Ram Pothineni: ఎట్టకేలకు ముగించేసిన వారియర్!

Ram Pothineni: యంగ్ అండ్ ఎనర్జిటిక్ హీరో రామ్ పోతినేని నటిస్తున్న లేటెస్ట్ మూవీ ‘ది వారియర్’ ఇప్పటికే ప్రేక్షకుల్లో మంచి బజ్‌ను క్రియేట్ చేసింది. ఈ సినిమాలో రామ్ సరికొత్త లుక్‌లో కనిపించడమే కాకుండా, తొలిసారి పోలీస్ ఆఫీసర్ పాత్రలో నటిస్తుండటంతో ఈ సినిమాను ఎప్పుడెప్పుడు చూద్దామా అని ఆడియెన్స్ ఆతృతగా ఉన్నారు.

Ram Pothineni: బులెట్ సాంగ్‌ను పట్టుకొస్తున్న వారియర్!

ఇక ఈ సినిమాను తమిళ దర్శకుడు లింగుస్వామి తెరకెక్కిస్తుండటంతో, సినిమాలో మంచి కంటెంట్ ఖాయమనే నిర్ణయానికి వచ్చేశారు ప్రేక్షకులు. అయితే ఈ సినిమా షూటింగ్ చాలా ఆలస్యంగా సాగుతుండటంతో, ఈ సినిమాను ఎప్పుడెప్పుడు పూర్తి చేస్తారా అని అందరూ అనుకున్నారు. కానీ, తాజాగా ఈ సినిమా షూటింగ్‌ను చిత్ర యూనిట్ ముగించింది. ఓ సాంగ్ చిత్రీకరణతో ఈ సినిమా షూటింగ్‌కు గుమ్మడికాయ కొట్టేశారు.

The Warriorr: ఇస్మార్ట్ రామ్‌తో మాస్ లింగుస్వామి.. కసి మొత్తం చూపించేస్తారా?

ఈ సినిమాలో రామ్ పర్ఫార్మెన్స్ మరో లెవెల్‌లో ఉండబోతుందని, ఈ సినిమా ప్రేక్షకులను ఖచ్చితంగా అలరిస్తుందని చిత్ర యూనిట్ ధీమా వ్యక్తం చేస్తోంది. ఇక ఈ సినిమాలో అందాల భామ కృతి శెట్టి హీరోయిన్‌గా నటిస్తుండటంతో ఈ కాంబినేషన్ ఎలా ఉంటుందా అనే ఆసక్తి అందరిలో నెలకొంది. ఇప్పటికే ఈ సినిమా నుండి రిలీజ్ అయిన బుల్లెట్ పాట ఎంతటి సెన్సేషన్ క్రియేట్ చేసిందో అందరికీ తెలిసిందే. ఇక ఈ సినిమాను జూలై 14న ప్రపంచవ్యాప్తంగా గ్రాండ్‌గా రిలీజ్ చేసేందుకు చిత్ర యూనిట్ ప్లాన్ చేస్తోంది.