Mega 154 : సంక్రాంతికి కలుద్దాం అంటున్న మెగాస్టార్.. బాబీ డైరెక్షన్‌లో సినిమా రిలీజ్ డేట్ ఫిక్స్ ..

Mega 154 :  మెగాస్టార్ చిరంజీవి వరుస సినిమాలని లైన్ లో పెట్టిన సంగతి తెలిసిందే. దాదాపు అరడజను సినిమాలు మెగాస్టార్ చేతిలో ఉన్నాయి. 66 ఏళ్ళ వయసులో కూడా ఇప్పటి హీరోలకి పోటీ ఇస్తూ అదే స్టామినా, అదే గ్రేస్, అదే జోష్ తో సినిమాలు చేస్తున్నారు చిరంజీవి. ఇటీవల వచ్చిన ఆచార్య సినిమా నిరాశపరిచింది మెగా అభిమానులని. దీంతో వచ్చే సినిమాలపై మరింత ఫోకస్ పెడుతున్నారు.

ప్రస్తుతం మోహన్ రాజా దర్శకత్వంలో గాడ్ ఫాదర్, బాబీ డైరెక్షన్ లో ఒక సినిమా, మెహర్ రమేష్ దర్శకత్వంలో భోళా శంకర్.. మూడు సినిమాలు షూటింగ్ చేస్తున్నారు చిరంజీవి. గాడ్ ఫాదర్ ఆల్మోస్ట్ షూటింగ్ అయిపోవచ్చింది. ఈ సినిమాని ఇదే సంవత్సరంలో రిలీజ్ చేయడానికి ప్లాన్ చేయబోతున్నారు. ఇక మెగాస్టార్ 154వ మూవీ బాబీ డైరెక్షన్ లో తెరకెక్కుతుంది.

Bollywood Movies : మొన్నటిదాకా టాలీవుడ్.. ఇప్పుడు బాలీవుడ్.. రిలీజ్ డేట్స్ కోసం కొట్టుకుంటున్న మేకర్స్..

ఈ సినిమా చిరుకి బాగా కలిసొచ్చిన మాస్ యాక్షన్ లోనే తెరకెక్కుతుంది. సముద్రం, జాలర్లు పాయింట్ తో మాస్ సినిమాగా దీన్ని తెరకెక్కిస్తున్నారు బాబీ. ఈ సినిమాకి వాల్తేరు వీరయ్య అనే టైటిల్ అనుకుంటున్నారు. దీన్ని అధికారికంగా అనౌన్స్ చేయకపోయినా అందరూ ఇదే టైటిల్ పెడతారని భావిస్తున్నారు. తాజాగా ఈ సినిమా రిలీజ్ డేట్ ని అనౌన్స్ చేశారు. మెగాస్టార్ 154వ సినిమా సంక్రాంతికి రిలీజ్ కాబోతుంది. సంక్రాంతికి కలుద్దాం అంటూ ఓ పోస్టర్ ని రిలీజ్ చేశారు చిత్ర యూనిట్. దీంతో వచ్చే ఏడాది సంక్రాంతి రేసులో బాస్ కూడా చేరిపోయారు.