టీడీపీ ఫ్యూచర్ లోకేష్ కాదు ఎన్‌టీఆర్: నేడే నిర్ణయం 

  • Published By: vamsi ,Published On : April 3, 2019 / 03:34 AM IST
టీడీపీ ఫ్యూచర్ లోకేష్ కాదు ఎన్‌టీఆర్: నేడే నిర్ణయం 

లక్ష్మీస్ ఎన్టీఆర్ సినిమాతో టీడీపీ అధినేత చంద్రబాబుపై  విమర్శలు ఎక్కుపెట్టిన రామ్ గోపాల్ వర్మ.. చంద్రబాబు కుమారుడు నారా లోకేష్ గురించి సంచలన ట్వీట్లు చేశారు.  టీడీపీకి వారసుడిగా లోకేష్‌ని ప్రజెంట్ చేస్తుంటే.. నారా లోకేష్ ఓ అబద్ధం అంటూ వర్మ విమర్శలు గుప్పించారు. టీడీపీకి అసలైన ఫ్యూచర్ జూనియర్ ఎన్టీఆరే అంటూ వర్మ చెప్పుకొచ్చాడు. అంతేకాదు… తారక్‌తో పాటూ… నిజాయితీ గల ఎన్టీఆర్ ఫ్యాన్స్ అంతా… లక్ష్మీస్ ఎన్టీఆర్ సినిమా చూసిన తర్వాతే ఓటు వెయ్యాలని కోరాడు.

ఇదిలా ఉంటే..  లక్ష్మీస్ ఎన్టీఆర్ సినిమా విడుదలపై స్టే రావడంతో చిత్ర డిస్ట్రిబ్యూటర్లు హైకోర్టు మెట్లెక్కారు. ఈ క్రమంలో ఇవాళ(3 ఏప్రిల్ 2019) సినిమాను చూసిన తర్వాత న్యాయమూర్తులు ఏపీలో విడుదల చేయాలా? వద్దా? అనే విషయమై నిర్ణయం తీసుకునే అవకాశం ఉంది. ఆంధ్రప్రదేశ్‌లో అసెంబ్లీ, లోక్ సభ ఎన్నికలు జరిగేవరకు అంటే ఏప్రిల్ 11 వరకూ ఆగమని న్యాయమూర్తులు చెబితే మాత్రం మరో వారం సినిమాకి బ్రేక్ పడే అవకాశం ఉంది.