Ranveer Singh : బాలీవుడ్ స్టార్ హీరో సినిమా సెట్‌లో పూరి, ఛార్మి..
ఛార్మి రణవీర్ తో దిగిన ఫోటోని షేర్ చేస్తూ.. ''రాకీ ఔర్ రాణి కి ప్రేమ్ కహానీ సెట్స్‌లో మీ ఎనర్జీ మరియు బాండింగ్ తో మా పై అద్భుతమైన వైబ్ చూపించారు రణవీర్ సింగ్. ఇక కరణ్ జోహార్.......
- Published By: 10TV Digital Team ,Published On : April 4, 2022 / 11:59 AM IST
Puri
Ranveer Singh : ఇటీవల కాలంలో పూరి జగన్నాధ్, ఛార్మి బాలీవుడ్ చుట్టే తిరుగుతున్నారు. విజయ్ హీరోగా ‘లైగర్’ సినిమా తెరకెక్కిస్తున్న సంగతి తెలిసిందే. దీనికి బాలీవుడ్ అగ్ర దర్శక,నిర్మాత కరణ్ జోహార్ కూడా నిర్మాతగా ఉండటంతో బాలీవుడ్ లో వీరు బాగా నాటుకుపోతున్నారు. బాలీవుడ్ ఫంక్షన్స్ కి వెళ్తూ అందరితో సంబంధాలు పెంచుకుంటున్నారు. ఇటీవల విజయ్ హీరోగా అనౌన్స్ చేసిన ఇంకో సినిమాకి కూడా బాలీవుడ్ నిర్మాతలు ఉన్నారు. ఇలా పూరి, ఛార్మీలు బాలీవుడ్ లో పాతుకుపోవాలని చూస్తున్నారు.
కరణ్ జోహార్ కూడా పూరికి, ఛార్మికి వెనక ఉండి అన్ని విషయాల్లోనూ సపోర్ట్ ఇస్తున్నాడు. ప్రస్తుతం కరణ్ బాలీవుడ్ స్టార్ హీరో రణవీర్ సింగ్ హీరోగా ‘రాకీ ఔర్ రాణి కి ప్రేమ్ కహానీ’ అనే సినిమాని డైరెక్ట్ చేస్తున్నాడు. ప్రస్తుతం ఈ సినిమా షూటింగ్ లో ఉంది. దీంతో ఈ సినిమా సెట్ కి పూరి, ఛార్మిలు వెళ్లి అక్కడ కరణ్ జోహార్ తో పాటు రణవీర్ సింగ్ ని కూడా కలిశారు. కరణ్, రణవీర్ వీరికి మంచి ఆతిధ్యం ఇచ్చారు. ఈ సందర్భంగా వీరంతా కలిసి ఫోటోలు దిగారు.
Piyush Goyal : ‘ఆర్ఆర్ఆర్’ సినిమాపై సెంట్రల్ మినిస్టర్ పొగడ్తలు.. రిప్లై ఇచ్చిన ‘ఆర్ఆర్ఆర్’ టీం
ఈ ఫోటోలను ఛార్మి తన సోషల్ మీడియాలో పోస్ట్ చేసింది. ఛార్మి రణవీర్ తో దిగిన ఫోటోని షేర్ చేస్తూ.. ”రాకీ ఔర్ రాణి కి ప్రేమ్ కహానీ సెట్స్‌లో మీ ఎనర్జీ మరియు బాండింగ్ తో మా పై అద్భుతమైన వైబ్ చూపించారు రణవీర్ సింగ్. ఇక కరణ్ జోహార్ మీరు ఈ సినిమాతో ఖచ్చితంగా హిట్ కొడుతున్నారు” అంటూ పోస్ట్ చేసింది. ఇప్పుడు ఈ ఫోటో సోషల్ మీడియాలో వైరల్ అవుతుంది. మొత్తానికి పూరి, ఛార్మి మాత్రం మెల్లిగా బాలీవుడ్ లో సెట్ అయిపోతున్నారు. ఇప్పటికే ముంబైకి మకాం కూడా మార్చారు.
