అసురన్ ఫస్ట్ లుక్
ధనుష్ కొత్త సినిమా అసురన్ ఫస్ట్ లుక్.
- Published By: sekhar ,Published On : January 26, 2019 / 09:14 AM IST
ధనుష్ కొత్త సినిమా అసురన్ ఫస్ట్ లుక్.
తమిళ స్టార్ హీరో ధనుష్, మారి2 తర్వాత వెట్రి మారన్ డైరెక్షన్‌లో ఒక సినిమా చేస్తున్నాడు. ఈ సినిమాని, వి. క్రియేషన్స్ బ్యానర్‌పై ప్రముఖ నిర్మాత కలైపులి ఎస్.థాను నిర్మిస్తున్నాడు. ఇంతకుముందు ధనుష్, వెట్రి మారన్‌ల కాంబినేషన్‌లో మూడు సినిమాలొచ్చాయి. చివరిగా గతేడాది అక్టోబర్‌లో రిలీజ్ అయిన వడచెన్నై కూడా హిట్ అయ్యింది. వీళ్ళ కాంబోలో తెరకెక్కబోయే చిత్రానికి కొద్ది రోజుల క్రితం, అసురన్ అనే టైటిల్ ఫిక్స్ చేస్తూ, పెయింటింగ్‌ని పోలిన ఫస్ట్ లుక్ పోస్టర్ రిలీజ్ చేసిన మూవీ యూనిట్, ఈ రోజునుండి (జనవరి26) షూటింగ్ స్టార్ట్ అయిన సందర్భంగా, న్యూ ఫస్ట్ లుక్ పోస్టర్స్ రిలీజ్ చేసింది.
ఒక పోస్టర్‌‌లో తమిళ నేటివిటీ ఉట్టిపడేలా పెద్దబొట్టుతో, మీసాలు మెలితిప్పి, లుంగీ పైకి ఎత్తికట్టి, చేతిలో బల్లెంతో ప్రత్యర్థుల మీదకి దూకుతున్నాడు. మరో లుక్‌లో, పెద్ద మనిషి తరహాలో కాలుమీద కాలు వేసుకుని కుర్చీలో కూర్చుని ఉండగా, అతని భార్య పాత్రలో నటిస్తున్న మంజు వారియర్ పక్కన నిలబడి ఉంది. ఇద్దరూ ఫోటోకి ఫోజిచ్చారు. ఈ సినిమాకి జి.వి.ప్రకాష్ కుమార్ మ్యూజిక్ కంపోజ్ చేస్తున్నాడు.
