Chandramukhi2: అఫీషియల్.. చంద్రముఖి సీక్వెల్‌లో లారెన్స్ ఎంట్రీ!

Chandramukhi2: తమిళ సూపర్ స్టార్ రజినీకాంత్ నటించిన ‘చంద్రముఖి’ చిత్రం అప్పట్లో ఎలాంటి సెన్సేషన్ క్రియేట్ చేసిందో అందరికీ తెలిసిందే. ఈ సినిమాలో రజినీతో పాటు జ్యోతిక, నయనతార కూడా అదిరిపోయే పర్ఫార్మెన్స్‌లు ఇచ్చి ఈ సినిమా విజయంలో కీలక పాత్రలు పోషించారు. ఇక దాదాపు ఏడేళ్ల తరువాత చంద్రముఖి సినిమాకు సీక్వెల్ చిత్రాన్ని తెరకెక్కించేందుకు చిత్ర యూనిట్ రెడీ అవుతోంది. అయితే ఈ సీక్వెల్ సినిమాలో ఈసారి హీరో మారిపోయాడు.

Raghava Lawrence : తమ్ముడితో లారెన్స్ సినిమా

‘చంద్రముఖి 2’ చిత్రాన్ని తాజాగా అనౌన్స్ చేసింది ప్రముఖ నిర్మాణ సంస్థ లైకా ప్రొడక్షన్స్. దర్శకుడు పి.వాసు మరోసారి ఈ హార్రర్ థ్రిల్లర్ సినిమాను తెరకెక్కించేందుకు రెడీ అవుతుండగా, ఈ సినిమాలో హీరోగా రాఘవ లారెన్స్ నటిస్తున్నట్లు చిత్ర యూనిట్ అఫీషియల్‌గా అనౌన్స్ చేసింది. ఈ సినిమాలో తమిళ కమెడియన్ వడివేలు మరోసారి తన కామెడీతో ప్రేక్షకులను కడుపుబ్బా నవ్వించేందుకు రెడీ అవుతుండటంతో ఈ సీక్వెల్ మూవీ ఎప్పుడెప్పుడు వస్తుందా అని అప్పుడే అంచనాలు క్రియేట్ అవుతున్నాయి.

లారెన్స్ కూడా ఇలాంటి జోనర్ సినిమాలు బోలెడు చేయడంతో, ఈసారి చంద్రముఖి సీక్వెల్‌లోనూ ఆయన అదరగొట్టడం ఖాయమని చిత్ర వర్గాలు అంటున్నాయి. ఇక ఈ సినిమాకు ఎంఎం.కీరవాణి సంగీతం అందిస్తుండటం విశేషం. కాగా.. ఈ సినిమాకు తోట తరణి, ఆర్.డి.రాజశేఖర్ వంటి టెక్నీషియన్స్ పనిచేస్తుండటంతో ఈ సినిమా ఎలాంటి విజువల్ ట్రీట్‌గా రాబోతుందా అని అందరూ ఆసక్తిగా చూస్తున్నారు. మరి ఈసారి చంద్రముఖి పాత్రలో ఎవరు నటిస్తారా.. సారీ.. భయపట్టిస్తారా.. అనేది ఇంకా తెలియాల్సి ఉంది.

Positive Vibes ✨ & Happy Faces 😇 all around #Chandramukhi2 🗝️✨

Starring @offl_Lawrence & Vaigaipuyal #Vadivelu 😎
Directed by #PVasu 🎬
Music by @mmkeeravaani 🎶
Cinematography by @RDRajasekar 🎥
Art by #ThottaTharani 🎨
PRO @proyuvraaj 🤝🏻 pic.twitter.com/pf57zgJ7xC

— Lyca Productions (@LycaProductions) June 14, 2022