Balakrishna : ఏపీ సినిమా టికెట్ల ధరలపై బాలయ్య కీలక వ్యాఖ్యలు

ఏపీ సినిమా టిక్కెట్ల విధానంపై మాట్లాడుతూ.. దాని గురించి గతంలోనే మాట్లాడాను. ఏదైతే అదని సినిమా విడుదల చేసాం. మా సినిమాకు మంచి స్పందన వచ్చింది. హైకోర్ట్ టికెట్ల రేట్లు...

Balakrishna : ఏపీ సినిమా టికెట్ల ధరలపై బాలయ్య కీలక వ్యాఖ్యలు

Balayya (1)

Balakrishna :  బాలయ్య బోయపాటి కాంబినేషన్ లో వచ్చిన ‘అఖండ’ సినిమాతో హ్యాట్రిక్ కొట్టి భారీ విజయం సాధించారు. ఇప్పటికే ఈ సినిమా 100 కోట్ల గ్రాస్ కలెక్షన్స్ చేసి మరింత దూసుకుపోతుంది. సినిమా రిలీజ్ అయి 2 వారాలు అవుతున్నా ఇంకా ‘అఖండ’ సినిమాకి జనాలు వస్తూనే ఉన్నారంటే బాలయ్య మానియా అలాంటిది. ‘అఖండ’ విజయం తర్వాత బాలకృష్ణ విజయోత్సవాలతో పాటు ఆలయాలని కూడా సందర్శిస్తున్నారు. ఇటీవల సింహాచలం అప్పన్న స్వామి వారి ఆలయాన్ని సందర్శిన బాలకృష్ణ తాజాగా విజయవాడ కనకదుర్గ ఆలయాన్ని సందర్శించారు.

ఇవాళ ఉదయం హీరో నందమూరి బాలకృష్ణ తో పాటు ‘అఖండ’ సినిమా దర్శకుడు బోయపాటి శ్రీను, నిర్మాతలు ఇంద్రకీలాద్రిపై దుర్గమ్మను దర్శించుకున్నారు. దుర్గ గుడి అధికారులు బాలకృష్ణకు ఆలయ మర్యాదలతో స్వాగతం పలికారు. అనంతరం అమ్మవారిని దర్శించుకొని ప్రత్యేక పూజలు నిర్వహించారు బాలయ్య. ఆ తర్వాత బాలకృష్ణకు అమ్మవారి చిత్రపటంతో పాటు వేద ఆశీర్వచనం అందించారు అర్చకులు. దర్శనానంతరం బాలయ్య మీడియాతో మాట్లాడారు.

Pushpa : గతంలో ఎడమ భుజానికి సర్జరీలు.. ‘పుష్ప’లో భుజం పైకి పెట్టుకుని నటించడంతో…

బాలకృష్ణ మాట్లాడుతూ.. ‘అఖండ’ సినిమా అఖండమైన విజయం సాధించింది. సినిమా విజయంతో అమ్మవారిని దర్శించుకున్నాం అన్నారు. ప్రేక్షకులు సకుటుంబ సపరివార సమేతంగా సినిమాకి రావడం సంతోషాన్ని కలిగిస్తుంది. నందమూరి తారక రామారావు ఆనాడు భక్తిని కాపాడారు. ఇప్పుడు ‘అఖండ’ సినిమాతో మరోసారి సనాతన దర్మాన్ని చాటి చెప్పాం. అమ్మవారి అశీస్సులతో సినిమా దిగ్విజయంగా ప్రదర్శింపబడుతుంది. మంచి సినిమాను ప్రజలు ఆదరిస్తారని మరోసారి నిరూపించారు అని అన్నారు.

ఇక ఏపీ సినిమా టిక్కెట్ల విధానంపై మాట్లాడుతూ.. దాని గురించి గతంలోనే మాట్లాడాను. ఏదైతే అదని సినిమా విడుదల చేసాం. మా సినిమాకు మంచి స్పందన వచ్చింది. హైకోర్ట్ టికెట్ల రేట్లు తగ్గించమని చెప్పినా ప్రభుత్వం అప్పీల్ కు వెల్తామంటున్నారు. చూద్దాం ఏమవుతుందో న్యాయ నిర్ణేత కూడా దేవుడే. దేవుడున్నాడు ఆయన చూసుకుంటాడు అని అన్నారు. తర్వాత ఎలా ఉంటుందో చూడాలి దాని బట్టి స్పందిస్తాను అని చెప్పారు. మంచి కధ వస్తే మల్టీస్టారర్ సినిమా తీస్తాను అని కూడా తెలిపారు.

Akhanda : అమ్మవారి సన్నిధిలో ‘అఖండ’