Sarkaru Vaari Paata: ‘సర్కారు వారి పాట’ ఓటీటీలో వచ్చేది అప్పుడేనా..? | Is This The OTT Release Date Of Sarkaru Vaari Paata

Sarkaru Vaari Paata: ‘సర్కారు వారి పాట’ ఓటీటీలో వచ్చేది అప్పుడేనా..?

టాలీవుడ్ సూపర్ స్టార్ మహేష్ బాబు నటించిన తాజా చిత్రం ‘సర్కారు వారి పాట’ భారీ అంచనాల మధ్య వేసవి కానుకగా మే 12న ప్రపంచవ్యాప్తంగా భారీ స్థాయిలో....

Sarkaru Vaari Paata: ‘సర్కారు వారి పాట’ ఓటీటీలో వచ్చేది అప్పుడేనా..?

Sarkaru Vaari Paata: టాలీవుడ్ సూపర్ స్టార్ మహేష్ బాబు నటించిన తాజా చిత్రం ‘సర్కారు వారి పాట’ భారీ అంచనాల మధ్య వేసవి కానుకగా మే 12న ప్రపంచవ్యాప్తంగా భారీ స్థాయిలో రిలీజ్ అయ్యింది. ఈ సినిమాను దర్శకుడు పరశురామ్ పెట్ల తెరకెక్కించడంతో ఈ సినిమాను చూసేందుకు అభిమానులతో పాటు ప్రేక్షకులు థియేటర్లకు బారులు తీరారు. ఇక ఈ సినిమాకు తొలిరోజే పాజిటివ్ టాక్ రావడంతో ఈ సినిమాను రిపీటెడ్ ఆడియెన్స్ చూస్తూ వస్తున్నారు. ఫలితంగా ఈ సినిమా ఇప్పటికే రెండు వారాల థియేట్రికల్ రన్ పూర్తి చేసుకుని మూడో వారంలోకి అడుగుపెట్టింది.

Sarkaru Vaari Paata: సర్కారు వారి పాట రెండు వారాల కలెక్షన్స్.. ఎంతంటే?

ఇక ఈ సినిమా కేవలం 12 రోజుల్లోనే రూ.200 కోట్ల గ్రాస్ క్లబ్‌లో చేరి మహేష్ సత్తా ఏమిటో బాక్సాఫీస్‌కు చూపించింది. ఈ చిత్రంలో మహేష్ అల్ట్రా స్టైలిష్ లుక్, ఊరమాస్ డైలాగులు ఫ్యాన్స్‌కు పూనకాలు తెప్పించాయి. ఇక ఈ సినిమాను ఓటీటీలో ఎప్పుడెప్పుడు రిలీజ్ చేస్తారా అని అప్పుడే ఆడియెన్స్ ఆతృతగా చూస్తున్నారు. అయితే ఈ సినిమా ఓటీటీ రైట్స్‌ను ప్రముఖ దిగ్గజ ఓటీటీ ప్లాట్‌ఫాం అమెజాన్ ప్రైమ్ భారీ రేటుకు దక్కించుకుంది. దీంతో ఈ సినిమా రిలీజ్ అయ్యాక నెలలోపే స్ట్రీమింగ్ చేసేందుకు చిత్ర నిర్మాతలతో అమెజాన్ ప్రైమ్ వీడియో ఒప్పందం చేసుకుంది.

Sarkaru Vaari Paata: మహేష్ బాబుకు మరో వారం కలిసొచ్చిందిగా!

ఈ లెక్కన సర్కారు వారి పాట చిత్రాన్ని జూన్ 10న ఓటీటీలో స్ట్రీమింగ్ చేసే అవకాశాలు కనిపిస్తున్నాయి. అయితే చిత్ర నిర్మాతలు ఈ విషయంపై అమెజాన్ ప్రైమ్ వీడియోతో చర్చలు జరిపితే మాత్రం ఈ చిత్రాన్ని జూన్ 24న రిలీజ్ చేసే అవకాశం ఉందని చిత్ర వర్గాలు అంటున్నాయి. ఏదేమైనా.. సర్కారు వారి పాట వస్తే జూన్ 10న, లేదంటే జూన్ 24న ఓటీటీలో స్ట్రీమింగ్ కావడం మాత్రం ఖాయమని చిత్ర వర్గాల్లో టాక్ వినిపిస్తుంది. ఇక ఈ సినిమాలో మహేష్ సరసన అందాల భామ కీర్తి సురేష్ హీరోయిన్‌గా నటించిన సంగతి తెలిసిందే.

×