NTR30: అభిమానులు ఎప్పుడెప్పుడా అని ఎంతో కాలంగా ఎదురుచూస్తున్న అప్డేట్ను యంగ్ టైగర్ ఎన్టీఆర్ ఎట్టకేలకు ఇచ్చేశాడు. దర్శకుడు కొరటాల శివతో కలిసి తారక్ తన కెరీర్లో 30వ చిత్రంగా తెరకెక్కిస్తున్న మూవీని అనౌన్స్ చేసి చాలా రోజులు అవుతున్నా, ఈ సినిమా పట్టాలెక్కలేదు. దీంతో ఈ సినిమా గురించి ఏదైనా అప్డేట్ కావాలంటూ ఎన్టీఆర్ ఫ్యాన్స్ సోషల్ మీడియాలో రచ్చ చేస్తున్నారు. ఇటీవల ఇదే విషయంపై తారక్ స్వయంగా ఓ ఈవెంట్లో ప్రస్తావించాడు కూడా.
NTR30: ఎన్టీఆర్ సినిమా ఓపెనింగ్కు ఆ స్టార్ యాక్టర్ వస్తున్నాడా..?
అయితే, ఇప్పుడు అభిమానులకు అదిరిపోయే గుడ్ న్యూస్ ఇచ్చారు చిత్ర యూనిట్. ఈ ప్రాజెక్ట్కు సంబంధించిన ముహూర్తం ఎప్పుడనే విషయంపై చిత్ర యూనిట్ క్లారిటీ ఇచ్చింది. ఎన్టీఆర్ 30వ చిత్రానికి మార్చి 23న ముహూర్తం ఫిక్స్ చేసింది కొరటాల అండ్ టీమ్. ఈ మేరకు ఓ పవర్ఫుల్ పోస్టర్తో ఈ అనౌన్స్మెంట్ చేశారు. సముద్రం నేపథ్యంలో సాగే కథగా ఈ సినిమాను దర్శకుడు కొరటాల చాలా ప్రతిష్టాత్మకంగా తెరకెక్కించనుండగా, ఈ సినిమాలో తారక్ పాత్ర అల్టిమేట్గా ఉంటుందని చిత్ర యూనిట్ అంటోంది. ఇక ఈ సినిమాను క్వాలిటీ పరంగా ఆర్ఆర్ఆర్ను మించి ఉండేలా ప్రయత్నిస్తామని తారక్ ఇటీవల హాలీవుడ్ మీడియాతో వెల్లడించాడు.
NTR30: తన నెక్ట్స్ మూవీపై ఎన్టీఆర్ కామెంట్స్.. ‘ఆర్ఆర్ఆర్’ను మ్యాచ్ చేస్తామంటోన్న తారక్!
దీంతో ఈ సినిమాపై అంచనాలు ఓ రేంజ్లో సెట్ కాగా, పాన్ ఇండియా మూవీగా ఈ సినిమాతో తారక్ సరికొత్త రికార్డులు క్రియేట్ చేయడం ఖాయమని చిత్ర యూనిట్తో పాటు అభిమానులు కూడా ధీమా వ్యక్తం చేస్తున్నారు. తమిళ మ్యూజిక్ సెన్సేషన్ అనిరుధ్ రవిచందర్ ఈ సినిమాకు సంగీతాన్ని ఇస్తుండగా, రత్నవేలు సినిమాటోగ్రఫీ అందిస్తున్నాడు. ఎన్టీఆర్ ఆర్ట్స్, యువ సుధా ఆర్ట్స్ బ్యానర్లు సంయుక్తంగా ఈ సినిమాను అత్యంత భారీ బడ్జెట్తో ప్రొడ్యూస్ చేయనున్నాయి. కాగా, ఈ సినిమా ముహూర్తానికి బాలీవుడ్ స్టార్ యాక్టర్ సైఫ్ అలీ ఖాన్ రానున్నట్లు చిత్ర వర్గాల్లో టాక్ వినిపిస్తోంది.
Storm alert ⚠️#NTR30 Muhurtam on March 23rd 💥💥@tarak9999 #JanhviKapoor #KoratalaSiva @NANDAMURIKALYAN @anirudhofficial @RathnaveluDop @sreekar_prasad @sabucyril @YuvasudhaArts pic.twitter.com/hD7O9Kh675
— NTR Arts (@NTRArtsOfficial) March 18, 2023