Hello Meera : ఒకేఒక్క క్యారెక్టర్‌తో సస్పెన్స్ థ్రిల్లర్ సినిమా ‘హలో మీరా’.. రిలీజ్ డేట్ అనౌన్స్..

ఒకేఒక పాత్రతో తెరకెక్కుతున్న సినిమా హలో మీరా. ఇందులో గార్గేయి యల్లాప్రగడ ఆ ఒక్క పాత్రలో నటిస్తుంది. సస్పెన్స్ థ్రిల్లర్ గా ఈ సినిమా తెరకెక్కుతుంది.

Hello Meera : ఒకేఒక్క క్యారెక్టర్‌తో సస్పెన్స్ థ్రిల్లర్ సినిమా ‘హలో మీరా’.. రిలీజ్ డేట్ అనౌన్స్..

Single Character suspense and thriller Movie Hello Meera releasing on April 21st

Hello Meera :  ఒక సినిమా అంటే ఎన్నో రకాలు పాత్రలు, ఎన్నో విభిన్న కారెక్టర్లుంటాయి. అలా ఉంటేనే సినిమాను ప్రేక్షకులు ఎంజాయ్ చేస్తారని, రెండున్నర గంటలు ఎంటర్టైన్ చేయొచ్చని అంతా అనుకుంటారు. కానీ పరిమితమైన పాత్రలతోనూ అద్భుతాలు చేయొచ్చని ఇది వరకు ఎన్నో సార్లు నిరూపితమైంది. అయితే ఇప్పుడు తెలుగులో మరో ప్రయత్నంగా గార్గేయి యల్లాప్రగడ ప్రధాన పాత్రలో ‘హలో మీరా’ అనే సినిమా రాబోతోంది. ఒకే ఒక పాత్రతో సినిమాను తెరకెక్కించడం సాహసమనే చెప్పాలి.

ఆ సాహసాన్ని ‘హలో మీరా’ అంటూ ముందుకు తీసుకొస్తున్నారు డైరెక్టర్ కాకర్ల శ్రీనివాసు. ప్రముఖ దర్శకులు శ్రీ బాపు గారితో పలు సినిమాలకు సహ దర్శకునిగా పనిచేసిన అనుభవాన్ని రంగరించి ఈ ‘హలో మీరా’ సినిమాతో ప్రేక్షకులకు పరిచయం కాబోతున్నారు కాకర్ల శ్రీనివాసు. లూమియర్ సినిమా బ్యానర్‌పై జీవన్ కాకర్ల సమర్పణలో.. డా. లక్ష్మణరావు దిక్కల, వరప్రసాదరావు దుంపల, పద్మ కాకర్ల ఈ సినిమాను నిర్మించారు.

ఇప్పటికే ఈ సినిమా నుంచి విడుదల చేసిన టీజర్, ట్రైలర్, పాటలు, పోస్టర్లు అన్నీ కూడా సోషల్ మీడియాలో ఆడియెన్స్‌ను ఆకట్టుకున్నాయి. సస్పెన్స్ థ్రిల్లర్ గా తెరకెక్కుతున్న హలో మీరా మీద మంచి బజ్ క్రియేట్ అయిన సంగతి తెలిసిందే. అయితే తాజాగా ఈ మూవీకి సంబంధించిన అప్డేట్ వచ్చింది. తాజాగా ఈ సినిమా సెన్సార్‌ కార్యక్రమాలు పూర్తయ్యాయి. సింగిల్ కారెక్టర్‌తో సినిమాను నడిపించడం, ఎక్కడా ఎలాంటి అసభ్యకర సన్నివేశాలు లేకుండా చిత్రీకరించడంపై ప్రశంసలు కురిపించారు సెన్సార్ సభ్యులు. దీనికి క్లీన్ U సర్టిఫికెట్ రావడం విశేషం.

Nani Dasara : అమెరికాలో నాని సరికొత్త రికార్డ్.. మహేష్ తర్వాత నాని ఒక్కడే..

హలో మీరా సినిమాను ఏప్రిల్ 21న విడుదల చేయబోతున్నట్టుగా చిత్రయూనిట్ ప్రకటించారు. ఇకపై మరింతగా ప్రమోషన్ కార్యక్రమాలు పెంచబోతున్నట్టుగా నిర్మాతలు తెలిపారు. ఈ సినిమాకు ఎస్.చిన్న సంగీతం అందించగా హిరణ్మయి కల్యాణ్ మాటలు రాశారు. రాంబాబు మేడికొండ ఎడిటర్ గా వర్క్ చేశారు. ఏప్రిల్ 21న థియేటర్స్ లో ఈ సినిమా రిలీజ్ కానుంది.