Sammathame: సెన్సార్ పనులు ముగించుకున్న సమ్మతమే | Kiran Abbavaram Sammathame Completes Censor Work

Sammathame: సెన్సార్ పనులు ముగించుకున్న సమ్మతమే

టాలీవుడ్ యంగ్ హీరో కిరణ్ అబ్బవరం వైవిధ్యమైన కథాంశాలతో సినిమాలు చేస్తూ ప్రేక్షకులను అలరించడంలో దూసుకెళ్తున్నాడు. ఈ హీరో నటిస్తున్న లేటెస్ట్ మూవీ....

Sammathame: సెన్సార్ పనులు ముగించుకున్న సమ్మతమే

Sammathame: టాలీవుడ్ యంగ్ హీరో కిరణ్ అబ్బవరం వైవిధ్యమైన కథాంశాలతో సినిమాలు చేస్తూ ప్రేక్షకులను అలరించడంలో దూసుకెళ్తున్నాడు. ఈ హీరో నటిస్తున్న లేటెస్ట్ మూవీ ‘సమ్మతమే’ ఇప్పటికే ప్రేక్షకుల్లో మంచి బజ్‌ను క్రియేట్ చేసింది. ఈ సినిమాతో మరోసారి బాక్సాఫీస్ వద్ద తనదైన మార్క్ ఎంటర్‌టైన్‌మెంట్ అందించేందుకు కిరణ్ అబ్బవరం రెడీ అవుతున్నాడు. దర్శకుడు గోపీనాథ్ రెడ్డి తెరకెక్కిస్తున్న ఈ రొమాంటిక్ ఎంటర్‌టైనర్ మూవీ ట్రైలర్ ఇటీవల రిలీజ్ అవ్వగా, దానికి మంచి రెస్పాన్స్ దక్కింది.

Sammathame : ఒకే రోజు అయిదు ఊర్లలో సమ్మతమే ప్రమోషన్స్..

ఇక ఈ సినిమాలో కిరణ్ అబ్బవరం సరసన అందాల భామ చాందినీ చౌదరి హీరోయిన్‌గా నటిస్తుండటంతో, వీరిద్దరి కాంబినేషన్ చాలా క్యూట్‌గా ఉందని ఇప్పటికే సినీ వర్గాల్లో ప్రశంసలు కురుస్తున్నాయి. కాగా.. తాజాగా ఈ సినిమా సెన్సార్ పనులు కూడా ముగించుకుంది. సెన్సార్ బోర్డు వారు ఈ సినిమాకు యూ/ఏ సర్టిఫికెట్‌ను జారీ చేశారు. ఈ సినిమా యూత్‌ఫుల్ రొమాంటిక్ ఎంటర్‌టైనర్‌గా అన్ని వర్గాల ప్రేక్షకులను అలరించడంలో సక్సెస్ అవుతుందని సెన్సార్ సభ్యులు కితాబిచ్చినట్లుగా చిత్ర వర్గాలు చెబుతున్నాయి. ఇక ఇటీవల ఫీల్‌గుడ్ సినిమాల లోటును సమ్మతమే ఖచ్చితంగా తీరుస్తుందని వారు అన్నారట.

Sammathame: ‘బావ తాకితే’.. సత్యభామ సిగ్గుపడకుండా ఉండగలదా?!

సెన్సార్ బోర్డు నుండి మంచి ఫీడ్‌బ్యాక్ రావడంతో ఈ సినిమాను చూసేందుకు ఆడియెన్స్‌లో ఆసక్తి పెరిగింది. ఇక జూన్ 24న ఈ సినిమాను ప్రపంచవ్యాప్తంగా రిలీజ్ చేసేందుకు చిత్ర యూనిట్ రెడీ అవుతోంది. కాగా ఈ సినిమాను గీతా ఫిలిం డిస్ట్రిబ్యూటర్స్ ప్రపంచవ్యాప్తంగా భారీ స్థాయిలో రిలీజ్ చేస్తుండగా, యుజి ప్రొడక్షన్స్ ఈ చిత్రాన్ని ప్రొడ్యూస్ చేస్తున్నారు. ఇక ఈ సినిమాకు శేఖర్ చంద్ర సంగీతం మేజర్ అట్రాక్షన్‌గా నిలవనుంది.

Sammathame Censor

Sammathame Censor

×