Bigg Boss 5 Telugu: సిరి-షణ్నుల రిలేషన్‌.. విన్నర్ సన్నీ కామెంట్స్ వైరల్!

Bigg Boss 5 Telugu: మొత్తానికి బిగ్ బాస్ 5 ముగిసింది. సన్నీ విన్నరైతే.. షణ్ముఖ్ రన్నరప్ అయ్యాడు. నిజానికి సోషల్ మీడియాలో ఫాలోయింగ్ ఉన్న షణ్ముఖ్ బిగ్ బాస్ లో అడుగుపెట్టినపుడు తప్పకుండా విజేత అవుతాడనే అభిప్రాయాలు వ్యక్తమవగా.. ఫైనల్ వారం వరకు కూడా షణ్ముఖ్ పేరు గట్టిగానే వినిపించింది. అయితే.. సిరి మీద పెట్టిన కాన్షన్ట్రేషన్ టైటిల్ మీద లేదనే విమర్శలు షణ్ముఖ్ మీద వచ్చాయి. ఒకరకంగా అది కూడా నిజమే సిరి వలనే ఫోకస్ చేయలేకపోయానని షణ్ముఖ్ కూడా ఒప్పుకున్నాడు.

Namratha – Upasana: క్రిస్‌మస్‌ సెలబ్రేషన్.. దుబాయ్‌లో ఉపాసన-నమ్రత!

నిజానికి బిగ్‌బాస్‌ షో సిరి, షణ్ముఖ్‌ను బాగా దగ్గర చేసింది. అయితే ఎవరేమనుకున్నా సిరి వల్లే తను ఓడిపోయానని అంటూనే మేమిద్దరం మంచి ఫ్రెండ్స్‌ మాత్రమే అని కుండ బద్ధలు కొట్టేశాడు షణ్ను. ఇక షణ్ముఖ్‌ ఆల్‌రెడీ దీప్తి సునయనతో పీకల్లోతు ప్రేమలో ఉండగా.. సిరికి శ్రీహాన్‌తో నిశ్చితార్థం కూడా జరిగింది. కానీ.. కాలం ఆడించిందేమో లేక బిగ్ బాస్ ఆడించాడో కానీ వీరిద్దరూ హౌస్‌లో ఒకరికొకరు హగ్గులిచ్చుకుంటూ.. ముద్దులు పెట్టుకుంటూ హద్దు దాటేశారు. ఇది వాళ్ళ ఫ్యామిలీలతో సహా చాలామందికి మింగుడుపడలేదు. స్నేహం పేరుతో వీళ్లు అతి చేస్తున్నారన్న భావన కనిపించింది.. వినిపించింది.

RRR: ఆర్ఆర్ఆర్ సినిమా వాయిదా ప్రచారం.. నిజమెంత?

కాగా, సిరి- షణ్ముఖ్‌ల బంధంపై టైటిల్ విన్నర్ సన్నీ ఆసక్తికర వ్యాఖ్యలు చేశాడు. సిరి-షన్నుల వ్యవహారం గురించి ‘సిరికి ఒక మాట చెప్పాలనుకున్నాను. దోస్తాన్‌ దోస్తానే కానీ బయట నిన్ను నమ్ముకుని ఒక మనిషి (శ్రీహాన్‌) ఉన్నాడు. పాపం అతడు ఫీల్‌ అవుతాడు కదా అని చాలాసార్లు చెప్పాలని ప్రయత్నించా.. కానీ కుదరలేదు. ఆ విషయంపై వాళ్లతో మాట్లాడదాం అని వెళ్లినప్పుడల్లా.. మాకు కొంచెం సమయం కావాలి. ఇప్పుడు మాట్లాడాలనుకోవట్లేదు అంటారు. వాళ్ళ మధ్య కనెక్షనే లేనప్పుడు ఇంకేం మాట్లాడతాం సైలెంట్ అయిపోయా అని చెప్పుకొచ్చాడు.