Deepika Padukone: దీపికా ఆరోగ్యంపై అశ్వినీ దత్ క్లారిటీ..ఏమన్నారంటే?

Deepika Padukone: యంగ్ రెబల్ స్టార్ ప్రభాస్ మహానటి ఫేం దర్శకుడు నాగ్ అశ్విన్ డైరెక్షన్‌లో నటిస్తున్న లేటెస్ట్ మూవీ ‘ప్రాజెక్ట్-K’ పేరుతో తెరకెక్కుతోన్న సంగతి తెలిసిందే. ఈ సినిమాను పూర్తి సైన్స్ ఫిక్షన్ సినిమాగా చిత్ర యూనిట్ తెరకెక్కిస్తుండగా, ఈ చిత్రంలో బాలీవుడ్ బ్యూటీ దీపికా పదుకొనే హీరోయిన్‌గా నటిస్తోంది. అయితే ఈ సినిమా షూటింగ్ ప్రస్తుతం హైదరాబాద్‌లోని రామోజీ ఫిలిం సిటీలో జరుగుతుండగా, ఇటీవల హీరోయిన్ దీపికా పదుకొనే అనారోగ్యం బారిన పడటంతో హుటాహుటిన ఆమెను కామినేని ఆస్పత్రిలో జాయిన్ చేశారని.. ఆ తరువాత డిశ్చార్జ్ చేశారని వార్తలు వినిపించాయి.

Deepika Padukone : అక్కడ చిన్న చిన్న వేషాలు వేయడం కంటే ఇక్కడ మంచి నటిగా చేయడం బెటర్..

ఇక ఈ వార్తలపై సోషల్ మీడియాలో పలు రకాల పుకార్లు షికారు చేశాయి. కాగా.. తాజాగా దీపికా పదుకొనే ఆస్పత్రిలో జాయన్ అవ్వడంపై ప్రాజెక్ట్-K చిత్ర నిర్మాత అశ్వినీ దత్ క్లారిటీ ఇచ్చారు. దీపికా బీపీ సమస్యతో బాధపడుతుంటే, ఆమెను కేవలం సాధారణ చెకప్ కోసం ఆసుపత్రికి తీసుకెళ్లామని.. ఆ తరువాత ఓ గంట వ్యవధిలోనే ఆమె తిరిగి షూటింగ్‌లో జాయిన్ అయ్యిందని ఆయన అన్నారు. ప్రస్తుతం ఆమె ఎలాంటి ఆరోగ్య సమస్యతో బాధపడటం లేదని, సోషల్ మీడియాలో వస్తున్న వార్తలను నిజం తెలియకుండా నమ్మొద్దని ఆయన అభిమానులను కోరారు.

ProjectK: అందరికీ ఇదే డ్రీమ్ ప్రాజెక్ట్.. ట్వీట్స్ తో అట్రాక్ట్ చేసిన స్టార్స్!

ప్రస్తుతం దీపికా ప్రాజెక్ట్-K చిత్ర షూటింగ్‌లో ఉత్సాహంగా పనిచేస్తోందని, ఈ సినిమా షూటింగ్‌లో ఆమెతో పాటు బిగ్ బి అమితాబ్ బచ్చన్ కూడా పాల్గొంటున్నారని నిర్మాత తెలిపారు. ఈ సినిమాలో ప్రభాస్ సరికొత్త లుక్‌లో కనిపిస్తాడని, భారీ బడ్జెట్‌తో ఈ సినిమాను పాన్ ఇండియా మూవీగా తెరకెక్కిస్తున్నట్లు చిత్ర యూనిట్ పేర్కొంది.