లాక్డౌన్ వేళ హ్యాట్రిక్ కొట్టిన నితిన్..
యంగ్ హీరో నితిన్ నటించిన మూడు సినిమాలు రికార్డ్ స్థాయి వ్యూస్ రాబట్టాయి..
యంగ్ హీరో నితిన్ నటించిన మూడు సినిమాలు రికార్డ్ స్థాయి వ్యూస్ రాబట్టాయి..
లాక్డౌన్ వేళ యంగ్ హీరో నితిన్ హ్యాట్రిక్ హిట్తో రికార్డ్ క్రియేట్ చేశాడు.సౌత్ ఇండియాలోనే అగ్రగామి మ్యూజిక్ కంపెనీగా కొనసాగుతున్న ఆదిత్య మ్యూజిక్ నిర్వహిస్తున్న ఆదిత్య మూవీస్ విభాగానికి సంబంధించిన యూట్యూబ్ ఛానల్లో అప్లోడ్ చేసిన వివిధ తెలుగు హీరోల, హిందీ డబ్బింగ్ సినిమాలకు భారీగా వ్యూస్ వస్తున్నాయి. తాజాగా హీరో నితిన్ నటించిన సూపర్ హిట్ సినిమాలు ‘అ..ఆ..’, ‘చల్ మోహన్ రంగ’, శ్రీనివాస కళ్యాణం హిందీ డబ్డ్ వెర్షన్కు ఓవరాల్గా 400 మిలియన్ల వ్యూస్ రావడం విశేషం. ఇందులో దాదాపు ‘అ..ఆ..’ కు 182 మిలియన్ల వ్యూస్, ‘అ..ఆ..2’ (ఛల్ మోహన్ రంగ హిందీ వెర్షన్) కు 112 మిలియన్ల వ్యూస్, ‘శ్రీనివాస కళ్యాణం’ కు 100 మిలియన్ల వ్యూస్ వచ్చాయి. నితిన్ నటించిన ఈ మూడు సినిమాలకి సంబంధించిన హిందీ డబ్బింగ్ రైట్స్ ఆదిత్య మూవీస్ వద్దే ఉన్నాయి. అలానే ఈ మూడు సినిమాలు నితిన్ కెరీర్లో వరుసగా రిలీజ్ అవ్వడం విశేషం.
ఈ సందర్భంగా సంస్ధ మేనేజింగ్ డైరెక్టర్ ఉమేశ్ గుప్తా మాట్లాడుతూ, ‘మా ఆదిత్య మూవీస్ ఛానల్ని విశేషంగా ఆదరిస్తున్న వ్యూయర్స్ అందరికీ నా ప్రత్యేక ధన్యవాదాలు తెలుపుకుంటున్నాను. త్రివిక్రమ్ గారి డైరెక్షన్లో నితిన్ హీరోగా వచ్చిన ‘అ ఆ’ సినిమాను హిందీలోకి డబ్బింగ్ చేయడంతోనే మా ఆదిత్య మూవీస్ మొదలైంది. సాధారణంగా యాక్షన్ మూవీస్ ఇష్టపడే నార్త్ ఆడియన్స్, ‘అ ఆ’ వంటి ఫ్యామిలీ ఎంటర్టైనర్ను విశేషంగా ఆదరించారు. అనూహ్యంగా ‘అ ఆ’ తరువాత కూడా నితిన్ నుంచి వచ్చిన ‘చల్ మోహన్ రంగా’, ‘శ్రీనివాస కళ్యాణం’ సినిమాలకి భారీ స్పందన లభించడం విశేషం’ అని తెలిపారు.
నితిన్ హీరోగా ఎంట్రీ ఇచ్చిన దగ్గర నుంచి ఆయన నటించిన సినిమాల్లో దాదాపు 19 సినిమాలు ఆడియో రైట్స్ ఆదిత్య మ్యూజిక్ ద్వారానే రిలీజ్ చేయడం జరిగిందని, వాటిలో ‘జయం’, ‘దిల్’, ‘సై’, ‘ఇష్క్’, ‘అ ఆ’, ‘భీష్మ’ వంటి బ్లాక్ బస్టర్స్ ఉన్నాయి, ఇన్నేళ్లుగా మా సంస్థపై నమ్మకం ఉంచుతూ వస్తున్న నితిన్ గారికి ఈ సందర్భంగా ప్రత్యేకంగా కృతజ్ఞతలు, అభినందనలు తెలుపుతున్నాను అన్నారు. డైరెక్టర్ ఆదిత్య గుప్తా మాట్లాడుతూ.. ‘మమల్ని ఆదిరిస్తున్న అన్ని వర్గాల ప్రేక్షకులకి మేము ఎల్లప్పుడూ రుణపడి ఉంటాము. అలానే మమల్ని నమ్మి మాకు అవకాశం ఇచ్చిన హీరో నితిన్ గారికి, దర్శక నిర్మాతలకు నా అభినందనలు, ధన్యవాదాలు’ అని అన్నారు.