Samantha Akkineni: సామ్ మరో పాన్ ఇండియా వెబ్ సిరీస్?

Samantha Akkineni: సమంత అక్కినేని చైతూతో పెళ్లి తర్వాత ఒకవైపు సెలక్టివ్ సినిమాలు చేస్తూనే ఫ్యూచర్ పక్కాగా ప్లాన్ చేస్తున్నట్లు కనిపిస్తుంది. హీరోయిన్ గా బిజీగా ఉన్న సమయంలోనే ఆహా ఓటీటీ ద్వారా బుల్లితెర మీద ఎంట్రీ ఇచ్చిన ఈ అక్కినేని కోడలు ఇప్పుడు ట్రెండ్ కి తగ్గట్లు వెబ్ సిరీస్ ల మీద కూడా దృష్టిపెట్టినట్లు తెలుస్తుంది. తాజాగా సామ్ నటించిన ది ఫ్యామిలీ మాన్ 2 నటిగా తన స్థాయిని పెంచింది అనడంలో ఏ మాత్రం సంకోచం లేదు. ఈ వెబ్ సిరీస్ తోనే సామ్ బాలీవుడ్ లో కూడా మంచి మార్కులు కొట్టేసింది.

కాగా ఇప్పుడు ఫ్యామిలీ మాన్ దారిలోనే సామ్ మరో పాన్ ఇండియా స్థాయి వెబ్ సిరీస్ చేయనున్నట్లు తెలుస్తుంది. దిగ్గజ స్ట్రీమింగ్ సంస్థ ఫ్లిక్స్ ప్లాన్ చేస్తున్న ఈ మల్టీ లాంగ్వేజెస్ సిరీస్ లో సామ్ నటించడం ఆల్ మోస్ట్ కన్ఫర్మ్ అయినట్లు ఇండస్ట్రీలో టాక్ నడుస్తుంది. ఈ సిరీస్ కోసం ఇప్పటికే సామ్ ను సంప్రదించగా ఆమె కూడా ఈ సిరీస్ లో నటించేందుకు సిద్ధంగా ఉందని తెలిసింది. హిందీ, తమిళంతో పాటు తెలుగులో కూడా తెరకెక్కనున్న ఈ సిరీస్ లో కూడా సామ్ పాత్ర తన రేంజ్ ని మరింత పెంచేలా ఉంటుందని చెప్తున్నారు. కాగా సామ్ ప్రస్తుతం తెలుగులో ‘శాకుంతలం’తో పాటు తమిళంలో ‘కాతు వాకుల రెండు కాదల్’ సినిమాలలో నటిస్తుంది.