నేచురల్ స్టార్ నాని విడుదల చేసిన ‘అతడే శ్రీమన్నారాయణ’ – ట్రైలర్

‘కిరిక్ పార్టీ’ ఫేమ్ రక్షిత్ శెట్టి నటిస్తున్న ‘అతడే శ్రీమన్నారాయణ’ థియేట్రికల్ ట్రైలర్ నేచురల్ నాని చేతుల మీదుగా విడుదలైంది..

‘కిరిక్ పార్టీ’ ఫేమ్ రక్షిత్ శెట్టి నటిస్తున్న ‘అతడే శ్రీమన్నారాయణ’ థియేట్రికల్ ట్రైలర్ నేచురల్ నాని చేతుల మీదుగా విడుదలైంది..

కన్నడ నాట సంచలన విజయం సాధించిన చిత్రం ‘కిరిక్ పార్టీ’.. ఈ సినిమా హీరో రక్షిత్ శెట్టి ‘అవనే శ్రీమన్నారాయణ’ అనే సినిమా  చేస్తున్నాడు. ‘లవ్ లీ’, ‘అడ్డా’, ‘రౌడీ’ సినిమాల్లో నటించిన శాన్వీ కథానాయిక.. పుష్కర్ ఫిలింస్ బ్యానర్‌పై మల్లిఖార్జునయ్య నిర్మిస్తుండగా, సచిన్ దర్శకత్వం వహిస్తున్నారు. ఈ చిత్రం తెలుగులో ‘అతడే శ్రీమన్నారాయణ’ పేరుతో రిలీజ్ కానుంది.

తాజాగా ఈ సినిమా ట్రైలర్ నేచురల్ నాని చేతుల మీదుగా విడుదలైంది. రక్షిత్ పోలీస్ పాత్రలో కనిపిస్తున్నాడు. ఓ నిధి నేపథ్యంలో అడ్వెంచరస్‌గా తెరకెక్కుతుందీ చిత్రం.. ట్రైలర్‌‌లో సినిమా బ్యాక్ డ్రాప్ ఏంటనేది చెప్పేశారు. విజువల్స్, ఆర్ఆర్, వీఎఫ్ఎక్స్ బాగున్నాయి. ఆకట్టుకునే కథా కథనాలతో ఆద్యంతం ఆసక్తికరంగా ఈ చిత్రాన్ని రూపొందిస్తున్నట్టు మేకర్స్ తెలిపారు.

‘కేజీఎఫ్’ తర్వాత అంత భారీగా తెరకెక్కిన కన్నడ చిత్రం ఇదే కావడంతో సినిమాపై మంచి అంచనాలున్నాయి. కన్నడ, తెలుగు, తమిళ్, హిందీ, మలయాళ బాషల్లో ‘అతడే శ్రీమన్నారాయణ’ విడుదల కానుంది. మ్యూజిక్ : అజనీష్ లోక్‌నాధ్, చరణ్ రాజ్, డీఓపీ : కర్మ్ చావ్లా, లిరిక్స్ : రామజోగయ్య శాస్త్రి..