F3: ‘ఎఫ్3’ కథ ఈ బ్యూటీ చుట్టూ తిరుగుతుందట!

F3: టాలీవుడ్ యంగ్ డైరెక్టర్ అనిల్ రావిపూడి తెరకెక్కించిన లేటెస్ట్ మూవీ ‘ఎఫ్3’ ఇప్పటికే షూటింగ్ పనులు ముగించుకుని రిలీజ్‌కు రెడీ అయ్యింది. గతంలో వచ్చిన ఎఫ్2 సినిమాకు సీక్వెల్‌గా ‘ఎఫ్3’ని తెరకెక్కించాడు అనిల్ రావిపూడి. ఇక ఈ సినిమాలో విక్టరీ వెంకటేష్, వరుణ్ తేజ్, తమన్నా, మెహ్రీన్‌లు లీడ్ రోల్స్ చేస్తున్నారు. తొలి భాగంలో నటించిన మెజారిటీ నటీనటులే ఈ సీక్వెల్ మూవీలో కూడా నటిస్తుండటంతో ఈ సినిమాపై ప్రేక్షకుల్లో భారీ అంచనాలు క్రియేట్ అయ్యాయి. ఇక ఇటీవల రిలీజ్ అయిన ఈ సినిమా ట్రైలర్, ప్రేక్షకుల్లో నెలకొన్న అంచనాలను రెట్టింపు చేసింది.

F3 Movie: ఆరో భూతం మనీ.. సమ్మర్ హీట్‌లో ఫన్ ట్రీట్ ‘ఎఫ్3’

దీంతో ఈ సినిమా ఖచ్చితంగా బాక్సాఫీస్ వద్ద సూపర్ హిట్ మూవీగా నిలుస్తుందని ప్రేక్షకులు భావిస్తున్నారు. అయితే ఈ సినిమాలో తమన్నా పాత్రకు సంబంధించి తాజాగా ఓ ఇంట్రెస్టింగ్ వార్త సోషల్ మీడియాలో చక్కర్లు కొడుతోంది. ఈ సినిమాలో వెంకీ భార్యగా తమన్నా నటిస్తున్న సంగతి తెలిసిందే. అయితే ఎఫ్3 సినిమాలో కథ మొత్తం తమన్నా పాత్ర చుట్టూనే తిరుగుతుందని చిత్ర వర్గాలు చెబుతున్నాయి. ఈ సినిమా కథలో తమన్నా పాత్ర కారణంగా ఓ అదిరిపోయే ట్విస్ట్ ఉండబోతున్నట్లు తెలుస్తోంది.

F3: ట్రైలర్ టాక్.. సమ్మర్ సోగాళ్ళ అల్టిమేట్ ఫన్!

ఇక పూర్తి కామెడీ ఎంటర్‌టైనర్ మూవీగా రాబోతున్న ఎఫ్3 సినిమాలో సునీల్, సోనాల్ చౌహాన్‌లు కొత్తగా జాయిన్ అయ్యారు. ఈ సినిమాను స్టార్ ప్రొడ్యూసర్ దిల్ రాజు ఈ సినిమాను ప్రొడ్యూస్ చేస్తుండగా, ఈ చిత్రాన్ని మే 27న ప్రపంచవ్యాప్తంగా రిలీజ్ చేసేందుకు చిత్ర యూనిట్ రెడీ అయ్యింది. మరి ఎఫ్3 సినిమాలో తమన్నా పాత్ర ఎలా ఉండబోతుందో తెలియాలంటే ఈ సినిమా రిలీజ్ అయ్యే వరకు వెయిట్ చేయాల్సిందే.