‘డమ్మీస్టార్’ మహేష్ బాబు.. ‘రీమేక్ స్టార్’ విజయ్ – వీరలెవల్లో ఫ్యాన్ వార్..
సోషల్ మీడియాలో తమిళ నటుడు విజయ్, టాలీవుడ్ సూపర్ స్టార్ మహేష్ బాబు అభిమానుల మధ్య వార్..
- Published By: sekhar ,Published On : March 31, 2020 / 04:02 PM IST
సోషల్ మీడియాలో తమిళ నటుడు విజయ్, టాలీవుడ్ సూపర్ స్టార్ మహేష్ బాబు అభిమానుల మధ్య వార్..
సినిమా రిలీజ్‌లు, రికార్డులు, కలెక్షన్ల విషయంలో స్టార్ హీరోల ఫ్యాన్స్ మధ్య ఏ స్థాయిలో ఫ్యాన్ వార్స్ జరుగుతాయో తెలిసిందే. సోషల్ మీడియా పుణ్యమా అని ఇతర భాషలకు చెందిన హీరోల అభిమానుల మధ్య గొడవలు తారాస్థాయికి చేరుకున్నాయి. తాజాగా తెలుగు, తమిళ్ అభిమానుల మధ్య వార్ మొదలైంది. విజయ్ ఫ్యాన్స్ సూపర్ స్టార్ మహేష్ బాబుని కాస్తా డమ్మీస్టార్ మహేష్ అనేయడంతో, దళపతి విజయ్ ఏమో రీమేక్ స్టార్ అంటూ మహేష్ అభిమానులు రెచ్చిపోయారు.
వీళ్ల మధ్య సోషల్ మీడియా ఫ్యాన్ వార్ ట్విట్టర్ ట్రెండింగ్‌లో కొనసాగుతుండడం విశేషం. తమిళనాట దళపతి విజయ్, టాలీవుడ్‌లో సూపర్ స్టార్ మహేష్ ఇద్దరూ టాప్ స్టార్స్ అనే సంగతి కొత్తగా చెప్పక్కర్లేదు. అయితే మహేష్ డమ్మీ స్టార్ అంటూ విజయ్ ఫ్యాన్స్ రకరకాలుగా మార్ఫింగ్ మరియు సినిమాలోని ఫోటోలతో ట్రోల్ చేస్తుండగా.. రీమేక్ స్టార్ అంటూ విజయ్‌ను మహేష్ ఫ్యాన్స్ ఆటాడుకుంటున్నారు.
ట్విట్టర్‌లో #RemakeStarVijay #DummyStarMaheshBabu హ్యాష్ ట్యాగ్స్ ట్రెండింగ్‌లో ఉన్నాయి. ఈ ఫ్యాన్ వార్‌కి ముగింపు ఏంటనేది అభిమానులకే తెలియాలి. ఇటీవల ధనుష్ ‘అసురన్’ రీమేక్ ‘నారప్ప’ ఫస్ట్ లుక్ రిలీజ్ సమయంలోనూ తమిళ్ ఫ్యాన్స్ తెలుగు హీరోలను ట్రోల్ చేసిన సంగతి తెలిసిందే.
