NBK107: బాలయ్య సినిమా మ్యూజిక్ సిట్టింగ్.. దద్దరిల్లుతోందట!

NBK107: నందమూరి బాలకృష్ణ, దర్శకుడు గోపీచంద్ మలినేని దర్శకత్వంలో వస్తున్న క్రేజీ ప్రాజెక్ట్ NBK107 కోసం అభిమానులు ఎంతో ఆసక్తిగా చూస్తున్నారు. ఈ సినిమాను పూర్తి యాక్షన్ ఎంటర్‌టైనర్ మూవీగా దర్శకుడు గోపీచంద్ తెరకెక్కిస్తుండటంతో ఈ చిత్రంలో బాలయ్య ఎలాంటి పర్ఫార్మెన్స్ ఇస్తాడా అని అందరూ ఆతృతగా ఎదురుచూస్తున్నారు. అయితే ఇటీవల బాలయ్య పుట్టినరోజు సందర్భంగా ఈ సినిమా నుండి ఫస్ట్ హంట్ అంటూ ఓ టీజర్ వీడియోను రిలీజ్ చేశారు. ఈ టీజర్‌తో బాలయ్య మరోసారి తన సత్తా ఏమిటో చూపించాడు.

NBK107: బాలయ్య సినిమాకు అంత సమయమా..?

ఇక ఈ సినిమా ప్రస్తుతం శరవేగంగా షూటింగ్ జరుపుకుంటుండగా, ఈ చిత్రానికి సంబంధించి దర్శకుడు గోపీచంద్ ఓ ఇంట్రెస్టింగ్ అప్‌డేట్‌ను ఇచ్చాడు. ప్రస్తుతం ఈ సినిమాకు సంబంధించి మ్యూజిక్ సిట్టింగ్స్ జరుగుతున్నాయని దర్శకుడు గోపీచంద్ మలినేని తెలిపాడు. దీనికి సంబంధించి సంగీత దర్శకుడు థమన్, పాటల రచయిత రామజోగయ్య శాస్త్రీతో కలిసి దిగిన ఫోటోను సోషల్ మీడియా అకౌంట్‌లో పోస్ట్ చేశాడు. రామజోగయ్య శాస్త్రీ అద్భుతమైన లిరిక్స్‌కు అత్యద్భుతమైన సంగీతాన్ని థమన్ ఇస్తున్నట్లుగా ఆయన పేర్కొన్నారు.

NBK107: బాలయ్య అలాంటి డైలాగులు చెబుతాడా?

దీంతో బాలయ్య సినిమా కోసం థమన్ మరోసారి అదిరిపోయే సంగీతాన్ని అందిస్తున్నాడని.. ఈసారి కూడా థియేటర్లలో బాక్సులు బద్దలు కావాల్సిందే అని అభిమానులు అంటున్నారు. ఇక ఈ సినిమాలో బాలయ్య సరసన అందాల భామ శృతి హాసన్ నటిస్తుండగా, ఈ సినిమాను అతి త్వరలో రిలీజ్ చేసేందుకు చిత్ర యూనిట్ రెడీ అవుతోంది. మరి ఈసారి థమన్ ఇచ్చే మ్యూజిక్ ఎలా ఉంటుందో తెలియాలంటే ఈ సినిమాలోని పాటలు రిలీజ్ అయ్యే వరకు వెయిట్ చేయాల్సిందే.

#NBK107 🧿🎵⭐️ Loving our Super Energetic Compositions with My Baws & @ramjowrites For Our #NataSimham 🦁 @MythriOfficial pic.twitter.com/q3JzgavLQK

— Gopichandh Malineni (@megopichand) June 21, 2022