NC 22 : మరోసారి చైతూ-కృతిశెట్టి కాంబో.. క్లాప్ కొట్టిన బోయపాటి..

Chaithu -KrithiShetty :  ప్రస్తుతం నాగ చైతన్య, కృతిశెట్టి మంచి ఫామ్ లో ఉన్నారు. చైతూ లవ్ స్టోరీ, బంగార్రాజు సినిమాలతో బ్యాక్ టు బ్యాక్ హిట్ కొట్టి త్వరలో థ్యాంక్ యు సినిమాతో మరో హిట్ కొట్టడానికి రెడీగా ఉన్నాడు. అటు కృతి శెట్టి కూడా వరుస హిట్స్ తో తెలుగు, తమిళ్ సినిమాలతో బిజీ బిజీగా ఉంది. ఇప్పటికే నాగ చైతన్య – కృతి శెట్టి కలిసి బంగార్రాజు సినిమాలో నటించారు. సినిమాలో ఈ జంట అదిరిపోయే కెమిస్ట్రీ పండించి హిట్ కొట్టారు.

తాజాగా మరోసారి ఈ జంట కలిసి నటించనున్నారు. నాగ చైతన్య 22వ సినిమాగా తమిళ దర్శకుడు వెంకట్ ప్రభు దర్శకత్వంలో తెలుగు, తమిళ్ భాషల్లో బై లింగ్వల్ సినిమాని అనౌన్స్ చేశారు. శ్రీనివాస సిల్వర్ స్క్రీన్స్ పతాకంపై చిట్టూరి శ్రీనివాస్ నిర్మిస్తున్నారు. ఈ సినిమాలో కృతి శెట్టిని హీరోయిన్ గా నటించనుంది.

Bilingual Movies : తెలుగు-తమిళ్.. బైలింగ్వల్ సినిమాలకి ఓకే చెప్తున్న హీరోలు..

ఈ సినిమా ఇవాళ పూజా కార్యక్రమం నిర్వహించగా మాస్ డైరెక్టర్ బోయపాటి శ్రీను చైతూ – కృతిశెట్టి పై క్లాప్ కొట్టారు. ఈ కార్యక్రమంలో రానా, శివ కార్తికేయన్, డైరెక్టర్ భారతీరాజా, మ్యూజిక్ డైరెక్టర్ యువన్ శంకర్ రాజా, డైరెక్టర్ లింగు స్వామి పాల్గొన్నారు. మరోసారి చైతూ- కృతి శెట్టి కలిసి నటిస్తుండటంతో అప్పుడే సినిమాపై అంచనాలు నెలకొన్నాయి.