్ల పాటు చేతులు శుభ్రంగా కడుక్కోవడం తప్పనిసరని, ఎంత శుభ్రంగా ఉంటే కరోనాను అంత ధీటుగా ఎదుర్కోవచ్చునని  సుమ అన్నారు. సోషల్ మీడియా వేదికగా ఆమె కరోనా వైరస్‌ ముందు జాగ్రత్త చర్యలపై తన వంతు బాధ్యతగా ఓ సందేశాన్ని పంపించారు. కరోనా వైరస్‌ గురించి ఎక్కువగా భయపడాల్సిన పని లేదని, మనం చేయాల్సిందల్లా బాధ్యతాయుతంగా ప్రవర్తించడమేనన్నారు. వీలైనంత వరకు మాస్క్‌లు ధరించాలని, వేళ్లను ఎక్కువగా ముఖం మీద టచ్‌ చేయకుండా చూసుకోవాలన్నారు.

ఒకవేళ దగ్గు, జలుబు ఉంటే వెంటనే వైద్యులను సంప్రదించాలన్నారు. మన చుట్టు పక్కల వారు ఎవరైనా ఉంటే కూడా వారికి కూడా సలహా ఇవ్వాలన్నారు. ఎవరైనా కలిసినప్పుడు రెండు చేతులు జోడించి నమస్కారం పెట్టాలన్నారు. ఆలింగనాలు, షేక్‌  హ్యాండ్‌లకు దూరంగా ఉండాలన్నారు. ఏదైనా వైరస్‌ వ్యాప్తి చెందాలంటే మన చేతుల నుంచి మాత్రమే పాకుతుందని సాధ్యమైనంత వరకు చేతులను ముఖంమీద పెట్టకుండా జాగ్రత్త తీసుకోవాలన్నారు. ప్రతి ఒక్కరు జాగ్రత్తగా ఉంటే కరోనా వైరస్‌ తరిమికొట్టవచ్చన్నారు.

ముందు జాగ్రత్త చర్యలు తీసుకోవాలని, తాను కూడా తీసుకుంటున్నట్లు శానిటైజర్లను చేతులకు రాసుకుంటున్న దృశ్యాలను ట్విట్టర్‌లో పోస్ట్‌ చేశారు. కాగా ఇప్పటికే ప్రజల్లో అవగాహన పెంచేందుకు ప్రభుత్వం కార్యచరణ సిద్ధం చేస్తోంది. ప్రముఖుల చేత ప్రచారం చేపడుతోంది. రాజమౌళి, ఎన్టీఆర్, రామ్ చరణ్, ప్రభాస్, మంచు మనోజ్ ,మహేష్ బాబు వంటి సెలబ్రిటీలు కరోనా గురించి ట్వీట్ చేశారు.  

Read Also : బావా- బావమరుదుల సూచనలు – హాస్పిటల్స్ వివరాలు..