Sudheer Babu : నెపోటిజం లాంటి మాటలు మాట్లాడొద్దు.. నా మాటలు కాంట్రవర్సీ అవుతాయి..

Sarkaru Vaari Paata :  సూపర్ స్టార్ మహేష్ బాబు, కీర్తి సురేష్ జంటగా డైరెక్టర్ పరుశురాం తెరకెక్కించిన ‘సర్కారు వారి పాట’ సినిమా కోసం అభిమానులు ఎంతగానో ఎదురు చూస్తున్నారు. ఇప్పటికే ఈ సినిమా నుండి రెండు పాటలు రిలీజ్ అయి భారీ విజయాన్ని సాధించాయి. ఇటీవల రిలీజ్ అయిన ట్రైలర్ కూడా యూట్యూబ్‌లో రికార్డులు క్రియేట్ చేయడమే కాక అభిమానులకి, ప్రేక్షకులకి పిచ్చ పిచ్చగా నచ్చేసింది. ఈ సినిమా మే 12న ప్రపంచవ్యాప్తంగా థియేటర్లలో విడుదల కానుంది. ఇప్పటికే సినిమా ప్రమోషన్స్ చేస్తూ ఇంటర్వ్యూలు ఇస్తున్నారు చిత్ర యూనిట్. తాజాగా ఇవాళ (మే 7న) హైదరాబాద్ యూసుఫ్‌గూడాలోని పోలీస్ గ్రౌండ్స్‌లో ‘సర్కారు వారి పాట’ ప్రీ రిలీజ్ ఈవెంట్ అభిమానుల సమక్షంలో గ్రాండ్‌గా జరిగింది.

Vamshi Paidipalli : మహేష్ జీవితంలో నాకిచ్చిన స్థానానికి జీవితాంతం రుణపడి ఉంటాను..

ఈ ఈవెంట్ లో హీరో సుధీర్ బాబు మాట్లాడుతూ.. ఇది ప్రీ రిలీజ్ ఈవెంట్ లా లేదు. సూపర్ హిట్ ఫంక్షన్ లా ఉంది. నాకెప్పుడూ ఒక ప్రాబ్లమ్ ఉంటుంది. నేను మహేష్ గురించి మాట్లాడకపోతే మీకు నచ్చదు. మాట్లాడితే మహేష్ కి నచ్చదు. నేను మధ్యలో ఇరుక్కుపోతాను. ఇప్పుడు నేను మాట్లాడే మాటలు కాంట్రవర్సీ అవుతాయి. కానీ మాట్లాడతాను. వింటేజ్ మహేష్ బ్యాక్ అంటున్నారు అందరూ. కానీ నేను ఒప్పుకోను. మహేష్ అంటే ఎప్పుడూ వింటేజే. డిఫరెంట్ సినిమాలు సెలెక్ట్ చేసుకుంటారు అంతే. అందరూ పాన్ ఇండియా సినిమాలు అంటారు. కానీ మహేష్ పాన్ ఆడియన్స్ సినిమాలు తీస్తాడు. అందరి ఆడియన్స్ కి కనెక్ట్ అవుతాడు. ఈ సినిమాకి కలెక్షన్స్ బాగా రావాలని కోరుకుంటున్నాను. డైరెక్టర్ పరశురామ్ గారితో పని చేయాలి కానీ కుదరలేదు. తమన్ లాగా లైఫ్ ఎంజాయ్ చేయాలి. కీర్తి ఈ సినిమాలో చాలా బాగుంది. సినిమాకి పని చేసిన వారందరికీ అల్ ది బెస్ట్. ఈ సినిమాలో మా అబ్బాయి దర్శన్ యాక్ట్ చేశాడు. మా అబ్బాయి చేస్తున్నాడని ఎవరికీ తెలీదు చేసేదాకా. ఎవరి రికమండేషన్ లేదు. కాబట్టి నెపోటిజం లాంటి మాటలు మాట్లాడకండి. కృష్ణ గారిని దర్శన్ లో చూస్తారు.