Parampara 2: సందడిగా సాగిన ‘పరంపర 2’ ప్రీ-రిలీజ్ కార్యక్రమం

డిస్నీప్లస్ హాట్‌స్టార్‌లో ఘన విజయం సాధించిన వెబ్ సిరీస్ 'పరంపర' సీజన్ 2కు రెడీ అవుతోంది. ఈ వెబ్ సిరీస్‌లో జగపతి బాబు, శరత్‌కుమార్, నవీన్ చంద్ర కీలక పాత్రల్లో నటించారు. ఎల్.కృష్ణ విజయ్, అరిగెల విశ్వనాథ్‌ల దర్శకత్వంలో ఈ వెబ్ సిరీస్ తెరకెక్కింది. శోభు యార్లగడ్డ, ప్రసాద్ దేవినేని ఈ సిరీస్‌ను నిర్మించారు.

Parampara2: డిస్నీప్లస్ హాట్‌స్టార్‌లో ఘన విజయం సాధించిన వెబ్ సిరీస్ ‘పరంపర’ సీజన్ 2కు రెడీ అవుతోంది. ఈ వెబ్ సిరీస్‌లో జగపతి బాబు, శరత్‌కుమార్, నవీన్ చంద్ర కీలక పాత్రల్లో నటించారు. ఎల్.కృష్ణ విజయ్, అరిగెల విశ్వనాథ్‌ల దర్శకత్వంలో ఈ వెబ్ సిరీస్ తెరకెక్కింది. శోభు యార్లగడ్డ, ప్రసాద్ దేవినేని ఈ సిరీస్‌ను నిర్మించారు. పొలిటికల్, రివెంజ్, యాక్షన్ థ్రిల్లర్‌గా ఈ సిరీస్‌ను రూపొందించారు. ఈ కొత్త సిరీస్ ఈ నెల 21వ తేదీ నుంచి స్ట్రీమింగ్ కాబోతోంది. తాజాగా ఈ వెబ్ సిరీస్ ప్రీ-రిలీజ్ కార్యక్రమాన్ని హైదరాబాద్‌లో నిర్వహించారు.

ఈ సందర్భంగా దర్శకుడు అరిగెల విశ్వనాథ్ మాట్లాడుతూ.. పరంపర-2లో మరింత యాక్షన్, డ్రామాను చూస్తారు. గోపీ పాత్రలో నవీన్ చంద్ర పర్ఫార్మెన్స్ ఆకట్టుకుంటుందని.. నిజ జీవితంలో గోపీ లక్షణాలు ఏమాత్రం లేని వ్యక్తి నవీన్ చంద్ర అని.. అతనితో పనిచేయడం సంతోషంగా ఉందని.. రెండేళ్ల కిందట నుంచి ఈ వెబ్ సిరీస్ ప్లానింగ్‌లో ఉన్నామని అన్నారు. ఫైనల్‌గా ఇప్పుడు సెకండ్ సీజన్‌తో మీ ముందుకు వస్తున్నాం. నవీన్ చంద్ర క్యారెక్టర్ మాత్రమే కాదు శరత్ కుమార్, జగపతిబాబు, రవివర్మ, ఆకాంక్ష సింగ్, దివి.. ఇలా మిగతా క్యారెక్టర్స్ కూడా ప్రేక్షకులను ఆకట్టుకుంటాయని.. ఆర్కా మీడియాకు బాహుబలి 2 ఎంత పెద్ద సక్సెస్ ఇచ్చిందో, పరంపర-2 కూడా అంతే పెద్ద సక్సెస్ ఇస్తుందని డైరెక్టర్ అన్నారు.

Parampara: రామ్ చరణ్ చేతుల మీదుగా ‘పరంపర’ 2 వెబ్ సిరీస్ ట్రైలర్ విడుదల

నటుడు రవి వర్మ మాట్లాడుతూ.. ‘‘ఈ వెబ్ సిరీస్‌లో మంచి క్యారెక్టర్ చేశాను. ఒక నటుడికి కావాల్సింది సహనటుల ప్రోత్సాహం. నవీన్ చంద్ర నుంచి నాకు ప్రతిసారీ అలాంటి ప్రోత్సాహం అందుతూనే ఉంది. అతనితో కలిసి నటించడాన్ని ఎంజాయ్ చేశానని అన్నారు. ఇక నటి, బిగ్ బాస్ ఫేం దివి మాట్లాడుతూ.. నా క్యారెక్టర్ ఇందులో స్పెషల్‌గా ఉంటుంది. వెబ్ సిరీస్ చివర్లో నా పాత్ర ఇంపార్టెన్స్ ఏంటో తెలుస్తుంది. బిగ్ బాస్ తర్వాత మంచి ప్రాజెక్ట్స్ చేద్దాం అనుకుంటున్న టైమ్‌లో డిస్నీఫ్లస్ హాట్‌స్టార్ నుంచి ఈ వెబ్ సిరీస్ ఆఫర్ వచ్చింది. ఇది నాకు మంచి గుర్తింపును తీసుకొస్తుందని నమ్ముతున్నాను’’ అని చెప్పుకొచ్చింది.

ఇక హీరోయిన్ ఆకాంక్ష సింగ్ మాట్లాడుతూ.. ‘‘రచన అనే పాత్రలో నటించే అవకాశం రావడం అదృష్టంగా భావిస్తున్నా. తెలుగులో నేను నటించిన చిత్రాలు కొన్నే. అయినా నాపై నమ్మకం ఉంచి అవకాశం ఇచ్చినందుకు ఆర్కా మీడియాకు థాంక్స్. నా పాత్ర గురించి చెప్పినప్పుడు చాలా సంతోషంగా అనిపించింది. చాలా ఎమోషన్స్, వేరియేషన్స్ ఉన్న పాత్ర నాది. నేనే రచన అనుకుని ఇందులో నటించాను. పరంపర-2 అంటే గోపీ, రచన మాత్రమే కాదు, ఇంకా చాలా ఉంది. వెబ్ సిరీస్‌లో చూసి ఎంజాయ్ చేయండి.’’ అంటూ చెప్పుకొచ్చింది. ఇక హీరో నవీన్ చంద్ర మాట్లాడుతూ.. ‘‘పరంపర సీజన్ 1 వెజ్ థాలి అయితే, పరంపర 2 నాన్-వెజ్ మీల్స్. మరింత డ్రామా, యాక్షన్, రివేంజ్ చూస్తారు. సీజన్ 2 స్ట్రీమింగ్‌కు కొద్ది రోజులే ఉంది. కాబట్టి మొదటి సీజన్ చూసేయండి, అప్పుడు మీకు సెకండ్ సీజన్ క్లియర్‌గా అర్థమవుతుంది. అలాగే ఫస్ట్ సీజన్‌లో మీకు ఏ అంశాలైతే మిస్ అయ్యాయి అనిపించాయో, వాటికి సీజన్-2లో సమాధానం దొరుకుతుంది.’’ అని తెలిపాడు.