ఎన్టీఆర్‌తో సినిమా: డైరెక్టర్ మురుగదాస్ క్లారిటీ
- Published By: vamsi ,Published On : December 30, 2019 / 03:49 AM IST
తమిళ, తెలుగు ఇండస్ట్రీలో స్టార్ డైరెక్టర్‌గా ఉన్న మురుగుదాస్ ప్రస్తుతం ‘దర్బార్’ సినిమా రజినీకాంత్ హీరోగా చేస్తున్నారు. ఈ సినిమా ప్రపంచవ్యాప్తంగా జనవరి 9న విడుదలకు సిద్ధం అవుతుంది. ఈ క్రమంలోనే ప్రమోషన్ కార్యక్రమాలను వేగవంతం చేసింది చిత్ర యూనిట్. లేటెస్ట్‌గా ఈ సినిమా ప్రమోషన్‌లలో భాగంగా టాలీవుడ్ స్టార్ హీరో ఎన్టీఆర్‌తో సినిమాపై క్లారిటీ ఇచ్చాడు దర్శకుడు మురుగదాస్.
మురుగదాస్ దర్శకత్వంలో ఎన్టీఆర్ ఓ సినిమా తీసేందుకు ప్లాన్ చేసుకున్నాడు. దీనికి సంబంధించిన కథను కూడా ఎన్టీఆర్‌కు చెప్పాడు. అయితే ఈ సినిమా పట్టలేక్కలేదు. ఈ సినిమా ఉంటుదని మాత్రం సోషల్ మీడియాలో ఎప్పటికప్పుడు వార్తలు వైరల్ అవుతున్నాయి. ఈ క్రమంలోనే లేటెస్ట్‌గా జరిగిన ఇంటర్వ్యూలో పలు ఆసక్తికర విషయాలతో పాటు తెలుగులో చేయబోయే ప్రాజెక్ట్‌లపై స్పందించాడు.
ఎన్టీఆర్‌ను చాలా నెలల క్రితం ఒక కథతో కలిసిన మాట నిజమే. ఈ కథకు తారక్ ఓకే చెప్పినా.. ఇంకా సబ్జెక్ట్ మెటీరిలైజ్ కాలేదు. దాంతో ఆ సినిమా ఒద్దని అకున్నాం. ప్రస్తుతానికైతే ఎన్టీఆర్‌తో సినిమా లేకపోయినా.. భవిష్యత్తులో మంచి కథతో ఎన్టీఆర్‌ను డైరెక్ట్ చేస్తానని చెప్పుకొచ్చారు మురుగుదాస్. మురుగదాస్ తెలుగులో చిరంజీవితో ‘స్టాలిన్’, మహేష్ బాబు‌తో ‘స్పైడర్’ సినిమాలను తీశాడు.
