‘అమరం అఖిలం ప్రేమ’.. నాగబాబు, నిహారిక ఏమన్నారంటే..
Nagababu and Niharika about Amaram Akhilam Prema: విజయ్ రామ్, శివశక్తి సచ్దేవ్ జంటగా నటించిన చిత్రం ‘అమరం అఖిలం ప్రేమ’. చలన చిత్రాలు బ్యానర్పై వి.ఇ.వి.కె.డి.ఎస్.ప్రసాద్, విజయ్ రామ్ఈ చిత్రాన్ని నిర్మించారు. జోనాధన్ ఎడ్వర్డ్ దర్శకుడు. సెప్టెంబర్ 18న ఈ సినిమాను తెలుగు ఓటీటీ యాప్ ఆహాలో విడుదల చేస్తున్నారు.
ఇటీవల కింగ్ నాగార్జున చేతులమీదుగా విడుదల చేసిన ట్రైలర్కు మంచి స్పందన లభిస్తోంది. ఈ నేపథ్యంలో తాజాగా మెగా డాటర్ నిహారిక కొణిదెల, నాగబాబు ‘అమరం అఖిలం ప్రేమ’ ట్రైలర్పై చిత్ర యూనిట్తో కలిసి వీడియో కాల్ ద్వారా తమ స్పందనను పంచుకున్నారు.
తండ్రీ కూతుళ్ల అనుబంధం ఎంత మధురమైందో తెలియచేస్తూ రూపొందించిన ఈ చిత్రం ట్రైలర్ ఆకట్టుకుందని నాగబాబు అన్నారు.
నాన్న చిన్నప్పటినుంచి ఎటువంటి ఇబ్బందిలేకుండా పెంచారని డాడీ అంటే తనకు ఎంతో ఇష్టమని తెలుపుతూ చిత్రబృందానికి శుభాకాంక్షలు చెప్పారు నిహారిక.. విజయ్ రామ్, శివశక్తి సచ్దేవ్, శ్రీకాంత్ అయ్యంగార్ తదితరులు కూడా మాట్లాడారు.