Movie Shootings : సినీ కార్మికుల సమ్మెతో స్టార్ హీరోల సినిమాలకి ఎఫెక్ట్..

Movie Shootings :  రెండు రోజులు టాలీవుడ్ సినీ కార్మికులు చేసిన సమ్మెతో స్టార్ హీరోల సినిమాలకి భారీ ఎఫెక్ట్ పడింది. అసలే ఇప్పుడు టాలీవుడ్ అందర్నీ ఆకర్షిస్తుంది. అన్ని సినీ పరిశ్రమల నుంచి ఇక్కడికే వచ్చి షూట్ చేస్తున్నారు. హైదరాబాద్ ఇప్పుడు తెలుగు సినిమాలకే కాకుండా తమిళ, హిందీ మూవీస్ షూటింగ్స్ కి అడ్డాగా మారింది. అమితాబ్ నుంచి ధనుష్ వరకు చాలా మంది వేరే భాషల స్టార్ హీరోల సినిమా పనులు ఇక్కడే జరుగుతున్నాయి. దీంతో సినీ కార్మికులు రెండు రోజులు చేసిన సమ్మెతో భారీగానే ఎఫెక్ట్ పడింది.

టాలీవుడ్ లో సినీ కార్మికులు చేసిన మెరుపు సమ్మె పలు భారీ సినిమాలకు ఆటంకం కలిగించింది. అందులో ప్రభాస్ ప్రాజెక్ట్ కె, సల్మాన్ ఖాన్ కబీ ఈద్ కబీ దివాళి, మెగాస్టార్ భోళా శంకర్, అజిత్ సినిమా, ధనుష్ సర్ సినిమా, బాలయ్య బాబు సినిమా, విజయ్ వారసుడు సినిమా, విజయ్ దేవరకొండ ఖుషి, రవితేజ రావణాసుర, సాయిధరమ్ తేజ్ సినిమా, అల్లరి నరేష్ ఇట్లు మారేడుమిల్లి సినిమాల షూటింగులకు అంతరాయం ఏర్పడింది. ఇవే కాక చిన్న సినిమాలు కూడా ఇబ్బందిని ఎదుర్కొన్నాయి.

John Abraham : మరోసారి నోరు పారేసుకున్న జాన్ అబ్రహం.. ట్రోల్ చేస్తున్న నెటిజన్లు..

సమ్మెతో హైదరాబాద్ లో షూటింగ్ జరుపుకుంటున్న స్టార్ హీరోలు ఒక్కాసారిగా ఉలిక్కి పడ్డారు. ఈ సమ్మె ఎఫెక్ట్ ఎన్ని రోజులు ఉంటుందో, ఎంత నష్టం జరుగుతుందో అని ఆందోళన చెందారు. డేట్స్ అడ్జెస్ట్మెంట్ కోసం ఎన్ని ఇబ్బందులు ఎదుర్కోవలసి వస్తుందో అని టాలీవుడ్ స్టార్ హీరోలే కాదు, కోలివుడ్, బాలీవుడ్ హీరోలు కూడా భారీ లాస్ జరగబోతుందని భయపడ్డారు. అయితే కేవలం రెండు రోజుల్లోనే ఈ సమ్మె సద్ధుమనగడంతో ఇప్పుడు అంతా ఊపిరి పీల్చుకున్నారు. కానీ ఈ రెండు రోజుల సమ్మె వల్ల నష్టం కోట్లలోనే వచ్చిందని నిర్మాతలు అంటున్నారు.

ఇప్పుడు ఎవరి సినిమాలు వారు షూటింగ్ లు సజావుగా చేసుకోవచ్చని ఇరు వర్గాల వారు ఏకాభిప్రాయానికి వచ్చారు. ఫిలిం ఛాంబర్, ఫెడరేషన్ నాయకుల చర్చలు ఫలించాయి. సినీ కార్మికుల వేతనాలు పెంచడానికి అంగీకరించారు. ఎంత శాతం పెంచాలన్నదానిపై శుక్రవారం సమన్వయ కమిటీ భేటీలో తేలనుంది. శుక్రవారం నుంచి సినిమాల షూటింగ్ యదాతథంగా జరగనుంది.