RRR: ఆర్ఆర్ఆర్‌కు పోటీగా చిన్న సినిమా.. తట్టుకోగలదా..?
స్టార్ డైరెక్టర్ రాజమౌళి తెరకెక్కించిన ప్రెస్టీజియ్ మల్టీస్టారర్ మూవీ ‘ఆర్ఆర్ఆర్’ ఇప్పటికే ఇండియాన్ బాక్సాఫీస్ వద్ద ఎలాంటి సెన్సేషన్ క్రియేట్ చేసిందో అందరికీ తెలిసిందే. ఈ సినిమాను...
- Published By: 10TV Digital Team ,Published On : May 13, 2022 / 01:11 PM IST
Bhala Thandanana Locks Ott Release
RRR: స్టార్ డైరెక్టర్ రాజమౌళి తెరకెక్కించిన ప్రెస్టీజియ్ మల్టీస్టారర్ మూవీ ‘ఆర్ఆర్ఆర్’ ఇప్పటికే ఇండియాన్ బాక్సాఫీస్ వద్ద ఎలాంటి సెన్సేషన్ క్రియేట్ చేసిందో అందరికీ తెలిసిందే. ఈ సినిమాను అత్యంత భారీ బడ్జెట్‌తో చాలాసార్లు వాయిదా వేస్తూ ఎట్టకేలకు మార్చి 25న రిలీజ్ చేసింది చిత్ర యూనిట్. ఇక ఈ సినిమాలో మెగా పవర్ స్టార్ రామ చరణ్, యంగ్ టైగర్ ఎన్టీఆర్‌లు కలిసి ఈ సినిమాలో నటించడంతో ఈ సినిమాపై ఇండస్ట్రీ వర్గాలతో పాటు ప్రేక్షకుల్లోనూ అదిరిపోయే అంచనాలు క్రియేట్ అయ్యాయి. ఇక ఈ సినిమా రిలీజ్ రోజునే అందరి అంచనాలను బ్రేక్ చేస్తూ బ్రహ్మాండమైన రెస్పాన్స్‌ను దక్కించుకుంది.
RRR: గెట్ రెడీ అంటోన్న ఆర్ఆర్ఆర్.. ఓటీటీ అఫీషియల్ డేట్ వచ్చేసిందిగా!
ఈ సినిమా రిలీజ్ అయ్యి దాదాపుగా రెండు నెలలు అవుతుండటంతో ఈ మూవీని ఓటీటీలో రిలీజ్ చేసేందుకు చిత్ర యూనిట్ రెడీ అయ్యింది. ఇక సినిమాను మే 20న జీ5 ఓటీటీ ప్లాట్‌ఫాంలో రిలీజ్ చేస్తున్నట్లు చిత్ర యూనిట్ తాజాగా ప్రకటించింది. ఈ మేరకు తాజాగా ఓ ట్రైలర్‌ను కూడా రిలీజ్ చేసింది. అయితే అదే రోజున ‘ఆర్ఆర్ఆర్’ను ఢీ కొట్టేందుకు ఓ చిన్న సినిమా కూడా రెడీ అయ్యింది. విలక్షణమైన సినిమాలు చేస్తూ తనకంటూ ప్రత్యేక ఇమేజ్‌ను క్రియేట్ చేసుకున్న యంగ్ అండ్ ట్యాలెంటెడ్ హీరో శ్రీవిష్ణు నటించిన తాజా చిత్రం ‘భళా తందనాన’ ఇటీవల రిలీజ్ అయ్యి ఫ్లాప్‌గా నిలిచింది.
Bhala Thandhanana: ఓటీటీ పార్ట్‌నర్‌ను లాక్ చేసుకున్న ‘భళా తందనాన’!
శ్రీవిష్ణు ఈ సినిమాపై భారీ నమ్మకాలు పెట్టుకుని, తనవంతుగా ఈ సినిమాను హిట్ చేసేందుకు అన్ని ప్రయత్నాలు చేశాడు. కానీ ఈ సినిమా ప్రేక్షకులకు నచ్చకపోవడంతో, వారు ఈ సినిమాను రిజెక్ట్ చేశారు. ఇక ఈ సినిమాను నేరగా ఓటీటీలో రిలీజ్ చేసేందుకు చిత్ర యూనిట్ రెడీ అయ్యింది. ఈ సినిమా ఓటీటీ రైట్స్‌ను డిస్నీప్లస్ హాట్‌స్టార్ దక్కించుకోవడంతో, మే 20న ఈ సినిమాను ఓటీటీలో స్ట్రీమింగ్ చేసేందుకు రెడీ అవుతున్నారు. మరి ఆర్ఆర్ఆర్‌కు పోటీగా ఈ సినిమాను ఓటీటీలో రిలీజ్ చేస్తుండటంతో ఈ సినిమాకు ఓటీటీలో ఎలాంటి రెస్పాన్స్ దక్కుతుందా అని అందరూ ఆసక్తిగా చూస్తున్నారు. ఏదేమైనా ఆర్ఆర్ఆర్‌తో పోటీ శ్రీవిష్ణుకు అవసరమా అని పలువురు కామెంట్ చేస్తున్నారు.
