Oscar Awards : చెంపదెబ్బ ఘటన.. విల్‌స్మిత్ ఆస్కార్ వెనక్కి తీసుకుంటారా??

ఈ సారి ఆస్కార్ అవార్డు వేడుకల్లో అనుకోని సంఘటన చోటు చేసుకుంది. ఈ వేడుకల్లో అమెరికన్‌ కమెడియన్‌ క్రిస్‌‌రాక్‌ ని బెస్ట్ యాక్టర్ అవార్డు అందుకున్న విల్‌స్మిత్ లాగిపెట్టి చెంప మీద....

Will Smith :  94వ ఆస్కార్‌ అవార్డుల ప్రదానం మార్చ్ 27న జరిగాయి. అయితే ఈ సారి ఆస్కార్ అవార్డు వేడుకల్లో అనుకోని సంఘటన చోటు చేసుకుంది. ఈ సారి ఉత్తమ నటుడిగా విల్‌‌స్మిత్‌ ఆస్కార్‌ దక్కించుకున్నారు. ఈ వేడుకల్లో అమెరికన్‌ కమెడియన్‌ క్రిస్‌‌రాక్‌ ని బెస్ట్ యాక్టర్ అవార్డు అందుకున్న విల్‌స్మిత్ లాగిపెట్టి చెంప మీద కొట్టాడు. ఆస్కార్‌ వేడుకల్లో అమెరికన్‌ కమెడియన్‌ క్రిస్‌‌రాక్‌ బెస్ట్‌ డాక్యుమెంటరీ ఫీచర్‌కు అవార్డు ఇవ్వడానికి స్టేజ్‌ ఎక్కారు. అతను మాట్లాడుతూ మధ్యలో విల్‌‌స్మిత్‌ భార్య, నటి జాడా పింకెట్‌ స్మిత్‌‌పై జోక్‌ చేశాడు. అనారోగ్యంతో ఆమె గుండు చేయించుకుని ఉండగా, ఆమె లుక్‌ మీద క్రిస్‌ జోక్‌ వేశాడు. దీంతో అప్పటిదాకా ఎంజాయ్ చేస్తున్న విల్‌స్మిత్ కోపం తెచ్చుకొని కూర్చున్న చోటు నుంచి లేచి స్టేజిమీదకి వెళ్లి క్రిస్‌ని లాగిపెట్టి చెంప మీద కొట్టాడు. దీంతో అక్కడ ఉన్న వారంతా ఒక్కసారిగా షాక్‌కి గురయ్యారు.

అయితే ఈ వీడియో లైవ్‌లో టెలికాస్ట్ అవ్వకపోయినా బయటకి వచ్చింది. విల్‌స్మిత్ క్రిస్‌ని కొట్టిన వీడియో ప్రపంచ వ్యాప్తంగా సోషల్ మీడియాలో వైరల్ అయింది. ఈ షాకింగ్ సంఘటన హాట్‌టాపిక్ గా మారింది. దీంతో విల్‌‌స్మిత్‌కు ఇచ్చిన బెస్ట్‌ యాక్టర్‌ అవార్డును వెనక్కి తీసుకోవాలని కొంతమంది డిమాండ్‌ చేస్తున్నారు. సోషల్ మీడియాలో ఈ మేరకు విల్‌ స్మిత్‌ ఆస్కార్‌ను వెనక్కి తీసుకోవాల్సిందేనని పలువురు పోస్టులు కూడా చేస్తూ ఆస్కార్ అవార్డుని అందించే ‘ది అకాడమీ’ని ట్యాగ్ చేస్తున్నారు.

Oscar Awards : ఆస్కార్ వేడుకల్లో ఊహించని సంఘటన.. కమెడియన్‌ని కొట్టిన బెస్ట్ యాక్టర్ విల్‌స్మిత్

అయితే దీనిపై అకాడమీ స్పందిస్తూ ఓ ట్వీట్ పోస్ట్ చేసింది. తన ట్వీట్‌లో.. ”అకాడమీ ఏ విధమైన హింసను క్షమించదు, ప్రోత్సహించదు. మా 94వ అకాడమీ అవార్డ్స్ విజేతలతో ఈవెంట్ ని జరుపుకోవడాన్ని మేము సంతోషిస్తున్నాము. వీరు ప్రపంచవ్యాప్తంగా ఉన్న వారి సహచరులు మరియు సినీ ప్రేమికుల నుండి గుర్తింపు పొందారు’’ అంటూ ట్వీట్‌ చేసింది అకాడమీ. మరి విల్ స్మిత్ అవార్డుని వెనక్కి తీసుకుంటారా లేదా అనేది చూడాలి. అయితే విల్ స్మిత్ తర్వాత తాను మాట్లాడేటప్పుడు క్రిస్ కి క్షమాపణలు కూడా చెప్పారు.+

The Academy does not condone violence of any form.

Tonight we are delighted to celebrate our 94th Academy Awards winners, who deserve this moment of recognition from their peers and movie lovers around the world.

— The Academy (@TheAcademy) March 28, 2022