పవన్ కళ్యాణ్ చేతుల మీదుగా “గమనం” ట్రైలర్

  • Published By: vamsi ,Published On : November 11, 2020 / 11:18 AM IST
పవన్ కళ్యాణ్ చేతుల మీదుగా “గమనం” ట్రైలర్

శ్రియ శరన్.. నిత్యామీనన్.. ప్రియాంక జవాల్కర్ వంటి ప్రముఖులు ప్రధాన పాత్రల్లో దర్శకుడు సుజనారావు తెరకెక్కిస్తున్న ప్యాన్‌ ఇండియా సినిమా ‘గమనం’. తెలుగు, తమిళం, మలయాళం, కన్నడ, హిందీ భాషల్లో రూపొందుతున్న ఈ సినిమాకు సంబంధించి తెలుగు ట్రైలర్‌ను పవర్‌స్టార్ పవన్ కళ్యాణ్ లేటెస్ట్‌గా విడుదల చేశారు.


మొత్తం అయిదు భాషల్లో ఈ సినిమాను విడుదల చేస్తుండగా.. విలక్షణమైన సినిమాగా సుజనా రావు దర్శకత్వంలో సినిమా రూపొందుతుంది. ఇప్పటికే విడుదలైన పోస్టర్లు సినిమాకు సంబంధించిన అంచనాలు పెంచగా.. మొత్తం అయిదుభాషల్లో ఈ సినిమా రూపొందుతుండటంతో ట్రైలర్‌ను కూడా అయిదు భాషల్లో విడుదల చేశారు. ఇందులో భాగంగా తెలుగు ట్రైలర్‌ను పవన్‌ విడుదల చేశారు. హిందీలో సోనూసూద్‌, తమిళ్‌లో జయం రవి, కన్నడలో శివరాజ్‌ కుమార్‌, మలయాళ వర్షన్ ఫహద్‌ ఫసిల్‌ విడుదల చేశారు.



https://10tv.in/pawan-kalyan-jet-speed-in-films/
చెవిటి యువతిగా చంటిబిడ్డతో శ్రియ పడే కష్టాలు, క్రికెటర్‌ కావాలనుకునే ఓ యువకుడిని ప్రాణానికి ప్రాణంగా ప్రేమించే ముస్లిం యువతి, రోడ్డుపై చెత్త కాగితాలు ఏరుకునే ఇద్దరు అనాథ పిల్లల జీవితం.. ఇలా మూడు కథలతో గమనం ట్రైలర్ ఆకట్టుకుంది. ఈ సినిమాలో నిత్యామీనన్‌ కర్ణాటక గాయకురాలు శైలపుత్రీ దేవి పాత్రలో కనిపిస్తున్నారు ప్రముఖ రచయిత సాయి మాధవ్‌ బుర్రా మాటలు అందంచగా.. జ్ఞాన శేఖర్‌ వీఎస్‌ సినిమాటోగ్రాఫీ ఇస్తున్నారు. రమేష్ క‌రుటూరి, వెంకీ పుష‌డ‌పుల‌తో క‌లిసి సంయుక్తంగా ఈ చిత్రాన్ని నిర్మిస్తున్నారు.