KL Rahul : బాలీవుడ్ హీరోయిన్ తో స్టార్ క్రికెటర్ పెళ్లి.. త్వరలో..

తాజాగా ఓ బాలీవుడ్ హీరోయిన్ టీమిండియా క్రికెటర్ ని త్వరలోనే పెళ్లాడనుంది. బాలీవుడ్‌ సీనియర్‌ హీరో సునీల్ శెట్టి కుమార్తె, హీరోయిన్ అతియా శెట్టి ఇప్పటికే పలు.........

 

Athiya Shetty :  ఇటీవల బాలీవుడ్ లో వరుస పెళ్లిళ్లు జరుగుతున్నాయి. బాలీవుడ్ సెలబ్రిటీలంతా పెళ్ళిబాట పట్టారు. బాలీవుడ్ లో సీరియల్ యాక్టర్స్, చిన్న ఆర్టిస్టులే కాకుండా స్టార్లు కూడా ఒక్కటవుతున్నారు. కొద్ది నెలల క్రితమే కత్రికా కైఫ్-విక్కీ కౌశల్ వివాహం జరిగిన సంగతి తెలిసిందే. ఇటీవల బాలీవుడ్ లవ్ బర్డ్స్ అలియా-రణబీర్ పెళ్లి కూడా జరిగింది. తాజాగా బాలీవుడ్ లో మరో హీరోయిన్ పెళ్లి పీటలు ఎక్కనుంది. బాలీవుడ్-క్రికెట్ కి ఉన్న సంబంధం ఇప్పటిది కాదు. ఎప్పట్నుంచో బాలీవుడ్ భామలు క్రికెటర్లని ప్రేమించి పెళ్లాడిన సంఘటనలు ఉన్నాయి.

తాజాగా ఓ బాలీవుడ్ హీరోయిన్ టీమిండియా క్రికెటర్ ని త్వరలోనే పెళ్లాడనుంది. బాలీవుడ్‌ సీనియర్‌ హీరో సునీల్ శెట్టి కుమార్తె, హీరోయిన్ అతియా శెట్టి ఇప్పటికే పలు సినిమాల్లో హీరోయిన్ గా మెప్పించింది. అతియా శెట్టి చాలా కాలంగా టీమిండియా స్టార్ క్రికెటర్‌ కేఎల్‌ రాహుల్‌ తో ప్రేమలో ఉంది. వీరి ప్రేమ గురించి బాలీవుడ్ లో అందరికి తెలుసు. ఇప్పటికే వీరిద్దరూ కలిసి ట్రిప్స్ కి, పార్టీలకి వెళ్లి ఆ ఫోటోలని సోషల్ మీడియాలో కూడా షేర్ చేశారు.

The Warrior : శింబు పాటకి.. రామ్, కృతిశెట్టి బుల్లెట్ స్టెప్పులు..

అయితే కేఎల్ రాహుల్, అతియా శెట్టి త్వరలోనే త్వరలోనే పెళ్లి చేసుకోబోతున్నట్టు వార్తలు వస్తున్నాయి. చాలా కాలంగా రిలేషన్‌షిప్‌లో ఉన్న ఈ జంట ఈ సంవత్సరం వివాహ బంధంతో ఒక్కటి కానున్నారు. ఇప్పటికే ఈ పెళ్లికి పనులు మొదలు పెట్టారని, త్వరలోనే అధికారిక ప్రకటన ఉండొచ్చని సన్నిహితులు అంటున్నారు. సునీల్ శెట్టి ఫ్యామిలీ, కేఎల్ రాహుల్ ఇద్దరూ కూడా కర్ణాటకకు చెందిన వారే. దీంతో వీరి వివాహం కర్ణాటక సాంప్రదాయంలోనే జరగనున్నట్టు సమాచారం. మరి ఈ జంట ఎప్పుడు పెళ్లి పీటలెక్కుతుందో చూడాలి.