Godfather: ఆగస్టు వార్.. సిద్ధమంటోన్న గాడ్‌ఫాదర్..?

Godfather: మెగాస్టార్ చిరంజీవి నటించిన రీసెంట్ మూవీ ‘ఆచార్య’ ఇటీవల రిలీజ్ అయ్యి బాక్సాఫీస్ వద్ద యావరేజ్ మూవీగా నిలిచింది. ఈ సినిమా కంటెంట్ ఆడియెన్స్‌కు కనెక్ట్ కాకపోవడంతో ఆచార్య అనుకున్నమేర విజయం సాధించలేకపోయింది. ఇక ఈ సినిమా రిజల్ట్‌ను పక్కనబెట్టిన చిరు, ప్రస్తుతం తన భార్యతో వెకేషన్‌కు వెళ్లారు. అయితే ఆయన ఇప్పటికే పలు ఇంట్రెస్టింగ్ ప్రాజెక్టులను వరుసగా చేస్తూ బిజీగా ఉన్న సంగతి తెలిసిందే. ఇందులో దర్శకుడు మోహన్ రాజా తెరకెక్కిస్తున్న ‘గాడ్‌ఫాదర్’ మూవీ కూడా ఒకటి.

Godfather: చిరు.. సల్మాన్.. ప్రభుదేవా.. థమన్.. వాట్ ఏ కాంబినేషన్!

మలయాళ సూపర్ హిట్ మూవీ ‘లూసిఫర్’కు తెలుగు రీమేక్‌గా వస్తున్న ఈ సినిమాలో చిరంజీవి ఓ సరికొత్త లుక్‌లో కనిపిస్తాడని చిత్ర యూనిట్ చెబుతోంది. ఇక ఈ సినిమాలో ఆయన పాత్ర చాలా పవర్‌ఫుల్‌గా ఉండనుండటంతో ఈ సినిమాపై ప్రేక్షకుల్లో మంచి అంచనాలు క్రియేట్ అయ్యాయి. ఇప్పటికే మెజారిటీ షూటింగ్ పూర్తి చేసుకున్న గాడ్‌ఫాదర్ చిత్రానికి సంబంధించి ప్రస్తుతం సోషల్ మీడియాలో ఓ వార్త జోరుగా చక్కర్లు కొడుతోంది. ఈ సినిమా రిలీజ్ డేట్ విషయంలో చిత్ర యూనిట్ అప్పుడే ఓ క్లారిటీకి వచ్చేసినట్లుగా తెలుస్తోంది.

Godfather: చిరుతో పూరి ఆన్ స్క్రీన్.. గాడ్ ఫాదర్‌లో ఫుల్ లోడ్ స్టార్ క్యాస్ట్!

గాడ్‌ఫాదర్ చిత్రాన్ని ఆగస్టు 12న రిలీజ్ చేసేందుకు చిరు అండ్ టీమ్ ప్లాన్ చేస్తున్నారట. స్వాతంత్ర్య దినోత్సవం సందర్భంగా ఈ సినిమాను రిలీజ్ చేయాలని గాడ్‌ఫాదర్ టీమ్ రెడీ అవుతున్నారట. అయితే ఈ చిత్ర షూటింగ్ ఇంకా పూర్తి కాకపోవడంతో, ఈ సినిమాను ఆగస్టులో రిలీజ్ చేస్తారా అనేది సందేహంగా మారింది. ఇక ఆగస్టులో ఇప్పటికే పలు క్రేజీ చిత్రాలు రిలీజ్‌కు రెడీ అవుతుండటంతో, ఆగస్టు వార్‌కు గాడ్‌ఫాదర్ సిద్ధమంటాడా లేక.. వార్ నుండి తప్పుకుని సోలోగా బరిలోకి దిగుతాడా.. అనేది చిత్ర యూనిట్ అఫీషియల్‌గా అనౌన్స్ చేస్తేనే క్లారిటీ వస్తుంది.